ନୂଆଦିଲ୍ଲୀ: ଆଜି ଭାରତୀୟ ତଟରକ୍ଷୀ ବାହିନୀ (ଆଇସିଜି)ର ଜାହାଜ 'ସଜାଗ'ର ହେବ ଜଳାବତ୍ତରଣ । ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ସଜାଗ'ର ଜଳାବତ୍ତରଣ କରାଇବେ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରିକଳ୍ପନା ଆତ୍ମନିର୍ଭର ଭାରତ ଅଧିନରେ ନିର୍ମିତ 'ସଜାଗ' ସ୍ବଦେଶୀ ଜ୍ଞାନକୌଶଳରେ ନିର୍ମିତ । ପଞ୍ଚମ ପିଢି ଆଇସିଜି ଜାହାଜ ସିରିଜର 'ସଜାଗ' ହେଉଛି ତୃତୀୟ ।
ସମ୍ପୂର୍ଣ୍ଣ ସ୍ବଦେଶୀ ଜ୍ଞାନ କୌଶଲରେ ନିର୍ମିତ ଏହି ଜାହାଜରେ ଅତ୍ୟାଧୁନିକ ଯନ୍ତ୍ରପାତି ସହ ଅସ୍ତ୍ରଶସ୍ତ୍ର ସମେତ ଅନେକ ବ୍ୟବସ୍ଥା ରହିଛି । ଏହି ଜାହାଜକୁ ଗୋଆ ‘ସିପୟାର୍ଡ ଲିମିଟେଡ’ ପରିସରରେ ବିକଶିତ କରାଯାଇଛି । ମେକ ଇଣ୍ଡିଆ ଅଭିଯାନ ଅଧିନରେ ଆତ୍ମନିର୍ଭର ଭାରତ ଏହା ଆଉ ଏକ ସଫଳତା । ଯାହା ଭାରତୀୟ ପ୍ରତିରକ୍ଷା କ୍ଷେତ୍ର ପାଇଁ ଆଉ ଏକ ବଡ ଉପଲବ୍ଧି ।
ଏନେଇ ଆଜି ଜାହାଜ 'ସଜାଗ'ର ହେବ ଜଳାବତ୍ତରଣ ନେଇ ଟ୍ବିଟ ଯୋଗେ ସୂଚନା ଦେଇଛି ଭାରତୀୟ ତଟରକ୍ଷୀ ବାହିନୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
