ଚଣ୍ଡିଗଡ: ପଞ୍ଜାବରେ ପିଟବୁଲ କୁକୁର( Pit Bull Dog ) ଆତଙ୍କ । ପିଟବୁଲ ଆକ୍ରମଣରେ ୧୨ ଜଣ ଗୁରୁତର ହୋଇଥିବା ସୂଚନା । ଗୁରୁଦାସପୁରର ଦିନାଗର ଅଞ୍ଚଳର ପ୍ରାୟ ୫ଟି ଗ୍ରାମରେ ପିଟବୁଲ ଆକ୍ରମଣ କରିବାରୁ ୧୨ଜଣ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। କୁହାଯାଉଛି ଗତ ଶୁକ୍ରବାର ଟାଙ୍ଗୋଶାହ ଗ୍ରାମରୁ ଚୌହାନା ଗ୍ରାମ ପର୍ଯ୍ୟନ୍ତ ପିଟବୁଲ ଆତଙ୍କ ଯୋଗୁଁ ଲୋକମାନେ ଆତଙ୍କିତ ଅବସ୍ଥାରେ ଥିଲେ। ଉଭୟ ଗ୍ରାମ ମଧ୍ୟରେ ୧୫ କିଲୋମିଟର ଦୂରତା ରହିଥିବା ବେଳେ ପ୍ରଥମେ କୁକୁରଟି ଟାଙ୍ଗୋଶା ନିକଟରେ ଦୁଇଜଣ ଶ୍ରମିକଙ୍କୁ ଆକ୍ରମଣ କରିଥିଲା, ଫଳରେ ଉଭୟ କୌଶଳ କ୍ରମେ ସେଠାରୁ ଦୌଡି ପଳାଇଥିଲେ ।
ଏହା ମଧ୍ୟ ପଢନ୍ତୁ-Ankita Murder Case: ପାଟିରେ କପଡ଼ା ଭରି କେନାଲରେ ଫିଙ୍ଗିଥିଲେ ଦୁର୍ବୃତ୍ତ, SITର ଖୁଲାସା
ଏହା ପରେ ସେହି ଗାଁର ଜଣେ 60 ବର୍ଷୀୟ ବୃଦ୍ଧ ଦିଲୀପ କୁମାରଙ୍କୁ ଆକ୍ରମଣ କରିଥିଲା। ଦିଲୀପ କୌଶଳ କ୍ରମେ ବୃଦ୍ଧ ଜଣଙ୍କ କୁକୁରକୁ ଅଟକାଇବାକୁ ଚେଷ୍ଟା କରିଥିଲେ। କିନ୍ତୁ ବିଫଳ ହେବାରୁ ସେହି ସମୟରେ ସ୍ଥାନୀୟ ଲୋକେ କୁକୁରକୁ ପଛପଟୁ ଧରିବାରୁ ଦିଲୀପ କୁମାର ପିଟବୁଲ କବଳରୁ ରକ୍ଷା ପାଇ ଘଟଣାସ୍ଥଳରୁ ଦୌଡି ପଳାଇଥିଲେ । ଏହା ପରେବି ପିଟବୁଲ ବୃଦ୍ଧ ଦିଲୀପଙ୍କୁ ପୁଣି ରାସ୍ତାରେ ଗୋଡାଇ ଗୋଡାଇ ମୁଣ୍ଡକୁ ଆକ୍ରମଣ କରିଥିଲା । ସେହି ସମୟରେ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଥିଲେ ମଧ୍ୟ କେହି ତାଙ୍କୁ ବଞ୍ଚାଇବାକୁ ସାହାସ କରିନଥିଲେ । ଏହି ସମୟରେ ଦିଲୀପ କୁମାରଙ୍କ ପରିବାର ଜଣେ ସଦସ୍ୟ ତାଙ୍କୁ ରାସ୍ତାରୁ ଏକ ଫାଟକ ଭିତରକୁ ଟାଣି ନେଇ ଜୀବନ ରକ୍ଷା କରିଥିଲେ।
ଏହାପରେ ପିଟବୁଲ ସେହି ଗ୍ରାମରେ ରହୁଥିବା ବାଲଦେବ ରାଜଙ୍କ ଏକ ବାଛୁରୀକୁ ଆକ୍ରମଣ କରି ସେଠାରୁ ଘାରୋଟା ରାସ୍ତା ଅଭିମୁଖେ ଯାଇ ଅନେକ ଜୀବଜନ୍ତୁଙ୍କୁ ଆକ୍ରମଣ କରିଥିଲା । ଏହାପରେ ଏକ ଇଟା ଭାଟିରେ ପ୍ରବେଶ କରି ସେଠାରେ ଜଣେ ସିକ୍ୟୁରିଟି ଗାର୍ଡଙ୍କୁ ଆକ୍ରମଣ କରିଥିଲା । ସେଠାରୁ ଚିହ୍ନି ଗ୍ରାମକୁ ଯାଇ ଶୋଇଥିବା ବେଳେ ଗ୍ରାମର ମଙ୍ଗଲ ସିଂଙ୍କୁ କାମୁଡ଼ିଥିଲେ । ଫଳରେ ସେ ଗୁରୁତର ଆହତ ହୋଇଥିଲେ । ଆହତ ଜଣଙ୍କ ଜଣେ ଅବସରପ୍ରାପ୍ତ ସେନା କର୍ମଚାରୀ ହୋଇଥିବା ଜଣାପଡିଛି । ସକାଳ ପାଞ୍ଚଟା ବେଳେ ପିଟବୁଲ ଗାଁରେ ପହଞ୍ଚି ସେଠାରେ କିଛି ଲୋକଙ୍କୁ ଆକ୍ରମଣ କରି ସେଠାରେ ଆହତ ହୋଇଥିଲେ। ଶକ୍ତି ସିଂ ନାମକ ଜଣେ ବ୍ୟକ୍ତିଙ୍କୁ ପିଟବୁଲକାମୁଡିବାକୁ ଚେଷ୍ଟା କରୁଥିବା ବେଳେ ସେ ତାଙ୍କୁ ବାଡିରେ ଆକ୍ରମଣ କରିଥିଲେ । ଏହାପରେ ସ୍ଥାନୀୟ ଲୋକେ ସେଠାରେ ପହଞ୍ଚି କୁକୁରକୁ ଏକ ବାଡିରେ ଲଗାତର ବାଡେଇବା ପରେ ଘଟଣାସ୍ଥଳରେ କୁକୁରଟିର ମୃତ୍ୟୁ ହୋଇଥିଲା । ତେବେ ଆହତ ହୋଇଥିବା ସମସ୍ତ ୧୨ ଜଣ ହସ୍ପିଚାୱଲରେ ଭର୍ତ୍ତି ହୋଇଥିବା ସୂଚନା ମିଳିଛି ।
