Rozgar Mela: 71 ହଜାର ଯୁବବର୍ଗଙ୍କୁ ନିଯୁକ୍ତି ପତ୍ର ଦେଲେ ପ୍ରଧାନମନ୍ତ୍ରୀ

ରୋଜଗାର ମେଳାରେ ପ୍ରଧାନମନ୍ତ୍ରୀଙ୍କ ନିଯୁକ୍ତି ପତ୍ର ବଣ୍ଟନ । ଦେଶର ୭୧ ହଜାର ଯୁବ ବର୍ଗଙ୍କୁ ନିଯୁକ୍ତି ପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ । ଅଧିକ ପଢନ୍ତୁ

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ରୋଜଗାର ମେଳା ଆରମ୍ଭ ହୋଇଛି । ଭର୍ଚୁଆଲରେ ଦେଶରେ 71 ହଜାର 426 ଯୁବବର୍ଗଙ୍କୁ ନିଯୁକ୍ତି ପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଭିନ୍ନ ସରକାରୀ ବିଭାଗ ଓ ଅନୁଷ୍ଠାନରେ ନିଯୁକ୍ତି ପାଇଛନ୍ତି ଯୁବକ । ନିଯୁକ୍ତି ପତ୍ର ସହ କାର୍ଯ୍ୟକ୍ରମକୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ''ରୋଜଗାର ମେଳାରେ ଯୁବକଙ୍କୁ ସଶକ୍ତିରଣ କରାଯାଉଛି । ଦେଶର ବିକାଶରେ ସେମାନଙ୍କ ଭାଗିଦାରୀ ମଧ୍ୟ ସୁନିଶ୍ଚିତ କରୁଛି । ନିରନ୍ତର ହେଉଥିବା ଏହି ରୋଜଗାର ମେଳା ସରକାରଙ୍କ ପରିଚୟ ହୋଇଛି ।''

• In the business world, it is said, 'The consumer is always right'. Similarly, 'Citizen is always right' should be the motto of Governance: PM Modi pic.twitter.com/nQXXrD6DTk

  — ANI (@ANI) January 20, 2023 " class="align-text-top noRightClick twitterSection" data="

  In the business world, it is said, 'The consumer is always right'. Similarly, 'Citizen is always right' should be the motto of Governance: PM Modi pic.twitter.com/nQXXrD6DTk

  — ANI (@ANI) January 20, 2023

  ">

  In the business world, it is said, 'The consumer is always right'. Similarly, 'Citizen is always right' should be the motto of Governance: PM Modi pic.twitter.com/nQXXrD6DTk

  — ANI (@ANI) January 20, 2023

2023ର ପ୍ରଥମ ରୋଜଗାର ମେଳା କାର୍ଯ୍ୟକ୍ରମକୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ''ରୋଜଗାର ମେଳା ଆମ ସରକାରଙ୍କ ପରିଚୟ ହୋଇଛି । ଏହି ମେଳା ପ୍ରମାଣିତ କରିଛି ଯେ କିପରି ଆମ ସରକାର ଯାହା ସଙ୍କଳ୍ପ କରେ ତାହା ସିଦ୍ଧ କରି ଦେଖାଏ । ନିଯୁକ୍ତି ପ୍ରକ୍ରିୟାରେ ବ୍ୟାପକ ପରିବର୍ତ୍ତନ କରାଯାଇଛି । କେନ୍ଦ୍ରୀୟ ସେବାରେ ଭର୍ତ୍ତି ହେବା ପ୍ରକ୍ରିୟା ପୂର୍ବ ତୁଳନା ଅନୁସାରେ ଅଧିକ ସମୟବଦ୍ଧତା ହୋଇଛି । ପାରଦର୍ଶୀ ଜରିଆରେ ଭର୍ତ୍ତି ପଦୋନ୍ନତି ଯୁବକଙ୍କ ମଧ୍ୟରେ ଭରସା ସୃଷ୍ଟି କରେ । ଏହି ପାରଦର୍ଶିତା ଓ ସ୍ବଚ୍ଛତା ଭର୍ତ୍ତି ସେମାନଙ୍କୁ ଅଧିକ ପ୍ରସ୍ତୁତ ସହ ପ୍ରତିଯୋଗିତାକୁ ଓହ୍ଲାଇବାକୁ ପ୍ରେରଣା ଦେବ । ଆମ ସରକାର ଏ ଦିଗରେ ନିରନ୍ତର କାର୍ଯ୍ୟ କରୁଛି । ସରକାରୀ ଚାକିରି କଲେ ତାହାକୁ ଚାକିରି ନୁହେଁ ସେବା ବୋଲି ଭାବିବାକୁ ହେବ ।''

ପ୍ରଧାନମନ୍ତ୍ରୀ ଆହୁରି କହିଛନ୍ତି, ଶାସନ ବ୍ୟବସ୍ଥାରେ ନାଗରିକ ସବୁବେଳେ ସଠିକ ଆମ ମନ୍ତ୍ର ହେବା ଆବଶ୍ୟକ । ବ୍ୟବସାୟ, କାରବାର ଦୁନିଆରେ କୁହାଯାଏ ଉପଭୋକ୍ତା ସର୍ବଦା ସଠିକ । ସେହିପରି ଶାସନ ବ୍ୟବସ୍ଥାରେ ନାଗରିକ ସର୍ବଦା ଠିକ ଆମ ମନ୍ତ୍ର ହେବା ଦରକାର । ଏହି ରୋଜଗାର ମେଳା 71 ହଜାର ପରିବାରଙ୍କ ପାଇଁ ଖୁସି ଆଣିଛି । ଏହି କାର୍ଯ୍ୟକ୍ରମ କେବଳ ସଫଳ ଆଶୟୀଙ୍କ ପାଇଁ ନୁହେଁ ବରଂ କୋଟି କୋଟି ପରିବାରଙ୍କ ପାଇଁ ଆଶାର ନୂଆ କିରଣର ସଞ୍ଚାର କରିବ । ଆଗାମୀ ଦିନରେ ଲକ୍ଷାଧିକ ପରିବାର ସଦସ୍ୟଙ୍କୁ ସରକାରୀ ନିଯୁକ୍ତି ମିଳିବାର ଲକ୍ଷ୍ୟ ରଖାଯାଇଛି । କେନ୍ଦ୍ର ସରକାରଙ୍କ ସହିତ ଏନଡିଏ ଓ ଭାଜପା ସରକାର ଶାସିତ ରାଜ୍ୟରେ ମଧ୍ୟ ଲଗାତାର ରୋଜଗାର ମେଳା ଆୟୋଜନ କରାଯାଉଛି । ସରକାରଙ୍କ ଏକ ଗୁରୁତ୍ବପୂର୍ଣ୍ଣ ଅଂଶ ହୋଇଥିବାରୁ ବିକଶିତ ଭାରତ ଯାତ୍ରାରେ ସମସ୍ତଙ୍କ ସକ୍ରିୟ ଭାଗିଦାରୀ ରହିବ । ବିଶେଷ ଦାୟିତ୍ବ ରହିବ । ଅଧିକାଂଶ ସଦସ୍ୟ ସରକାରଙ୍କ ପ୍ରତିନିଧି ଜରିଆରେ ସିଧାସଳଖ ଲୋକଙ୍କ ସହ ଯୋଡି ହେବେ ।''

ଯୁବବର୍ଗଙ୍କ ସହିତ ଆଲୋଚନା କରି ପ୍ରଧାନମନ୍ତ୍ରୀ ତାଙ୍କୁ ଆଗାମୀ ଦିନ ପାଇଁ ଶୁଭେଚ୍ଛା ଜଣାଇଛନ୍ତି । ଯୁବବର୍ଗଙ୍କ ମୁହଁରେ ଖୁସି ଦେଖି ଖୁସିବ୍ୟକ୍ତ କରିଥିଲେ ପ୍ରଧାନମନ୍ତ୍ରୀ । ପାରିବାରିକ ସ୍ଥିତି ଭଲ ନଥାଇ ମଧ୍ୟ ସଂଘର୍ଷ କରି ଆଗକୁ ବଢିଥିବା ୟୁବବର୍ଗଙ୍କୁ ପ୍ରଶଂସା କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିଯୁକ୍ତି ପତ୍ର ମିଳିଥିବା ସମସ୍ତଙ୍କ ପାଇଁ ଏକ ନୂଆ ଯାତ୍ରା ହେବ । ବିକଶିତ ଭାରତରେ ସମସ୍ତଙ୍କ ଭୂମିକା ରହିବ । ସମସ୍ତଙ୍କ ସେମାନଙ୍କୁ ଦାୟିତ୍ବ ସଠିକ ଭାବରେ ତୁଲାଇବାକୁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ ।

ରୋଜଗାର ମେଳା: ଦେଶର ୧୦ ଲକ୍ଷରୁ ଅଧିକ ଲୋକଙ୍କୁ ଚାକିରି ଦେବା ଲାଗି ଗତ ଅକ୍ଟୋବର ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରୋଜଗାର ମେଳାର ଶୁଭାରମ୍ଭ କରିଥିଲେ । ପର୍ଯ୍ୟାୟକ୍ରମେ ଦେଶର ବିଭିନ୍ନ ସହରରେ ରୋଜଗାର ମେଳାମାନ ଆୟୋଜନ କରାଯାଉଛି । ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ, ଭାରତ ସରକାରଙ୍କ ସମସ୍ତ ମନ୍ତ୍ରଣାଳୟ ଏବଂ ବିଭାଗ ଖାଲି ରହିଥିବା ଅନୁମୋଦିତ ପଦବୀ ପୂରଣ କରିବା ଲାଗି ମିଶନ ମୋଡରେ କାମ କରାଯାଉଛି ।