ନୂଆଦିଲ୍ଲୀ: ଚାଷୀଙ୍କ ଉଦ୍ଦେଶ୍ୟରେ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମାର ଲେଖିଥିବା ଚିଠିକୁ ଅଧିକରୁ ଅଧିକ ଅନୁଧ୍ୟାନ କରିବା ପାଇଁ ଅପିଲ୍ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଚିଠିକୁ ଅଧିକରୁ ଅଧିକ ଲୋକଙ୍କ ନିକଟକୁ ପଠାଇବାକୁ ଟ୍ବିଟ କରି କହିଛନ୍ତି ପ୍ରଧାନମନ୍ତ୍ରୀ ।
ପ୍ରଧାନମନ୍ତ୍ରୀ ଟ୍ବିଟ କରି କହିଛନ୍ତି, କୃଷିମନ୍ତ୍ରୀ ନରେନ୍ଦ୍ର ସିଂହ ତୋମାର ଚାଷୀ ଭାଇ ଓ ଭଉଣୀଙ୍କୁ ଚିଠି ଲେଖି ନିଜର ଭାବନା ପ୍ରକାଶ କରିଛନ୍ତି । ଏକ ବିନମ୍ର ସମ୍ବାଦ ପାଇଁ ପ୍ରୟାସ କରିଛନ୍ତି । ସମସ୍ତ ଅନ୍ନଦାତାଙ୍କୁ ଏହି ଚିଠି ପଢିବାକୁ ଅନୁରୋଧ କରିଛନ୍ତି ମୋଦି । ଏହାସହ ଅଧିକରୁ ଅଧିକ ଲୋକଙ୍କ ନିକଟରେ ଏହି ଚିଠି ପହଞ୍ଚାଇବାକୁ ଦେଶବାସୀଙ୍କୁ ଅପିଲ ମଧ୍ୟ କରିଛନ୍ତି ପ୍ରଧାନମନ୍ତ୍ରୀ ।
କେନ୍ଦ୍ର କୃଷି ଆଇନ ବିରୋଧରେ 22 ଦିନରେ ପହଞ୍ଚିଛି ଚାଷୀ ଆନ୍ଦୋଳନ । ଏହାରି ମଧ୍ୟରେ କୃଷି ଆଇନକୁ ନେଇ ଚାଷୀଙ୍କ ନାଁରେ ଚିଠି ଲେଖିଛନ୍ତି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମର । ଏହି ଚିଠିରେ କୃଷିମନ୍ତ୍ରୀ କୃଷି ସୁଧାର ଆଇନରେ କଣ ସବୁ ଲାଭ ରହିଛି ତାହା ଲେଖିଛନ୍ତି ।
