ଲକ୍ଷ୍ନୌ: ଉତ୍ତରପ୍ରଦେଶ ଲକ୍ଷ୍ନୌ ବିଶ୍ବବିଦ୍ୟାଳୟର ଶତବାର୍ଷିକୀ ସମାରୋହକୁ ଭିଡିଓ କନଫରେନ୍ସ ଜରିଆରେ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଲକ୍ଷ୍ନୌ ବିଶ୍ବବିଦ୍ୟାଳୟ ପରିବାରକୁ 100 ବର୍ଷ ପୂରଣ ହେବା ଅବସରରେ ପ୍ରଧାନମନ୍ତ୍ରୀ ଅଭିନନ୍ଦନ ଜଣାଇବା ସହ ସ୍ମାରକୀ ମୁଦ୍ରା ଏବଂ ଡାକଟିକେଟ ଉନ୍ମୋଚନ କରିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ ବିଶ୍ବବିଦ୍ୟାଳୟର ସ୍ଥାନୀୟ ଦକ୍ଷତା, ସ୍ଥାନୀୟ ଉତ୍ପାଦ ସହ ଜଡିତ ପାଠ୍ୟକ୍ରମ ଏବଂ ଏହାର ଶିକ୍ଷା ସୀମା ମଧ୍ୟରେ ଥିବା ଜିଲ୍ଲାମାନଙ୍କରେ ଦକ୍ଷତା ବିକାଶ ବିଶ୍ଳେଷଣ କରିବା ନିତ୍ୟାନ୍ତ ଆବଶ୍ୟକ । ଏହା ବହୁତ ଲାଭବାନ ହେବ ।
ପ୍ରଧାନମନ୍ତ୍ରୀ ମୋଦି ତାଙ୍କ ସମ୍ବୋଧନରେ କହିଛନ୍ତି ଯେ ବିଶ୍ବବିଦ୍ୟାଳୟର ଶହେ ବର୍ଷର ଯାତ୍ରାରେ ଅନେକ ଲୋକ ଅନେକ ଅବଦାନ ଦେଇଛନ୍ତି। ଏହି 100 ବର୍ଷର ଯାତ୍ରାରେ, ଏଠାରେ ଶିକ୍ଷାଲାଭ କରିଥିବା ବ୍ୟକ୍ତିତ୍ବମାନେ ରାଷ୍ଟ୍ରପତି ପଦରେ ପହଞ୍ଚିଛନ୍ତି | ରାଜ୍ୟପାଳ ହୋଇଛନ୍ତି | ବିଜ୍ଞାନ ହେଉ କି ଆଇନ କ୍ଷେତ୍ର, ରାଜନୈତିକ, ପ୍ରଶାସନିକ, ସାଂସ୍କୃତିକ, କ୍ରୀଡାରେ ଅନେକ ପ୍ରତିଭା ସୃଷ୍ଟି କରିଛି ଏହି ବିଶ୍ବାବିଦ୍ୟାଳୟ ।
ମୋଦି କହିଛନ୍ତି, ବିଶ୍ବବିଦ୍ୟାଳୟ କେବଳ ଉଚ୍ଚଶିକ୍ଷାର କେନ୍ଦ୍ର ନୁହେଁ, ଉଚ୍ଚ ସଂକଳ୍ପ, ଉଚ୍ଚ ଲକ୍ଷ୍ୟ ହାସଲ କରିବା ପାଇଁ ଏହା ଏକ ବୃହତ ଶକ୍ତି ଭୂମି | ଆମର ଆଭ୍ୟନ୍ତରୀଣ ଶକ୍ତି ଜାଗ୍ରତ କରିବା ପାଇଁ ଏହା ମଧ୍ୟ ପ୍ରେରଣା | ଅନେକ ଥର ଆମେ ଆମର ସାମର୍ଥ୍ୟର ପୂର୍ଣ୍ଣ ବ୍ୟବହାର କରୁନାହୁଁ | ପୂର୍ବରୁ ଏହି ସମସ୍ୟା ସରକାରୀ ପଦ୍ଧତିରେ ମଧ୍ୟ ଥିଲା ବୋଲି କହିଛନ୍ତି ପ୍ରଧାନମନ୍ତ୍ରୀ ।
ଛାତ୍ର ଜୀବନ ଏକ ମୂଲ୍ୟବାନ ସମୟ ଯାହା ବିତିଯିବା ପରେ ଫେରିବା କଷ୍ଟକର । ତେଣୁ ଛାତ୍ର ଜୀବନକୁ ମଧ୍ୟ ଉପଭୋଗ କରନ୍ତୁ, ଆବଦ୍ଧ କରନ୍ତୁ । ଆମର ଛାତ୍ରଛାତ୍ରୀମାନଙ୍କ ମଧ୍ୟରେ ଆତ୍ମବିଶ୍ବାସ ଏକ ଗୁରୁତ୍ବପୂର୍ଣ୍ଣ ଆବଶ୍ୟକତା । ଯେତେବେଳେ ସେ ନିଜେ ନିଷ୍ପତ୍ତି ନେବାକୁ କିଛି ସ୍ବାଧୀନତା ପାଆନ୍ତି ସେତେବେଳେ ଏହା ଆସିଥାଏ । ଏକ ବନ୍ଧନରେ ବନ୍ଧା ହୋଇଥିବା ଶରୀର ଏବଂ ଖାଲରେ ଗଢାଯାଇଥିବା ମନ କଦାପି ଫଳପ୍ରଦ ହୋଇପାରିବ ନାହିଁ । ତେବେ 2047ର ରୋଡମ୍ୟାପ ପ୍ରସ୍ତୁତ କରିବାକୁ ଯୁବବର୍ଗଙ୍କୁ ଏହି ସମାରୋହରେ ଆହ୍ବାନ ଦେଇଛନ୍ତି ପ୍ରଧାନମନ୍ତ୍ରୀ ।
