ହାଇଦ୍ରାବାଦ: ମହାମାରୀ ସମୟରେ ସାମାଜିକ ଦୂରତା ରଖିବାର ନିହାତି ଆବଶ୍ୟକତା ରହିଛି । ଏହି ନିୟମର ସଠିକ ପାଳନ କରିଛନ୍ତି ଜଣେ ପଣ୍ଡିତ । ଆପଣ ଜାଣି ଆଶ୍ଟର୍ଯ୍ୟ ହେବେ କୋରୋନା କୋପରୁ ରକ୍ଷା ପାଇବା ପାଇଁ ଏପରି ପଦକ୍ଷେପ ନେଇଛନ୍ତି ଜଣେ ପଣ୍ଡିତ । ବେଦୀରେ ବର କନିଆ ଥିବାବେଳେ ଗାଡି ଭିତରେ ବସି ପଣ୍ଡିତ ମନ୍ତ୍ର ପଢି ସେମାନଙ୍କ ବିବାହ କରୁଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏପରି ଘଟଣା ଘଟିଛି ତେଲେଙ୍ଗାନାର ସିଦିପେଟ ଜିଲ୍ଲା କୋହେଦା ଅଞ୍ଚଳରେ ।
ବେଦୀରେ ନୁହେଁ କାରରେ ବସି ମନ୍ତ୍ରପାଠ କଲେ ପଣ୍ଡିତ
କୋରୋନା ସଂକ୍ରମଣରୁ ରକ୍ଷା ପାଇବା ପାଇଁ ପଣ୍ଡିତ ଜଣକ ଏକ ଗାଡିରେ ବସି ମାଇକ ସାହାଯ୍ୟରେ ମନ୍ତ୍ର ପଢି ବିବାହ କାର୍ଯ୍ୟ ତୁଲାଇଛନ୍ତି । ଅନ୍ୟପଟେ ବେଦୀ ଉପରେ ବର କନିଆ ବସିଛନ୍ତି । ଏହି ସମୟର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
