ଲକ୍ଷ୍ନୌ : ଲୋକାଲ ପୋଲିସ ଦ୍ୱାରା ହଇରାଣ ହୋଇଥିବା ଡଙ୍ଗା ଚାଳକମାନଙ୍କୁ ସହାୟତା ପ୍ରଦାନ ନିମନ୍ତେ କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ରବିବାର ଉତ୍ତରପ୍ରଦେଶର ପ୍ରୟାଗରାଜ ଠାରେ ପହଞ୍ଚିଛନ୍ତି । ସେ ଗ୍ରାମବାସୀ ଏବଂ ମତ୍ସ୍ୟଜୀବୀଙ୍କ ସହିତ କଥା ହୋଇଛନ୍ତି ।
ଏହାପୂର୍ବରୁ ସେ ସୁଜିତ୍ ନିଶାଦଙ୍କ ଡଙ୍ଗାରେ ଯାତ୍ରା କରି ଗଙ୍ଗା, ଯମୁନା ଏବଂ ସରସ୍ୱତୀ ନଦୀର ମିଳନ ସଙ୍ଗମ ଠାରେ ଏକ ପବିତ୍ର ବୁଡ଼ ପକାଇବା ପରେ ମଉନି ଅମାବାସ୍ୟ ଉପଲକ୍ଷେ ସେ ପୂଜା କରିଥିଲେ । ପରେ ସେ ଏକ ଭିଡିଓ ପୋଷ୍ଟ କରିଥିଲେ ଯେଉଁଠାରେ ସେ ନିଶାଦଙ୍କୁ ଡଙ୍ଗା ଚାଳନାରେ ସାହାଯ୍ୟ କରୁଥିବା ଦେଖାଯାଇଥିଲା ।
ନିଶାଦ ସମ୍ପ୍ରଦାୟର ଡଙ୍ଗା ଚାଳକମାନେ ସମ୍ମୁଖୀନ ହେଉଥିବା ସମସ୍ୟା ବିଷୟରେ ନିଶାଦ ସୂଚନା ଦେଇଥିଲେ । ଯେଉଁଥିରେ ସେମାନଙ୍କ ଡଙ୍ଗାକୁ ନଷ୍ଟ କରି ପୋଲିସ ଦ୍ୱାରା ସେମାନଙ୍କ ପ୍ରତି ଅତ୍ୟାଚାର କରାଯାଉଛି ବୋଲି କହିଥିଲେ । ଦଳ ସୂତ୍ରରୁ ପ୍ରକାଶ ଯେ, ଅତ୍ୟାଚାର ବିରୋଧରେ ସ୍ୱର ଉଠାଇବା ପାଇଁ ଡଙ୍ଗା ଚାଳକ ତାଙ୍କ ସାହାଯ୍ୟ ଲୋଡିଥିଲେ ।
ସୁଜିତ କହିଛନ୍ତି ଯେ, ନିଶାଦ ସମ୍ପ୍ରଦାୟ ଏବଂ ଓବିସି କାଷ୍ଟର ଅନେକ ଡଙ୍ଗା, ପୋଲିସ ଏବଂ ପ୍ରଶାସନିକ ଅଧିକାରୀଙ୍କ ଦ୍ୱାରା କ୍ଷତିଗ୍ରସ୍ତ ହୋଇଛି । 24 ଜୁନ୍ 2019 ରେ ଉତ୍ତରପ୍ରଦେଶ ସରକାର ବାଲୁକା ଖଣିରେ ନିକଟରେ ଡଙ୍ଗା ଚଳାଚଳ ଉପରେ ପ୍ରତିବନ୍ଧକ ଲଗାଇଥିଲେ । ହଠାତ୍ ଲକ୍ଷାଧିକ ନିଶାଦ ବେରୋଜଗାର ହୋଇଗଲେ । ତେଣୁ ସମ୍ପ୍ରଦାୟ ମଧ୍ୟରେ କ୍ରୋଧ ଦେଖିବାକୁ ମିଳିଛି । ଲକ୍ଷ ଲକ୍ଷ ନିଶାଦ ଉତ୍ତରପ୍ରଦେଶରେ ଜୀବିକା ନିର୍ବାହ ପାଇଁ ନଦୀ ଉପରେ ନିର୍ଭର କରନ୍ତି ।
2013ରେ, NGT ମେସିନ୍ ବ୍ୟବହାର କରି ନଦୀରୁ ବାଲି ଚାଲାଣକୁ ବାରଣ କରିଥିଲା । କିନ୍ତୁ, ଖଣି କମ୍ପାନୀମାନେ ଏହାକୁ ପୋକଲାଣ୍ଡ ମେସିନରେ ଖୋଳିବା ସହ ସରକାର ଟିକସ ଆଦାୟ ଜାରି ରଖିଛନ୍ତି ।
ପ୍ରାୟ 15 ବର୍ଷ ଧରି ଘୁରପୁର ଓ ଆଖପାଖ ଅଞ୍ଚଳର ଖଣି ମାଫିଆ ଏବଂ ନିଶାଦ ମଧ୍ୟରେ ବିବାଦ ଲାଗି ରହିଥିଲା । ଏହାକୁ ନେଇ ନିଶାଦ ଏବଂ ପୋଲିସ ମଧ୍ୟରେ ବିବାଦ ଲାଗି ରହିଛି ।
ଜାନୁଆରୀ 30ରେ ଘୁରପୁର ନିକଟସ୍ଥ ବନଶ୍ୱର ଗ୍ରାମରେ ରାଜ ଚୁକ୍ତି ହୋଇଥିଲା ଯାହା ବର୍ତ୍ତମାନ ବନ୍ଦ ହୋଇଯାଇଛି । ଫେବୃଆରୀ 4 ରେ କିଛି ଲୋକ ଅଭିଯୋଗ କରିଥିଲେ ଯେ, ସେଠାରେ ବେଆଇନ ଖଣି ଖନନ କରାଯାଉଛି । ପରେ ପୋଲିସ ଆସି 16 ଟି ଡଙ୍ଗାର କ୍ଷତି ହେବା ସହ 30 ଜଣ ଆହତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
