ନୂଆଦିଲ୍ଲୀ: ୟୁଏଇରୁ ଦିଲ୍ଲୀ ଆସୁଥିବା ବିମାନରୁ ନିଖୋଜ ହୋଇଗଲେ ଓଡ଼ିଆ ଯୁବକ । ଗତ ଦୁଇ ମାସ ହେଲା ସେ ନିଖୋଜ ଥିବା ସୂଚନା ମିଳିଛି । ନିଖୋଜ ଯୁବକ ହେଉଛନ୍ତି ଖୋର୍ଦ୍ଧା ଜିଲ୍ଲାର ରଞ୍ଜନ ସ୍ବାଇଁ । ସେ ଓଡ଼ିଶାରେ ନିଜ ପରିବାର ଛାଡ଼ି ୟୁଏଇରେ ଚାକିରି କରିଥିଲେ।
ପରିବାର ଲୋକଙ୍କ ଅଭିଯୋଗ କରିଛନ୍ତି ଯେ, ରଞ୍ଜନ ଗତ ତିନି ବର୍ଷ ହେବ ଏମିରେଟ୍ସ ଇଣ୍ଟରନ୍ୟାସନାଲ ଫେସିଲିଟିଜ୍ ମ୍ୟାନେଜମେଣ୍ଟରେ ଚାକିରି କରିଆସୁଥିଲେ । ଅଗଷ୍ଟ 18 ତାରିଖରେ ସେ ଭାରତ ଫେରିବାର ଥିଲା । ଏଥିପାଇଁ ସେ ବିମାନ ଟିକେଟ କରିବା ସହ ପରିବାର ଲୋକଙ୍କୁ ମଧ୍ୟ ଅବଗତ କରାଇଥିଲେ । ଶେଷଥର ପାଇଁ ସେ ତାଙ୍କ ଉଉଣୀଙ୍କ ସହ କଥା ହୋଇଥିଲେ । ସେବେଠାରୁ ଆଜି ପର୍ଯ୍ୟନ୍ତ ତାଙ୍କର କୌଣସି ଖୋଜଖବର ମିଳିନାହିଁ । ପୁଅ ନିଖୋଜ ହେବାରୁ 3ରୁ 4 ଦିନ ପରେ ରଞ୍ଜନଙ୍କ ପରିବାର ଲୋକେ କମ୍ପାନୀ ମ୍ୟାନେଜମେଣ୍ଟ ସହିତ ଯୋଗାଯୋଗ କରିଥିଲେ । ବନ୍ଧୁ ଫହିମ ଅହମ୍ମଦଙ୍କ ସହିତ ଭିସ୍ତାରା ବିମାନରେ ରଞ୍ଜନ ଭାରତ ଫେରିବା ପାଇଁ ସ୍ଥିର କରିଥିବା କମ୍ପାନୀ କର୍ତ୍ତୃପକ୍ଷ କହିଥିଲେ ।
ସେ ଅଗଷ୍ଟ 18ତାରିଖରେ ୟୁଏଇ ଛାଡ଼ି ଭାରତ ଯାତ୍ରା କରିଥିବା ଏନ୍ଜିଓ ସଂସ୍ଥା ଗ୍ଲୋବାଲ ଓଡ଼ିଆ ସ୍ବେଚ୍ଛାସେବୀଙ୍କ ସହାୟତାରେ ୟୁଏଇ ସରକାର ନିଶ୍ଚିତ କରିଛନ୍ତି । ରଞ୍ଜନ ପରିବାରର ଏକ ମାତ୍ର ରୋଜଗାରିଆ ପୁଅ ଥିଲେ। ସେ ନିଖୋଜ ହେବା ପରେ ପରିବାରରେ ଆର୍ଥିକ ସମସ୍ୟା ଉପୁଜିଛି । ଗତ 2 ମାସ ହେଲା ନିଖୋଜ ଥିବା ବେଳେ ଏପର୍ଯ୍ୟନ୍ତ ତାଙ୍କର କୌଣସି ଖୋଜଖବର ମିଳିପାରି ନାହିଁ ।
ଏହା ମଧ୍ୟ ପଢନ୍ତୁ-ଚେନ୍ନାଇ ରେଳ ଷ୍ଟେସନରୁ ଶିଶୁକୁ ଅପହରଣ, 3 ଘଣ୍ଟା ମଧ୍ୟରେ ଉଦ୍ଧାର କଲା ରେଲଓ୍ବେ ପୋଲିସ
ରଞ୍ଜନଙ୍କୁ ଅପହରଣ କରାଯାଇଥିବା ବେଳେ ତାଙ୍କ ଜୀବନ ପ୍ରତି ବିପଦ ଥିବା ପରିବାର ଲୋକେ ଆଶଙ୍କା କରୁଛନ୍ତି । ଦିଲ୍ଲୀ ତଥା ଏହାର ଆଖପାଖ ଅଞ୍ଚଳରେ ରଞ୍ଜନଙ୍କୁ ଅପହରଣ କରାଯାଇଥିବା ପରିବାର ଲୋକେ ସନ୍ଦେହ କରୁଥିବା ଅଭିଯୋଗ ପତ୍ରରେ ଉଲ୍ଲେଖ ରହିଛି ।
ନିଖୋଜ ହେବାର କିଛି ଦିନ ପର୍ଯ୍ୟନ୍ତ ରଞ୍ଜନଙ୍କୁ ଖୋଜାଖୋଜି କରିଥିଲେ ପରିବାର ଲୋକେ । କିନ୍ତୁ କୌଣସି ପତ୍ତା ନମିଳିବାରୁ ସେମାନେ ଥାନାରେ ଅଭିଯୋଗ କରିଥିଲେ । ମାମଲାର ଯାଞ୍ଚ ପାଇଁ ଓଡିଶା ପୋଲିସକୁ ଦିଲ୍ଲୀ ଯିବାକୁ କହିଥିଲେ । ଓଡ଼ିଶା ପୋଲିସ ଦିଲ୍ଲୀ ଯାଇ ଆଇଜିଆଇ ଏୟାରପୋର୍ଟ ପୋଲିସ ସହାୟତାରେ କିଛି ତଥ୍ୟ ସଂଗ୍ରହ କରିଥିଲା । ଏହାପରେ ସେଠାରେ ଅକ୍ଟୋବର 15ରେ ଏକ ମାମଲା ରୁଜୁ କରାଯାଇଥିଲା ।
ଦିଲ୍ଲୀର ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ, ଆଇଜିଆଇ ବିମାନବନ୍ଦର ପୋଲିସ ଷ୍ଟେସନରେ ଧାରା 365 (ଅପହରଣ) ଅନୁଯାୟୀ ଏକ ଏଫଆଇଆର ପଞ୍ଜୀକୃତ ହୋଇଛି, ଏନେଇ ଅଧିକ ତଦନ୍ତ ଜାରି ରହିଛି ।
