ନୂଆଦିଲ୍ଲୀ: ପୁଣି ଆରମ୍ଭ ହେବାକୁ ଯାଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଦେଶ ଗସ୍ତ । 29ରୁ 31 ଅକ୍ଟୋବର ଯାଏଁ ଇଟାଲୀ ଗସ୍ତରେ ରହିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ଜି 20 ସମ୍ମିଳନୀ(G20 summit)ରେ ସାମିଲ ହେବେ ପ୍ରଧାନମନ୍ତ୍ରୀ ।
ଇଟାଲୀ ପରେ ୟୁକେ ଯିବେ ପ୍ରଧାନମନ୍ତ୍ରୀ ମୋଦି । ଏହାସହିତ ସ୍କଟଲ୍ୟାଣ୍ଡ୍ର ଗ୍ଲାସଗୋରେ ହେବାକୁ ଥିବା କୋପ୍ 26 କ୍ଲାଇମେଟ ସମ୍ମିଳନୀରେ ଭାଗ ନେବେ ପ୍ରଧାନମନ୍ତ୍ରୀ । ଏହି ସମୟରେ ପ୍ରଧାନମନ୍ତ୍ରୀ ବ୍ରିଟେନ ପ୍ରତିପକ୍ଷ ବୋରିସ ଜନସନଙ୍କ ସହ ଦ୍ବିପାକ୍ଷିକ ଆଲୋଚନା ମଧ୍ୟ କରିବେ ।
ସ୍କଟଲ୍ୟାଣ୍ଡ୍ର ଗ୍ଲାସଗୋରେ ବ୍ରିଟେନର ଅଧ୍ୟକ୍ଷତାରେ 31 ଅକ୍ଟୋବରରୁ 12 ନଭେମ୍ବର ଯାଏଁ ହେବାକୁଥିବା କୋପ୍ 26 ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସାମିଲ ହେବା ନେଇ ସ୍ପଷ୍ଟ କରିଛନ୍ତି ସରକାର ।
