କୋଲକାତା: ପଶ୍ଚିମବଙ୍ଗ ତାରଟାଲାରେ ବିଜେପି କର୍ମୀ ଏବଂ କୋଲକାତା ପୋଲିସ ମଧ୍ୟରେ ସଂଘର୍ଷ । ଫଳରେ ପ୍ରାୟ 2 ଶହ ବିଜେପି କର୍ମୀଙ୍କ ସହ ବିଜେପି ନେତା କୈଳାଶ ବିଜୟ ବର୍ଗୀୟଙ୍କୁ ଅଟକ ରଖିଛି ପଶ୍ଚିମବଙ୍ଗ ପୋଲିସ ।
ପଶ୍ଚିମବଙ୍ଗ ବିଜେପି ନେତା କୈଳାଶ ବିଜୟ ବର୍ଗୀୟ ଅଟକ
ସୂଚନା ଅନୁସାରେ ଆଜି ମଜିରହାଟ ବ୍ରିଜ ଖୋଲିବାକୁ ଦାବି କରି ବିଜେପି ପକ୍ଷରୁ ଏକ ଶୋଭାଯାତ୍ରାର ବାହାରିଥିଲା । ଯାହାର ନେତୃତ୍ବ ନେଇଥିଲେ ବିଜେପି ନେତା କୈଳାଶ ବିଜୟ ବର୍ଗୀୟ । କୋଲକାତା ପୋଲିସ ପହଞ୍ଚି ଶୋଭାଯାତ୍ରାକୁ ବାରଣ କରିବା ସହ ବିଜେପି କର୍ମିଙ୍କୁ ଅଟକାଇବା ପାଇଁ ଚେଷ୍ଟା କରିଥିଲା । ଫଳରେ ଘଟଣାସ୍ଥଳରେ ପୋଲିସ ଓ ବିଜେପି କର୍ମୀଙ୍କ ମଧ୍ୟରେ ଖଣ୍ଡଯୁଦ୍ଧ ପରିସ୍ଥିତି ସୃଷ୍ଟି ହୋଇଥିଲା ।
ପ୍ରାୟ 200ରୁ ଉର୍ଦ୍ଧ୍ବ ବିଜେପି କର୍ମୀଙ୍କୁ ଗିରଫ କରିବା ସହ ଶୋଭାଯାତ୍ରାର ନେତୃତ୍ବ ନେଇଥିବା ବିଜୟ ବର୍ଗୀୟଙ୍କୁ ପୋଲିସ ଅଟକ ରଖିଥିବା ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
