ହାଇଦ୍ରାବାଦ: ହାଇଦ୍ରାବାଦରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଇଣ୍ଡିଆନ୍ ସ୍କୁଲ୍ ଅଫ୍ ବିଜିନେସର(ISB) ବିଂଶତମ ଉତ୍ସବରେ ପ୍ରଧାନମନ୍ତ୍ରୀ ଯୋଗଦେବା ସହ ଛାତ୍ରଛାତ୍ରୀଙ୍କୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି । ଅପରାହ୍ନରେ ହେବାକୁ ଥିବା ଏହି କାର୍ଯ୍ୟକ୍ରମରେ ISB ର ହାଇଦ୍ରାବାଦ ଏବଂ ମୋହାଲି କ୍ୟାମ୍ପସରୁ ପ୍ରାୟ ୯୦୦ ଛାତ୍ରଛାତ୍ରୀ ଅଂଶଗ୍ରହଣ କରିବେ । ଏନେଇ ତେଲେଙ୍ଗାନା ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
ISBର ୫ କିଲୋମିଟର ପରିସର ମଧ୍ୟରେ ରିମୋଟ ନିୟନ୍ତ୍ରିତ ଡ୍ରୋନ୍ କିମ୍ବା ପାରା-ଗ୍ଲାଇଡର୍ସ କିମ୍ବାମାଇକ୍ରୋ-ଲାଇଟ୍ ଉଡ଼ାଣକୁ ନିଷେଧ କରାଯାଇଛି । ଏହି କଟକଣା ଗତକାଲି ମଧ୍ୟାହ୍ନ ୧୨ଟା ଠାରୁ ଆଜି ସନ୍ଧ୍ୟା ୬ଟା ପର୍ଯ୍ୟନ୍ତ ଏହି କଟକଣା ବଳବତ୍ତର ରହିବା ନେଇ ପୋଲିସ ପକ୍ଷରୁ ସୂଚନା ଦିଆଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
