ହାଇଦ୍ରାବାଦ: ତେଲେଙ୍ଗାନାର ନାଗାରକୁର୍ଣ୍ଣାଲ ଜିଲ୍ଲାରେ ସଡକ ଦୁର୍ଘଟଣା ପ୍ରାଣ ହରାଇଥିବା ୭ଜଣଙ୍କ ପାଇଁ ଶୋକବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାସହ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି ମୋଦି । ଏହାସହ ମୃକତଙ୍କ ପରିବାରକୁ ସମବେଦନା ଜଣାଇଛନ୍ତି । ମୃତକଙ୍କ ପରିବାରକୁ ୨ ଲକ୍ଷ ଟଙ୍କାର ସହାୟତା ରାଶି ସହ ଆହତଙ୍କ ଚିକିତ୍ସା ପାଇଁ ୫୦ ହଜାର ସହାୟତା ରାଶି ଘୋଷଣା କରିଛନ୍ତି ।
ଏ ସମସ୍ତ ରାଶି ପ୍ରଧାନମନ୍ତ୍ରୀ ରିଲିଫ ଫଣ୍ତରୁ ଯୋଗାଇ ଦିଆଯିବ । ଏନେଇ ଟୁଇଟ ଜରିଆରେ ମଧ୍ୟ ସୂଚନା ଦିଆଯାଇଛି । ସୂଚନା ଅନୁସାରେ, ଶୁକ୍ରବାର ଦିନ ତେଲେଙ୍ଗାନାର ନାଗାରକୁର୍ଣ୍ଣାଲ ଜିଲ୍ଲାର ହାଜିପୁର ନିକଟରେ ଦୁଇଟି କାର ଦ୍ରୃତ ଗତିରେ ଆସୁଥିବାରୁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ୭ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଥିଲେ । ସେମାନଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ତଦନ୍ତ ଆରମ୍ଭ କରିବା ସହ ଦୁର୍ଘଟଣାଗ୍ରସ୍ତ ହୋଇଥିବା କାରଗୁଡିକୁ ମଧ୍ୟ ଜବତ କରିଛି । ଏହାସହ ଅଧିକ ଛାନଭିନ ଜାରି ରଖିଛି ।
@ANI
