ନୂଆଦିଲ୍ଲୀ: ଦେଶରେ ଖୋଲିଲା ଡିଜିଟାଲ ବ୍ୟାଙ୍କିଙ୍ଗ ୟୁନିଟ(Digital Banking Units) । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି(ରବିବାର) ଦେଶର ୭୫ ଜିଲ୍ଲାରେ ୭୫ଟି ଡିଜିଟାଲ ବ୍ୟାଙ୍କିଙ୍ଗ ୟୁନିଟର ଲୋକାର୍ପଣ କରିଛନ୍ତି(Prime Minister Narendra Modi dedicates 75 DBUs) । ଦିନ ୧୧ଟା ସମୟରେ ଭିଡିଓ କନଫରେନ୍ସିଂ ଜରିଆରେ ପ୍ରଧାନମନ୍ତ୍ରୀ ଏହାକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି । ଏହାସହିତ ଏକ ସମାବେଶକୁ ସମ୍ବୋଧିତ କରିଛନ୍ତି । ଆର୍ଥିକ ଅନ୍ତର୍ଭୁକ୍ତିକୁ ଅଧିକ ବ୍ୟାପକ କରିବା ଦିଗରେ ଏହି ବ୍ୟାଙ୍କିଙ୍ଗ ୟୁନିଟ ଏକ ମହତ୍ତ୍ବପୂର୍ଣ୍ଣ ପଦକ୍ଷେପ ।
-
Prime Minister Narendra Modi dedicates 75 Digital Banking Units (DBUs) across 75 districts, to the nation. pic.twitter.com/FxPVj7fiHn
— ANI (@ANI) October 16, 2022 " class="align-text-top noRightClick twitterSection" data="
">Prime Minister Narendra Modi dedicates 75 Digital Banking Units (DBUs) across 75 districts, to the nation. pic.twitter.com/FxPVj7fiHn
— ANI (@ANI) October 16, 2022Prime Minister Narendra Modi dedicates 75 Digital Banking Units (DBUs) across 75 districts, to the nation. pic.twitter.com/FxPVj7fiHn
— ANI (@ANI) October 16, 2022
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ(PMO) ପକ୍ଷରୁ ଜାରି ଏକ ବିବୃତ୍ତିରେ କୁହାଯାଇଥିଲା, ୨୦୨୨-୨୩ କେନ୍ଦ୍ର ବଜେଟ ଅଭିଭାଷଣରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଭାରତ ସ୍ବାଧୀନତାର ୭୫ ବର୍ଷ ପୂର୍ତ୍ତି ଉପଲକ୍ଷେ ଦେଶର ୭୫ ଜିଲ୍ଲାରେ ୭୫ଟି ଡିଜିଟାଲ ବ୍ୟାଙ୍କିଙ୍ଗ ୟୁନିଟ ସ୍ଥାପନ କରିବା ପାଇଁ ଘୋଷଣା କରିଥିଲେ । ଦେଶର କୋଣ ଅନୁକୋଣରେ DBUsର ସୁଫଳ ପ୍ରସାର କରିବା ପାଇଁ ଏହାକୁ ସ୍ଥାପନ କରାଯାଇଛି । ଏଥିରେ ସମସ୍ତ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳ ଅନ୍ତର୍ଭୁକ୍ତ ରହିଛି ।
ଏହାମଧ୍ୟ ପଢନ୍ତୁ: ଅମୂଲ ପରେ ୨ ଟଙ୍କା ବଢିଲା ମଦର ଡାଏରୀ କ୍ଷୀର
ସେହିପରି ୧୧ ରାଷ୍ଟ୍ରାୟତ୍ତ ବ୍ୟାଙ୍କ(Public Sector Banks), ୧୨ଟି ବେସରକାରୀ ବ୍ୟାଙ୍କ(Private Sector Banks), ଗୋଟିଏ ସ୍ମଲ ଫାଇନାନ୍ସ ବ୍ୟାଙ୍କ(Small Finance Bank) ଏହି ମହତ୍ତ୍ବପୂର୍ଣ୍ଣ ପ୍ରୟାସରେ ସାମିଲ ହୋଇଛନ୍ତି । ଏହି ଡିଜିଟାଲ ବ୍ୟାଙ୍କିଙ୍ଗ ୟୁନିଟରେ ସେଭିଂ ଆକାଉଣ୍ଟ, ବାଲାନ୍ସ ଚେକ, ଫଣ୍ଡ ଟ୍ରାନ୍ସଫର, ଆକାଉଣ୍ଟ ଷ୍ଟେଟମେଣ୍ଟ ଦେଖିବା, ଜମା ପୁଞ୍ଜିରେ ନିବେଶ, ଲୋନ ଆବେଦନ, କ୍ରେଡିଟ/ଡେବିଟ କାର୍ଡ ଆବଦେନ, ଟିକସ ପୈଠ, ଦେୟ ପୈଠ, ନୋମିନେସନ ଆଦି ଅନେକ ସୁବିଧା ମିଳିବ । ଏହା ଗ୍ରାହକମାନଙ୍କୁ ବର୍ଷ ତମାମ୍ କମ୍ ମୂଲ୍ୟରେ ସୁବିଧାଜନକ ବ୍ୟାଙ୍କିଙ୍ଗ ସେବା ପ୍ରଦାନ କରିବ । ଏହା ଲୋକମାନଙ୍କ ମଧ୍ୟରେ ଡିଜିଟାଲ ଫାଇନାନ୍ସିଆଲ ସାକ୍ଷରତା ଏବଂ ସାଇବର ସୁରକ୍ଷା ସଚେତନତା ପ୍ରସାର କରିବ ।
ଏହାମଧ୍ୟ ପଢନ୍ତୁ: ଚାରିଧାମରେ ଆତଙ୍କବାଦୀ ଆକ୍ରମଣ ଧମକ, ବୋମାରେ ଉଡାଇବାକୁ ମିଳିଲା ଚିଠି
