ଶ୍ରୀନଗର: ସେନାକୁ ମିଳିବାରେ ଲାଗିଛି ଗୋଟିଏ ପରେ ଗୋଟିଏ ସଫଳତା । LOC ସୀମା ପୁଞ୍ଚ ଜିଲ୍ଲାରୁ ବିପୁଳ ପରିମାଣର ନିଶାଦ୍ରବ୍ୟ (narcotics) ଜବତ କଲା ସେନା । ସେନା ଓ ଜମ୍ମୁ କାଶ୍ମୀରର ମିଳିତ ଉଦ୍ୟମରେ ପାଖାପାଖି ୪୪ କେଜି ନିଶାଦ୍ରବ୍ୟ ଜବତ କରାଯାଇଛି ।
ଏନେଇ ଜମ୍ମୁ କାଶ୍ମୀର ପୋଲିସ ପକ୍ଷରୁ ସୂଚନା ମିଳିଛି । ସୂଚନା ଅନୁସାରେ, LOC ସୀମାରେ ନିଶା କାରବାର ନେଇ ସେନାକୁ ମିଳିଥିଲା ସୂଚନା । ପରେ ମେ ୨୫ରୁ ସେନା ଓ ପୋଲିସ ପକ୍ଷରୁ ସ୍ପେଶାଲ ଅପରେସନ ଆରମ୍ଭ ହୋଇଥିଲା । LOC ସୀମା ପୁଞ୍ଚ ଜିଲ୍ଲାର ବିଭିନ୍ନ ସ୍ଥାନରେ ଚଢାଉ କରିଥିଲେ ସୁରକ୍ଷା ବାହିନୀ ।
ଦୀର୍ଘ ୪ ଦିନ ଧରି ଏ ମିଳିତ ଅପରେସନ ଜାରି ରହିଥିଲା । ତେବେ ରେଡ ବେଳେ ସେନାର ହାତରେ ଲାଗିଥିଲା ପାଖାପାଖି 44 କେଜି ନିଶାଦ୍ରବ୍ୟ । ତେବେ,ଏ ନିଶା ଦ୍ରବ୍ୟ ପାକିସ୍ତାନ ପଟୁ ଆସୁଥିବା ସନ୍ଦେହ କରାଯାଉଛି । ଏନେଇ ଏକ ମାମଲା ରୁଜୁ ହୋଇଥିବା ନେଇ ପ୍ରତିରକ୍ଷା ବିଭାଗର ପିଆରଓ (PRO Defence Davender Anand ) ସୂଚନା ଦେଇଛନ୍ତି ।
