ଶ୍ରୀନଗର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାର୍ଗିଲରେ ପହଞ୍ଚିଛନ୍ତି । ଦେଶବାସୀଙ୍କ ସୁରକ୍ଷା ପାଇଁ ସୀମାରେ ପ୍ରହରା ଦେଉଥିବା ସେ ବୀର ସେନାଙ୍କ ସହ ଦୀପାବଳି ପାଳନ କରିବାକୁ କାର୍ଗିଲରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । 9 ବର୍ଷ ହେବ ସେନାଙ୍କ ସହ ଆଲୋକର ପର୍ବକୁ ମନାଇ ଆସୁଛନ୍ତି ପ୍ରଧାନମନ୍ତ୍ରୀ । 2014ରେ ଯେବେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ଗାଦି ସମ୍ଭାଳିଲେ ସେବେଠୁ ପ୍ରତିବର୍ଷ ସେନାଙ୍କ ସହ ଦୀପାବଳି ପାଳନ କରି ଆସୁଛନ୍ତି । ଏ ବର୍ଷ ମଧ୍ୟ ସେହି 9 ବର୍ଷର ପରମ୍ପରା ବଜାୟ ରଖିଛନ୍ତି ପ୍ରଧାନମନ୍ତ୍ରୀ ।
-
Prime Minister Shri @narendramodi has landed in Kargil, where he will celebrate Diwali with our brave soldiers. pic.twitter.com/RQxanDEgDK
— PMO India (@PMOIndia) October 24, 2022 " class="align-text-top noRightClick twitterSection" data="
">Prime Minister Shri @narendramodi has landed in Kargil, where he will celebrate Diwali with our brave soldiers. pic.twitter.com/RQxanDEgDK
— PMO India (@PMOIndia) October 24, 2022Prime Minister Shri @narendramodi has landed in Kargil, where he will celebrate Diwali with our brave soldiers. pic.twitter.com/RQxanDEgDK
— PMO India (@PMOIndia) October 24, 2022
ଏହାପୂର୍ବରୁ ପିଏମ ଦୀପାବଳି ଉତ୍ସବରେ ଅଲଗା ଅଲଗା ସ୍ଥାନ ଗସ୍ତ କରିଥିଲେ । 21 ଅକ୍ଟୋବରରେ ବାବା କେଦାରନାଥ ଏବଂ ବଦ୍ରିନାଥଙ୍କ ଦର୍ଶନ କରିଥିଲେ । ଏହାପରେ 23 ଅକ୍ଟୋବର ଅର୍ଥାତ ଗତକାଲି (ରବିବାର) ଅଯୋଧ୍ୟା ଗସ୍ତ କରି ଦୀପତ୍ସୋବରେ ଯୋଗ ଦେଇଥିଲେ । ଏହାସହ ଅଯୋଧ୍ୟାରେ ଶ୍ରୀରାମ ମନ୍ଦିର ଦର୍ଶନ କରିଥିଲେ । ଏବେ ଯାଏ ପ୍ରଧାନମନ୍ତ୍ରୀ ଅଲଗା ଅଲଗା ସ୍ଥାନ ଗସ୍ତ କରି ଯବାନଙ୍କ ସହ ଦୀପାବଳି ପାଳନ କରିଛନ୍ତି । ଗୁଜୁରାଟ ମୁଖ୍ୟମନ୍ତ୍ରୀ ଥିବା ସମୟରେ ମଧ୍ୟ ସେ ଯବାନଙ୍କ ସହ ଦୀପାବଳି ପାଳନ କରୁଥିଲେ ।
ଏହା ବି ପଢନ୍ତୁ...ଆଜି ଦୀପାବଳି, ଦେଶବାସୀଙ୍କୁ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା
23 ଅକ୍ଟୋବର 2014...
ମଇ 2014ରେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହୋଇଥିଲେ । ଏହାପରେ 23 ଅକ୍ଟୋବର 2014ରେ ସେ ସିଆଚିନରେ ପ୍ରଥମ ଦୀପାବଳି ପାଳନ କରିଥିଲେ ।
11 ନଭେମ୍ବର 2015...
ଏହି ବର୍ଷ ପଞ୍ଜାବରେ ଯବାନଙ୍କ ସହ ଦୀପାବଳି ପାଳନ କରିଥିଲେ । 1965 ଯୁଦ୍ଧ ମେମୋରିଆଲ ମଧ୍ୟ ଗସ୍ତ କରିଥିଲେ ।
30 ଅକ୍ଟୋବର 2016...
ପିଏମ ମୋଦି 2016ରେ ହିମାଚଳ ପ୍ରଦେଶରେ ଦୀପାବଳି ପାଳନ ପାଇଁ ପହଞ୍ଚିଥିଲେ । ଏଠାରେ ଭାରତ- ଚୀନ ସୀମା ନିକଟରେ ସେନାଙ୍କ ସହ ଆଲୋକର ପର୍ବ ପାଳନ କରିଥିଲେ ।
18 ଅକ୍ଟୋବର 2017...
ଏହି ବର୍ଷ ମଧ୍ୟ ଯବାନଙ୍କ ସହ ଦୀପାବଳି ପାଳନ କରିଥିଲେ ପିଏମ । ଜମ୍ମୁକାଶ୍ମୀର ଗୁଜରରେ ଯବାନଙ୍କ ସହ ଦୀପାବଳି ପାଳିଥିଲେ ପ୍ରଧାନମନ୍ତ୍ରୀ ।
7 ନଭେମ୍ବର 2018...
ଏହି ବର୍ଷ ଭାରତ ତିବ୍ଦତ ସୀମା ପୋଲିସଙ୍କ ସହ ଦୀପାବଳି ପାଳନ ପାଇଁ ଉତ୍ତରାଖଣ୍ଡର ହର୍ଷିଲ ଗସ୍ତ କରିଥିଲେ ପ୍ରଧାନମନ୍ତ୍ରୀ ।
27 ଅକ୍ଟୋବର 2019...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଲଓସିରେ ଯବାନଙ୍କ ସହ ଦୀପାବଳି ପାଳନ କରିଥିଲେ । ରଜୌରୀ ଏଲଓସିର ନିଯୁକ୍ତ ସେନାଙ୍କୁ ଭେଟିଥିଲେ ପ୍ରଧାନମନ୍ତ୍ରୀ ।
14 ନଭେମ୍ବର 2020...
ଜୈସଲମେରରେ ଲୋଙ୍ଗେବାଗ ପୋଷ୍ଟରେ ଯବାନଙ୍କ ସହ ଏହି ବର୍ଷ ଦୀପାବଳି ପାଳନ କରିଥିଲେ ପ୍ରଧାନମନ୍ତ୍ରୀ ।
4 ନଭେମ୍ବର 2021...
ଏହି ବର୍ଷ ପ୍ରଧାନମନ୍ତ୍ରୀ ରଜୌରୀ ନ୍ୟାସନାଲ ସେକ୍ଟରରେ ଦୀପାବଳି ପାଳନ କରିଥିଲେ ।
