ବେଙ୍ଗାଲୁରୁ: କ୍ଲିନିକାଲ୍ ଟ୍ରାଏଲ ପୁରା ନ ହୋଇ ବି କୋରୋନା ଟିକା ନେଲେ ଚଳିବ ବୋଲି କହିଛନ୍ତି କର୍ଣ୍ଣାଟକ ହାଇକୋର୍ଟ । ଏ ସମ୍ପର୍କିତ ଏକ ଯାଚିକାର ଶୁଣାଣି କରି ଏଭଳି କହିଛନ୍ତି ହାଇକୋର୍ଟ । କ୍ଲିନିକାଲ୍ ଟ୍ରାଏଲ ପୂରଣ ନ ହୋଇ ଥିବାରୁ ଟୀକାକରଣ ବନ୍ଦ କରିବାକୁ ଯାଚିକା ଦାଖଲ କରାଯାଇଥିଲା । ତେବେ ହାଇକୋର୍ଟ ଏହାକୁ ରଦ୍ଦ କରି ଆବେଦନକାରୀଙ୍କ ଉପରେ 50 ହଜାର ଟଙ୍କାର ଜରିମାନା ଲଗାଇଛନ୍ତି ।
କୋଭିଡ ସଂକ୍ରମଣକୁ ନିୟନ୍ତ୍ରଣ କରିବା ପାଇଁ ଟିକାର କ୍ଲିନିକାଲ୍ ଟ୍ରାଏଲ୍ ସମ୍ପୂର୍ଣ୍ଣ କରାଯାଇନାହିଁ । ଏନେଇ ଅବସରପ୍ରାପ୍ତ ସେନା ଅଧିକାରୀ ଏବଂ ଅନ୍ୟ ଦୁଇଜଣଙ୍କ ଦ୍ବାରା ଦିଆଯାଇଥିବା ପିଟିସନକୁ ରଦ୍ଦ କରାଯାଇଥିଲା । ମୁଖ୍ୟ ବିଚାରପତି ଏଏସ୍ ଓକାଙ୍କ ନେତୃତ୍ବରେ ଏକ ଖଣ୍ଡପୀଠ ଶୁଣାଣି କରିଥିଲେ।
ଖଣ୍ଡପୀଠଙ୍କ ଅନୁସାରେ, ଏହି ଆବେଦନ ଜନସାଧାରଣଙ୍କ ହିତରେ ନାହିଁ ତେଣୁ ଆବେଦନକାରୀଙ୍କ ଆବେଦନକୁ ବିଚାର କରାଯାଇପାରିବ ନାହିଁ । ଯଦିଓ ଗତ ଜାନୁଆରୀରୁ ଟୀକାକରଣ ଅଭିଯାନ ଆରମ୍ଭ ହୋଇଛି ତଥାପି ଏହା ଠିକ ନୁହେଁ ଯେ ଆବେଦନକାରୀମାନେ ମେ ମାସରେ ଆସି ଟିକା ବନ୍ଦ କରିବାକୁ ଅନୁରୋଧ କରିବେ । ଦେଶର ଲକ୍ଷ ଲକ୍ଷ ଲୋକ ଏହି ଟିକାକୁ ଅପେକ୍ଷା କରିଛନ୍ତି ତେଣୁ ଏହି ଆବେଦନକୁ ଖାରଜ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
