ନୂଆଦିଲ୍ଲୀ: ଆଜି ରଙ୍ଗର ପର୍ବ ହୋଲି । ଏହି ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ।
ହୋଲିର ଏହି ଶୁଭ ଦିନରେ ସମସ୍ତଙ୍କୁ ମୋର ଶୁଭେଚ୍ଛା । ରଙ୍ଗର ପର୍ବ ହୋଲି ଭାଇଚାରାର ପର୍ବ । ଏହି ପର୍ବ ଲୋକଙ୍କ ଜୀବନରେ ଖୁସି, ଆନନ୍ଦ, ଉଲ୍ଲାସ ଭରିଦିଏ । ଏହି ପର୍ବ ସଂସ୍କୃତିକ ବିବିଧତାରେ ରାଷ୍ଟ୍ରୀୟ ଚେତନାକୁ ଅଧିକ ଶକ୍ତି ପ୍ରଦାନ କରୁ ବୋଲି କାମନା କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ।
ଆପଣ ସମସ୍ତଙ୍କୁ ହୋଲିର ଅନେକ ଅନେକ ଶୁଭେଚ୍ଛା । ଆନନ୍ଦ, ଉଲ୍ଲାସ, ଆଶାର ଏହି ପର୍ବ ପ୍ରତ୍ୟେକଙ୍କ ଜୀବନରେ ଏକ ନୂଆ ଉତ୍ସାହ ଓ ଉଦ୍ଦୀପନା ସଂଚାର କରୁ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ସେପଟେ ହୋଲିରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ । ରଙ୍ଗର ପର୍ବ ହୋଲି ଆପଣ ସମସ୍ତଙ୍କ ଜୀବନରେ ଏକ ନୂଆ ଉତ୍ସାହ ଓ ଉଦ୍ଦୀପନା ସଂଚାର କରୁ ବୋଲି କହିଛନ୍ତି ପ୍ରତିରକ୍ଷାମନ୍ତ୍ରୀ ।
ଏହା ସହିତ ଦେଶବାସୀଙ୍କୁ ହୋଲିର ଶୁଭେଚ୍ଛା ଦେଇଛନ୍ତି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରଙ୍ଗର ଏହି ପର୍ବ ଆମ ସମସ୍ତଙ୍କ ଜୀବନରେ ନୂଆ ଉତ୍ସାହ ଓ ଉଦ୍ଦୀପନା ସହିତ ସୁଖ, ସମୃଦ୍ଧି ଓ ସୌଭାଗ୍ୟରେ ପରିପୂର୍ଣ୍ଣ ହୋଇଯାଉ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ ।
@ANI
