ହାଇଦ୍ରାବାଦ: ଭାରତ ଓ ପାକିସ୍ତାନ ମଧ୍ୟରେ ରାଜନୈତିକ ଶତ୍ରୁତା ରହିଥିଲେ ମଧ୍ୟ ଉଭୟ ବଲିଉଡକୁ ନେଇ ଦିୱାନା । ଏହା ଅନେକ ଘଟଣାରୁ ପ୍ରମାଣିତ ହୋଇସାରିଛି । ଏବେ ପାକିସ୍ତାନୀ ଯୁବକଙ୍କ ଏକ ଡ୍ୟାନ୍ସ ଭିଡିଓ ଭାଇରାଲ ହେଉଛି । ଯେଉଁଥିରେ ଯୁବକ ଜଣକ ବଲିଉଡ଼ ସଙ୍ଗ୍ 'ଜୟ ଜୟ ଭୋଳାଶଙ୍କର' ଡ୍ୟାନ୍ସ କରୁଛନ୍ତି । ପାକିସ୍ତାନୀ ଯୁବକ ଜଣକ ଏକ ଉତ୍ସବରେ ଏହି ଗୀତରେ ନୃତ୍ୟ ପରିବେଷଣ କରୁଛନ୍ତି । ଏହି ଭିଡିଓକୁ ନେଟିଜେନ୍ସ ଖୁବ ପସନ୍ଦ କରିଛନ୍ତି ।
- " class="align-text-top noRightClick twitterSection" data="
">
ଭାରତୀୟ ଗୀତର କ୍ରେଜ୍ କେବଳ ଭାରତରେ ନୁହେଁ, ଦୁନିଆର ପ୍ରତ୍ୟେକ କୋଣ ଅନୁକୋଣରେ ଦେଖିବାକୁ ମିଳିଥାଏ । ବଲିଉଡଠାରୁ ଆରମ୍ଭ କରି ପଞ୍ଜାବୀ ଗୀତରେ ବିଦେଶୀମାନେ ନାଚୁଛନ୍ତି ଏବଂ ରିଲ୍ସ ଯୁଗରୁ ଏହା ଅଧିକରୁ ଅଧିକ ଭାଇରାଲ ହେଉଛି । ଏବେ ପାକିସ୍ତାନୀ ଯୁବକ ଜଣକ ମଧ୍ୟ ବଲିଉଡର ଦିୱାନା ବୋଲି ପ୍ରମାଣିତ କରିଛନ୍ତି । ସେ ବଲିଉଡ ଅଭିନେତା ହ୍ରିତିକ ରୋଶନ ଏବଂ ଟାଇଗର ଶ୍ରଫଙ୍କ ଅଭିନୀତ ଚଳଚ୍ଚିତ୍ର Warର ଜୟ-ଜୟ ଶିବଶଙ୍କର ଗୀତରେ ଚମତ୍କାର ନୃତ୍ୟ କରିଛନ୍ତି।
ଏହା ବି ପଢନ୍ତୁ- Pathaan box office collection: ବକ୍ସ ଅଫିସରେ ପଠାନ ଧମାଲ,୯ ଦିନରେ ୭୦୦ କୋଟିରୁ ଅଧିକ ଆୟ
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ ଜଣେ ଯୁବକ କଳା ରଙ୍ଗକ କୁର୍ତ୍ତା ଓ ପାଇଜାମା ପିନ୍ଧିଛନ୍ତି । ସେ ଖୁବ ଆନନ୍ଦର ସହିତ ଏହି ସଙ୍ଗୀତରେ ନୃତ୍ୟ ପରିବେଷଣ କରୁଛନ୍ତି । ଆମେରିକାରେ ଆୟୋଜିତ ଏକ ଉତ୍ସବରେ ପାକିସ୍ତାନୀ ଯୁବକ ଜଣକ ଏହି ନୃତ୍ୟ ପରିବେଷଣ କରିଛନ୍ତି । ଏହି ଯୁବକ ଜଣକ ନାମ ରୟାନ ଶେଖ ବୋଲି ଜଣାପଡ଼ିଛି । ଏହାର କ୍ୟାପସନରେ ଲେଖାଯାଇଛି, "ବ୍ୟାଙ୍ଗ ବ୍ୟାଙ୍ଗ । ନାଚେଙ୍ଗେ ହୀରୋ ବନ୍ କର ।"
ପାକିସ୍ତାନ ଓ ଭାରତ ମଧ୍ୟରେ ଶତ୍ରୁତା ରହିଥିବା ବେଳେ ଏଠାକାର ଅଭିନେତା ଅଭିନେତ୍ରୀ, କଣ୍ଠଶିଳ୍ପୀ ଅନେକ ବଲିଉଡ ଫିଲ୍ମରେ କାମ କରିଛନ୍ତି । ଏହାସହିତ ପାକିସ୍ତାନୀମାନେ ବଲିଉଡର ଫିଲ୍ମ ଦେଖିବାକୁ ବେଶ ପସନ୍ଦ କରିଥାନ୍ତି । ଶତ୍ରୁତାକୁ ବାଦ ଦେଇ ମନୋରଞ୍ଜନ କ୍ଷେତ୍ରରେ ସେ ଭାରତୀୟ ଅଭିନେତା ଅଭିନେତ୍ରୀଙ୍କୁ ବେଶ ପସନ୍ଦ କରିଥାନ୍ତି । ଅନ୍ୟପଟେ ନିକଟରେ ବଲିଉଡ ବାଦଶାହ ଶାହରୁଖ ଖାନଙ୍କ ଅଭିନୀତ 'ପଠାନ୍' ଫିଲ୍ମ ରିିଲିଜ ହୋଇଛି । ଏହା ବକ୍ସ ଅଫିସରେ ବେଶ ଧମାଲ କରିଥିବା ବେଳେ ପାକିସ୍ତାନରେ କଟକଣା ସତ୍ତ୍ବେ କିଛି ସ୍ଥାନରେ ରିଲିଜ ହୋଇଥିବା ସୂଚନା ମିଳିଛି ।
