କୋଲକାତା: ବର୍ତ୍ତମାନ ଆତ୍ମହତ୍ୟା ଏକ ପ୍ରମୁଖ ସମସ୍ୟା ଭାବରେ ଉଭା ହୋଇଛି । ଅନେକ ବିଭିନ୍ନ କାରଣ ଯୋଗୁଁ ନିଜ ଜୀବନ ହାରି ଦେବା ଭଳି ଚରମ ନିଷ୍ପତ୍ତି ନେଇଥିବା ନଜୀର ରହିଛି(young lady suicides after stealing chocolates) । କିନ୍ତୁ ପଶ୍ଚିମବଙ୍ଗର ଅଲିପୁରଦୁଆର ଜିଲ୍ଲାରେ ଜଣେ ଯୁବତୀଙ୍କ ଚକୋଲେଟ ଚୋରି ଫଟୋ ଓ ଭିଡିଓ ଭାଇରାଲ ହେବାପରେ ଆତ୍ମହତ୍ୟା କରିଛନ୍ତି । ସ୍ଥାନୀୟ ପୋଲିସ ମୁତାବକ ଏକ ମଲ୍ରୁ ଯୁବତୀ ଚୋକଲେଟ୍ ଚୋରି କରିଥିଲେ । ଏହାର ଭିଡିଓ ଭାଇରାଲ ହେବାପରେ ସେ ଜୀବନ ହାରିଛନ୍ତି ।
ମୃତକ ଅଲିପୁରଦୁଆର ଜିଲ୍ଲା ଜାଇଗାଁ ଥାନା ସୁବାସପାଲି ଅଞ୍ଚଳର ୨୦ ବର୍ଷୀୟ ଯୁବତୀ ପୂଜା ଘୋଷ ବୋଲି ଜଣା ପଡ଼ିଛି । କିଛି ଦିନ ପୂର୍ବରୁ ଏକ ସପିଂ ମଲ୍କୁ ପୂଜା ଓ ତାଙ୍କ ମାଆ ଯାଇଥିଲେ । ଜିନିଷ କିଣିବା ପରେ ଟଙ୍କା ଦେବା ବେଳେ ସପିଂମ୍ଲ କର୍ମଚାରୀଙ୍କ ସହ ପୂଜାଙ୍କ କଥାକଟା କଟି ହୋଇଥିଲା । ଏହି ସମୟରେ ତାଙ୍କ ମାଆ ଏହାର ସମାଧାନ କରିଥିଲେ। ଏହି ସମୟରେ ପୂଜା କିଛି ଚକୋଲେଟ ଚୋରି କରିଥିବା ଫଟୋ ଓ ଭିଡିଓ ସିସିଟିଭି କଏଦ ହୋଇଥିଲା ।
ଏହି ସିସିଟିଭି ଫୁଟେଜ୍କୁ କିଛି ମଲ୍ କର୍ମଚାରୀ ଭାଇରାଲ କିରଥିବା ଅଭିଯୋଗ ହୋଇଛି । ପୂଜା ଏ ବିଷୟରେ ଜାଣିବା ପରେ ନିଜ ବାସଭବନରେ ଦଉଡ଼ି ଦେଇ ଆତ୍ମହତ୍ୟା କରିଛନ୍ତି । ରବିବାର ପୂଜାଙ୍କ ପରିବାର ଛଟ ପୂଜାରେ ବ୍ୟସ୍ତ ଥିବା ଝିଅ ଆତ୍ମହତ୍ୟା କରିଥିଲେ । ଏହାକୁ ଖବର ମିଳିବା ପରେ ତୁରନ୍ତ ଘରେ ପହଞ୍ଚି ଦେଖିବା ବେଳକୁ ପୂଜାର ମୃତ୍ୟୁ ହୋଇଥିଲା । ଏହାକୁ ନେଇ ସ୍ଥାନୀୟ ଲୋକେ ଜାଇଗାଁ ଥାନା ସମ୍ମୁଖରେ ମଲ୍ କର୍ମଚାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଏହି ଘଟଣାକୁ ଗୁରୁତରର ସହ ନେଇ ଅଲିପୁରଦୁଆର ଜିଲ୍ଲା ଏସ୍ପି କହିଛନ୍ତି, "ଏହାକୁ ନେଇ ଏକ ଅଭିଯୋଗ ଦାଖଲ ହୋଇଛି । ବର୍ତ୍ତମାନ ମୃତଦେହର ବ୍ୟବଚ୍ଛେଦ ପାଇଁ ପଠା ଯାଇଛି । ଏହାକୁ ନେଇ ତଦନ୍ତ ଆରମ୍ଭ ହୋଇଛି । କେଉଁମାନେ ପୂଜାର ଫୋଟ ଓ ଭିଡିଓ ଭାଇରାଲ କରିଥିଲେ ତାହାର ତଦନ୍ତ ଜାରି ରହିଛି । ଦୋଷୀଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ।"
