ଶ୍ରୀନଗର: ଜମ୍ମୁକାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫ୍ତିଙ୍କୁ ବାଟରେ ଅଟକାଇଲା ପୋଲିସ । ସେ ପୁଞ୍ଚର ଟୋପା ପିର ଅଞ୍ଚଳକୁ ଯାଉଥିବା ବେଳେ ତାଙ୍କୁ ପୋଲିସ ସୁରକ୍ଷା ଦୃଷ୍ଟିରୁ ଯିବାକୁ ଅନୁମତି ନ ଦେବା ପରେ ମେହବୁବା ଓ ତାଙ୍କ ସମର୍ଥକମାନେ ରାଜୌରି-ପୁଞ୍ଚ ହାଇୱେରେ ବସି ଧାରଣା ଦେଇଛନ୍ତି । ଭାରତୀୟ ସେନା ହେପାଜତରେ ରହି କିଛି ନାଗରିକଙ୍କ ମୃତ୍ୟୁ ଘଟିବା ପରେ ଶୋକସନ୍ତପ୍ତ ପରିବାରକୁ ଆଶ୍ବାସନା ଦେବା ଲାଗି ଟୋପା ପିରକୁ କିଛି ସମର୍ଥକଙ୍କ ସହ ଯାଉଥିଲେ ମେହବୁବା ।
-
#WATCH पुंछ, जम्मू-कश्मीर: सुरक्षा कारणों से पुलिस द्वारा DKG रोड पर रोकने पर PDP प्रमुख महबूबा मुफ्ती ने कहा, "...भाजपा अध्यक्ष रविंदर रैना यहां आ सकते हैं, नेशनल कॉन्फ्रेंस के नेता आ सकते हैं लेकिन वे हमें कहते हैं कि यहां कुछ खतरा है... मुझे लगता है कि यहां सबसे बड़ा ख़तरा यही… pic.twitter.com/WHiQlbzcC2
— ANI_HindiNews (@AHindinews) December 30, 2023 " class="align-text-top noRightClick twitterSection" data="
">#WATCH पुंछ, जम्मू-कश्मीर: सुरक्षा कारणों से पुलिस द्वारा DKG रोड पर रोकने पर PDP प्रमुख महबूबा मुफ्ती ने कहा, "...भाजपा अध्यक्ष रविंदर रैना यहां आ सकते हैं, नेशनल कॉन्फ्रेंस के नेता आ सकते हैं लेकिन वे हमें कहते हैं कि यहां कुछ खतरा है... मुझे लगता है कि यहां सबसे बड़ा ख़तरा यही… pic.twitter.com/WHiQlbzcC2
— ANI_HindiNews (@AHindinews) December 30, 2023#WATCH पुंछ, जम्मू-कश्मीर: सुरक्षा कारणों से पुलिस द्वारा DKG रोड पर रोकने पर PDP प्रमुख महबूबा मुफ्ती ने कहा, "...भाजपा अध्यक्ष रविंदर रैना यहां आ सकते हैं, नेशनल कॉन्फ्रेंस के नेता आ सकते हैं लेकिन वे हमें कहते हैं कि यहां कुछ खतरा है... मुझे लगता है कि यहां सबसे बड़ा ख़तरा यही… pic.twitter.com/WHiQlbzcC2
— ANI_HindiNews (@AHindinews) December 30, 2023
ଅଧା ବାଟରେ ମେହବୁବାଙ୍କୁ ସୁରକ୍ଷା ଦୃଷ୍ଟିରୁ ଡିକେଜି ରୋଡ ନିକଟରେ ପୋଲିସ ଅଟକ ରଖିବା ପରେ ସେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, "ବିଜେପି ଅଧ୍ୟକ୍ଷ ରବିନ୍ଦର ରୈନା ଏଠାକୁ ଆସିପାରିବେ, ନ୍ୟାସନାଲ କନଫରେନ୍ସର ନେତାମାନେ ଏଠାକୁ ଆସିପାରିବେ । ସେମାନଙ୍କ ପାଇଁ କୌଣସି ବିପଦ ନାହିଁ । ହେଲେ ମୋତେ ଏଠାରେ ସୁରକ୍ଷା ଦୃଷ୍ଟିରୁ ଅଟକାଯାଇଛି । ମୋତେ ଲାଗୁଛି ଏଠାରେ ସବୁଠୁ ବଡ଼ ବିପଦ ଏଠାକାର ଲୋକେ । ସେମାନେ ଚାହୁଁନାହାନ୍ତି ଆମେ ଶୋକ ସନ୍ତପ ପରିବାରକୁ ଭେଟୁ । ଆଜି ଆମକୁ ନିଜ ଜନ୍ମମାଟିକୁ ଯିବାକୁ ଅନୁମତି ନାହିଁ । ମୁଁ ରାତି ପର୍ଯ୍ୟନ୍ତ ଏଠାରେ ଧାରଣାରେ ବସିବି ।"
ଏହା ବି ପଢନ୍ତୁ- ପୁଞ୍ଚରେ ଆତଙ୍କୀ ଆକ୍ରମଣରେ ୫ ଯବାନ ଶହୀଦ, ଆତଙ୍କବାଦୀ ବ୍ୟବହାର କରିଥିଲେ ଆମେରିକା ରାଇଫଲ
ସେ ସ୍ଥାନୀୟ ପ୍ରଶାସନ ଉପରେ ଅସନ୍ତୋଷ ବ୍ୟକ୍ତ କରି କହିଛନ୍ତି, "ମୁଁ ଜାଣିପାରୁନାହିଁ ଏଠାକାର ପ୍ରଶାସନ ମୋତେ ଏତେ ଭୟ କାହିଁକି କରେ ? ଏଠାରେ ମୋ ସୁରକ୍ଷା ପ୍ରତି କୌଣସି ବିପଦ ନାହିଁ, ତଥାପି ମୋତେ ଯିବାକୁ ଅନୁମତି ଦିଆଯାଉନାହିଁ । ଏହି ଅଞ୍ଚଳରେ ସ୍ବାଭାବିକ ଭାବେ ଯାତାୟାତ ହେଉଛି । ଅନ୍ୟ ନେତାମାନେ ଶୋକସନ୍ତପ ପରିବାରକୁ ଭେଟୁଛନ୍ତି । ହେଲେ କେବଳ ମୋତେ ସେଠାକୁ ଯିବାକୁ ଅନୁମତି ନାହିଁ । ସେଠାକୁ ଗଲେ ସେମାନଙ୍କର (ସୁରକ୍ଷା ଏଜେନ୍ସି) ଗୁପ୍ତ ତଥ୍ୟ ସାର୍ବଜନୀନ ହୋଇଯିବ ।"
ମେହବୁବା ଭାରତୀୟ ସେନା ବିରୋଧରେ ମଧ୍ୟ ସଙ୍ଗୀନ ଅଭିଯୋଗ ଆଣିଛନ୍ତି । ସେ କହିଛନ୍ତି ଯେ ଭାରତୀୟ ସେନା ଲୋକଙ୍କୁ ଅତ୍ୟାଚାର ଦେଉଛି । ଏପରିକି ଏହି ନିର୍ଯାତିତ ଲୋକଙ୍କ ମଧ୍ୟରେ ମହିଳା ମଧ୍ୟ ସାମିଲ ଅଛନ୍ତି । ଏପରିକି ସେମାନଙ୍କୁ ଭୟଭୀତ ମଧ୍ୟ କରାଯାଇଛି । ମେହବୁବାଙ୍କ ଏପରି ମନ୍ତବ୍ୟ ଉପରେ ସ୍ଥାନୀୟ ପ୍ରଶାସନ କିମ୍ବା ସେନା ପକ୍ଷରୁ କୌଣସି ପ୍ରତିକ୍ରିୟା ରଖାଯାଇନାହିଁ । ରିପୋର୍ଟ ଅନୁସାରେ ଆର୍ମି ହେପାଜତରେ ୩ ଜଣ ନାଗରିକଙ୍କ ମୃତ୍ୟୁ ଘଟିଛି । ଉକ୍ତ ପରିବାରକୁ ଭେଟିବା ଲାଗି ମେହବୁବା ଗତ ସପ୍ତାହରେ ମଧ୍ୟ ଉଦ୍ୟମ କରିଥିଲେ । ହେଲେ ତାଙ୍କୁ ପୁଞ୍ଚରେ ଅଟକାଯିବା ସହ ଗୃହବନ୍ଦୀ କରି ରଖାଯାଇଥିଲା ।
ଏହା ବି ପଢନ୍ତୁ- ଘାଟିରେ ସେନା ଟ୍ରକକୁ ଆମ୍ବୁସ କରି ଗୁଳିମାଡ: 4 ଯବାନ ଶହୀଦ, ଏନକାଉଣ୍ଟର ଜାରି
ସୂଚନା ଥାଉ କି ଗତ ଡିସେମ୍ବର ୨୧ ତାରିଖରେ ସେନା ଗାଡ଼ିକୁ ଆମ୍ବୁସ କରି ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରକୁ ଆକ୍ରମଣ କରିଥିଲେ । ଏଥିରେ ୫ ଜଣ ଯବାନ ଶହୀଦ ହୋଇଥିଲେ । ଏହାପରେ ଆତଙ୍କବାଦୀମାନେ ପଳାୟନ କରିଥିଲେ । ଏହି ଆକ୍ରମଣ ପରେ ସମ୍ପୂର୍ଣ୍ଣ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଏହି ଆକ୍ରମଣ ପରେ ଆତଙ୍କବାଦୀମାନେ ଆଉ ଏକ ଷଡ଼ଯନ୍ତ୍ର ପାଇଁ ଯୋଜନା କରୁଥିବା ବେଳେ ଗତ ସପ୍ତାହରେ ସୁରକ୍ଷାକର୍ମୀମାନେ ବ୍ୟାପକ ଅସ୍ତ୍ରଶସ୍ତ୍ର ଜବତ କରିଥିଲେ । ଏହାପରେ ଅନେକ ସ୍ଥାନୀୟ ବାସିନ୍ଦାଙ୍କୁ ପଚରାଉଚରା କରାଯାଇଥିଲା । ଏହି ସମୟରେ ୩ ଜଣ ନାଗରିକଙ୍କୁ ନିର୍ଯାତନା ଦେବା ଦ୍ବାରା ସେମାନଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି । ଏ ନେଇ ଏକ ଭିଡିଓ ମଧ୍ୟ ଭାଇରାଲ ହୋଇଛି । ହେଲେ ପ୍ରଶାସନ ପକ୍ଷରୁ ଏଯାବତ କୌଣସି ପ୍ରତିକ୍ରିୟା ରଖାଯାଇନଥିବା ବେଳେ ମୃତକଙ୍କ ପରିବାରକୁ କ୍ଷତିପୂରଣ ଓ ସରକାରୀ ଚାକିରି ଯୋଗାଇ ଦିଆଯିବ ବୋଲି ଘୋଷଣା କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
