ଗାନ୍ଧୀନଗର: ଅହମଦାବାଦରେ ଦିନକୁ ଦିନ କୋରୋନା ସଂକ୍ରମଣ ବୃଦ୍ଧି ପାଉଥିବାରୁ ଏହାକୁ ଦୃଷ୍ଟିରେ ରଖି ସହରର ସମସ୍ତ ପାର୍କ ଓ ଗାର୍ଡେନକୁ ବନ୍ଦ ନିର୍ଦ୍ଦେଶ ଦିଆଯାଇଛି । ଅହମଦାବାଦର କାନକାରିଆ ହ୍ରଦ ସହ ଚିଡିଆଖାନକୁ ମଧ୍ୟ ଗୁରୁବାରରୁ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବନ୍ଦ କରାଯାଇଛି ।
କୋରୋନା ଆକ୍ରାନ୍ତଙ୍କ ସଂଖ୍ୟା କ୍ରମାଗତ ଭାବରେ ବୃଦ୍ଧି ପାଉଥିବାରୁ ଅହମଦାବାଦରେ ସମସ୍ତ ପାର୍କ ଓ ଗାର୍ଡେନକୁ ବନ୍ଦ କରାଯାଇଛି । ସେହିପରି ମଙ୍ଗଳବାର ଗୁଜୁରାଟ ସରକାର କୋରୋନା ସଂକ୍ରମଣ ବୃଦ୍ଧି ଯୋଗୁଁ ରାଜ୍ୟର ଚାରିଟି ମେଟ୍ରୋ ସହରକୁ ରାତ୍ରକାଳୀନ କର୍ଫୁ ଘୋଷଣା କରିଥିଲେ । ଅହମଦାବାଦ, ଭଦୋଦରା, ସୁରଟ ସମେତ ରାଜକୋଟକୁ ମାର୍ଚ୍ଚ 31 ପର୍ଯ୍ୟନ୍ତ ରାତ୍ରିକାଳୀନ କର୍ଫ୍ୟୁ ଘୋଷଣା କରାଯାଇଛି । କର୍ଫ୍ୟୁ ସମୟରେ ରାତ୍ର 10ରୁ ସକାଳ 6 ଟା ପର୍ଯ୍ୟନ୍ତ ଜାରି କରାଯାଇଛି ।
ବର୍ତ୍ତମାନ ପର୍ଯ୍ୟନ୍ତ ଗୁଜୁରାଟରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । କେନ୍ଦ୍ର ସରକାରଙ୍କ ଜାରୀ କରିଥିବା ତଥ୍ୟ ଅନୁଯାୟୀ ଗୁଜୁରାଟରେ 4966 କୋରୋନା ଆକ୍ରାନ୍ତ ସକ୍ରିୟ ରହିଛନ୍ତି ।
@ANI
