କୋଲକାତା: ବିଶ୍ବବିଦ୍ୟାଳୟ ରାଗିଂ ମାମଲାରେ ଆଦେଶ ଦେଇଛନ୍ତି କୋଲକାତା ହାଇକୋର୍ଟ । ବିଶ୍ବବିଦ୍ୟାଳୟରେ ରାଗିଂ ହେଲେ ଦଣ୍ଡ ସୂରୁପ ପୀଡିତଙ୍କୁ ଚିକିତ୍ସା ଖର୍ଚ୍ଚ ବହନ କରିବାକୁ ହେବ ବୋଲି କହିଛନ୍ତି ହାଇକୋର୍ଟ । ଏହି ସହିତ ସ୍କୁଲ ଶିକ୍ଷାଦାନରେ ଅଂଶଗ୍ରହଣ କରିବା ସହିତ ସମାଜସେବାରେ ନିୟୋଜିତ ହେବେ । ଜଷ୍ଟିସ ମୌସୁମୀ ଭଟ୍ଟାଚାର୍ଯ୍ୟ ଭୁଲ କରୁଥିବା ଛାତ୍ରଛାତ୍ରୀଙ୍କ ଉପରେ ବର୍ଷିଛନ୍ତି ।
ଶିକ୍ଷାନୁଷ୍ଠାନ ସଂସ୍ଥାରେ ହିଂସା ଏବଂ ବର୍ବରତାର କୌଣସି ସ୍ଥାନ ନାହିଁ । ଏପରି ଘଟଣା ସାମ୍ନାକୁ ଆସିଲେ କାହାକୁ କ୍ଷମା କରାଯିବ ନାହଁ । କୌଣସି ପ୍ରକାର ବାହାନକୁ ଗ୍ରହଣ କରାଯିବ ନାହିଁ । ବିଶ୍ବବିଦ୍ୟାଳୟ ତା ପକ୍ଷ ରଖି ଦାବି କରିଛି ଯେ, ୨୨ ଫେବୃଆରୀ ୨୦୨୨ ପିଲାଙ୍କୁ ବହିଷ୍କାର ନୋଟିସକୁ ସ୍ଥଗିତ ରଖାଯାଉ ଏବଂ ତୁରନ୍ତ ବିଟେକର ଅଷ୍ଟମ ସେମିଷ୍ଟାର ପରୀକ୍ଷାରେ ହାଜର ହେବାକୁ ଅନୁମତି ଦିଆଯାଉ ।
ବିଶ୍ବ ବିଦ୍ୟାଳୟ ରାଗିଂ ନିରୋଧ କମିଟି ପ୍ରତ୍ୟକ୍ଷଦର୍ଶୀ, CCTV ଫୁଟେଜ ଏବଂ ବିସ୍ତୃତ ତଦନ୍ତ ଆଧାରରେ ପିଲାଙ୍କ ବହିଷ୍କାର ନିର୍ଦେଶନାମା ଜାରି କରିଥିଲା । ଏହି ଘଟଣାର ଯେପରି ପୁର୍ନରାବୃତ୍ତି ନହେବ ସେ ନେଇ ଉପାୟ ବାହାର କରିଛନ୍ତି କୋର୍ଟ ।
