International Day of Persons with Disabilities: ଭିନ୍ନକ୍ଷମ ସଶକ୍ତିକରଣ ଆଓ୍ୱାର୍ଡ ପ୍ରଦାନ କଲେ ରାଷ୍ଟ୍ରପତି

ଅନ୍ତର୍ଜାତୀୟ ଭିନ୍ନକ୍ଷମ ଦିବସରେ ଭିନ୍ନକ୍ଷମ ସଶକ୍ତିକରଣ ଆଓ୍ବାର୍ଡ ପ୍ରଦାନ କଲେ ରାଷ୍ଟ୍ରପତି (National Awards for the Empowerment of Persons with Disabilities) । ଭାରତରେ ରହିଛନ୍ତି ମୋଟ ଜନସଂଖ୍ୟାର ଦୁଇ ପ୍ରତିଶତ ଭିନ୍ନକ୍ଷମ । ସେମାନଙ୍କୁ ସ୍ବାବଲମ୍ବୀ କରିବା ଆମ ସମସ୍ତଙ୍କ ସାମାଜିକ ଦାୟିତ୍ବ । ସେମାନେ ମୁଖ୍ୟସ୍ରୋତରେ ସକ୍ରିୟ ଭାବେ ସାମିଲ ହେଲେ ଦେଶର ପ୍ରଗତି ଅଧିକ ଗତିଶୀଳ ହୋଇପାରିବ କହିଲେ ରାଷ୍ଟ୍ରପତି । ଅଧିକ ପଢନ୍ତୁ

ହାଇଦ୍ରାବାଦ: ବର୍ଷ 2021-22 ପାଇଁ ଜାତୀୟ ଭିନ୍ନକ୍ଷମ ସଶକ୍ତିକରଣ ଆଓ୍ବାର୍ଡ (National Awards for the Empowerment of Persons with Disabilities) ପ୍ରଦାନ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଅନ୍ତର୍ଜାତୀୟ ଭିନ୍ନକ୍ଷମ ଦିବସ (International Day of Persons with Disabilities) ଅବସରରେ ରାଷ୍ଟ୍ରପତି ଭବନରେ ଏହି ଆଓ୍ବାର୍ଡ ପ୍ରଦାନ ଉତ୍ସବର ଆୟୋଜନ କରାଯାଇଥିଲା । ଏଥିରେ ଏକାଧିକ କୃତି ଭିନ୍ନକ୍ଷମ ଛାତ୍ରଛାତ୍ରୀଙ୍କୁ ଆଓ୍ବାର୍ଡରେ ସମ୍ମାନିତ କରିଥିଲେ ରାଷ୍ଟ୍ରପତି ।

• President Droupadi Murmu presented the National Awards for the Empowerment of Persons with Disabilities for the year 2021 and 2022 in New Delhi today on the occasion of the International Day of Persons with Disabilities. https://t.co/NyqvHFq603 pic.twitter.com/J9iEKA5ll7

  — President of India (@rashtrapatibhvn) December 3, 2022 " class="align-text-top noRightClick twitterSection" data="

  President Droupadi Murmu presented the National Awards for the Empowerment of Persons with Disabilities for the year 2021 and 2022 in New Delhi today on the occasion of the International Day of Persons with Disabilities. https://t.co/NyqvHFq603 pic.twitter.com/J9iEKA5ll7

  — President of India (@rashtrapatibhvn) December 3, 2022

  ">

  President Droupadi Murmu presented the National Awards for the Empowerment of Persons with Disabilities for the year 2021 and 2022 in New Delhi today on the occasion of the International Day of Persons with Disabilities. https://t.co/NyqvHFq603 pic.twitter.com/J9iEKA5ll7

  — President of India (@rashtrapatibhvn) December 3, 2022

କାର୍ଯ୍ୟକ୍ରମକୁ ସମ୍ବୋଧିତ କରି ରାଷ୍ଟ୍ରପତି କହିଛନ୍ତି, ଜାତିସଂଘର ଅନୁଧ୍ୟାନ ରିପୋର୍ଟ ଅନୁସାରେ ସମଗ୍ର ବିଶ୍ବରେ ପ୍ରାୟ ଶହେ କୋଟି (ଏକ ବିଲିୟନ) ଭିନ୍ନକ୍ଷମ ବ୍ୟକ୍ତି ରହିଛନ୍ତି । ଏହାକୁ ଆନୁପାତିକ ଭାବେ ଦେଖିବାକୁ ଗଲେ ବିଶ୍ବ ଜନସଂଖ୍ୟାର ପ୍ରତ୍ୟେକ 8ଜଣଙ୍କ ମଧ୍ୟରେ ଜଣେ ଶାରୀରିକ ଭାବେ ଭିନ୍ନକ୍ଷମ । ସେହିପରି ଭାରତରେ ମଧ୍ୟ ମୋଟ ଜନସଂଖ୍ୟାର ଦୁଇ ପ୍ରତିଶତ ଶାରୀରିକ ଭିନ୍ନକ୍ଷମ ରହିଛନ୍ତି । ସେମାନେ କିପରି ସ୍ବାଭାବିକ ଭାବେ ସ୍ବାଧୀନ ଓ ମର୍ଯ୍ୟାଦାର ସହ ଜୀବନ ଅତିବାହିତ କରିପାରିବେ ତାହା ଆମ ସମସ୍ତଙ୍କ ଦାୟିତ୍ବ । ସେମାନଙ୍କ ପାଇଁ ସ୍ବାସ୍ଥ୍ୟ, ଶିକ୍ଷା, ସୁରକ୍ଷା ସହ ସମସ୍ତ ସାମାଜିକ ଅଧିକାରର ଉପଲବ୍ଧତାକୁ ନିଶ୍ଚିତ କରିବା ଆମ ସମସ୍ତଙ୍କ ପ୍ରାଥମିକ ସାମାଜିକ ଦାୟିତ୍ବ ହେବା ଉଚିତ ବୋଲି ରାଷ୍ଟ୍ରପତି କହିଥିଲେ ।

ରାଷ୍ଟ୍ରପତି ଆହୁରି ମଧ୍ୟ କହିଥିଲେ, ଭିନ୍ନକ୍ଷମଙ୍କ ସଶକ୍ତିକରଣ ପାଇଁ ସରକାର ଅନେକ ପଦକ୍ଷେପ ଗ୍ରହଣ କରିଛନ୍ତି । ଭିନ୍ନକ୍ଷମଙ୍କ ମଧ୍ୟରେ ଆତ୍ମବିଶ୍ୱାସ ସୃଷ୍ଟି କରିବା ଓ ସେମାନଙ୍କୁ ସଶକ୍ତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଭିନ୍ନକ୍ଷମମାନଙ୍କ ଠାରେ ସାଧାରଣ ପ୍ରତିଭା ଏବଂ ଦକ୍ଷତା ସମାନ ହୋଇଥାଏ ଏବଂ ବେଳେବେଳେ ସାଧାରଣ ବ୍ୟକ୍ତିଙ୍କ ଠାରୁ ଅପେକ୍ଷାକୃତ ଅଧିକ ମଧ୍ୟ ଦେଖାଯାଇଥାଏ । ସେମାନଙ୍କୁ ସମସ୍ତ କ୍ଷେତ୍ରରେ ଆତ୍ମନିର୍ଭରଶୀଳ କରିବା ପାଇଁ ସେମାନଙ୍କ ମଧ୍ୟରେ ଆତ୍ମବିଶ୍ୱାସ ସୃଷ୍ଟି କରିବା ଆବଶ୍ୟକ । ଆମର ଭିନ୍ନକ୍ଷମ ଭାଇ ଓ ଭଉଣୀମାନେ ସମାଜର ମୁଖ୍ୟସ୍ରୋତରେ ସାମିଲ ହୋଇ ଏକ ପ୍ରଭାବଶାଳୀ ଭୂମିକା ଲିଭାଇ ପାରିଲେ ଦେଶର ପ୍ରଗତି ମଧ୍ୟ ଅଧିକ ଗତିଶୀଳ ହୋଇପାରିବା ନେଇ ରାଷ୍ଟ୍ରପତି ଆଶାବ୍ୟକ୍ତ କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ