ନୂଆଦିଲ୍ଲୀ: ସ୍ଥାନୀୟ ଉତ୍ପାଦକୁ ପ୍ରୋତ୍ସାହନ ଦେବା ପାଇଁ ଭୋକାଲ ଫର ଲୋକାଲ ର ବାର୍ତ୍ତା ଦେଇ ଆସୁଛନ୍ତି ପ୍ରଧାନମନ୍ତ୍ରୀ । ଏହି କ୍ରମରେ ସାବରମତୀ ଆଶ୍ରମର ଅମୃତ ମହୋତ୍ସବ କାର୍ଯ୍ୟକ୍ରମରେ ଯୋଗ ଦେଇ ଭୋକାଲ ଫର ଲୋକାଲ ପାଇଁ ଅଭିଯାନ ଆରମ୍ଭ କରିଛନ୍ତି ପ୍ରଧାନମନ୍ତ୍ରୀ ।
ପ୍ରଧାନମନ୍ତ୍ରୀ ମୋଦି କହିଛନ୍ତି କୌଣସି ସ୍ଥାନୀୟ ଉତ୍ପାଦ କିଣନ୍ତୁ, ଆଉ ଭୋକାଲ ଫର ଲୋକାଲର ଉପଯୋଗ କରି ସୋସିଆଲ ମିଡିଆରେ ଗୋଟିଏ ଫଟୋ ପୋଷ୍ଟ କରନ୍ତୁ । ସେ କହିଛନ୍ତି, ସାବରମତୀ ଆଶ୍ରମର ମଗନ ନିବାସରେ ଏକ ଚରଖା ସ୍ଥାପିତ କରାଯିବ । ଏହା ଆତ୍ମନିର୍ଭର ଭାରତ ସହ ସମ୍ବନ୍ଧିତ ପ୍ରତ୍ୟେକ ଟ୍ବିଟ ସହିତ ପୂର୍ଣ୍ଣ ଚକ୍ର ନେବ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଆଜିର ଅମୃତ ମହୋତ୍ସବ କାର୍ଯ୍ୟକ୍ରମ ସାବରମତୀ ଆଶ୍ରମରୁ ଆରମ୍ଭ ହୋଇଥିଲା, ଯେଉଁଠାରୁ ଦାଣ୍ଡି ମାର୍ଚ୍ଚ ଆରମ୍ଭ କରିଥିଲେ ବାପୁ । ଏହି ପଦଯାତ୍ରା ଭାରତର ଲୋକଙ୍କ ମଧ୍ୟରେ ଗର୍ବ ଏବଂ ଆତ୍ମାନୁଭୂତିର ଭାବନା ବଢାଇବାରେ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲା | 'ଭୋକାଲ ଫର୍ ଲୋକାଲ' ବାପୁ ଏବଂ ଆମର ମହାନ ସ୍ବାଧିନତା ସଂଗ୍ରାମୀଙ୍କ ପାଇଁ ଏକ ଅଦ୍ଭୁତ ଶ୍ରଦ୍ଧାଞ୍ଜଳି ବୋଲି କହିଛନ୍ତି ମୋଦି ।
