ନୂଆଦିଲ୍ଲୀ: ବୈଦେଶିକ ମନ୍ତ୍ରୀଙ୍କୁ ଭେଟିଲେ ନେପାଳ ବୈଦେଶିକ ମନ୍ତ୍ରୀ । ତିନି ଦିନିଆ ଭାରତ ଗସ୍ତରେ ଆସିଥିବା ନେପାଳର ବୈଦେଶିକ ମନ୍ତ୍ରୀ ପ୍ରଦୀପ କୁମାର ଗ୍ବାୱାଲି ଶୁକ୍ରବାର ଦିନ ଦିଲ୍ଲୀର ହାଇଦ୍ରାବାଦ ହାଉସରେ ବୈଦେଶିକ ବ୍ୟାପାର ମନ୍ତ୍ରୀ ଜୟଶଙ୍କରଙ୍କୁ ଭେଟିଛନ୍ତି।
ଗ୍ବାୱାଲୀ ଷଷ୍ଠ ଭାରତ-ନେପାଳ ମିଳିତ ଆୟୋଗ ବୈଠକରେ ସହ-ଅଧ୍ୟକ୍ଷତା କରିବେ। ତେବେ ଗତ ବର୍ଷ ନେପାଳ ଏକ ନୂଆ ରାଜନୈତିକ ମାନଚିତ୍ର ପ୍ରକାଶ କରିଥିଲା । ଯେଉଁଥିରେ ଭାରତର 3 ଅଞ୍ଚଳ ଲିମ୍ପିଆଧୁରା, କାଲାପାନି ଏବଂ ଲିପୁଲେଖକୁ ନେପାଳର ଅଂଶ ଭାବରେ ଦର୍ଶାଇଥିଲା। ଯାହାକୁ ନେଇ ଦୁଇ ଦେଶ ମଧ୍ୟରେ ସାମା ବିବାଦ ଉପୁଜିଥିଲା । ତେବେ ନେପାଳ ବୈଦେଶିକ ମନ୍ତ୍ରୀ ଦୁଇ ଦେଶ ମଧ୍ୟରେ ହୋଇଥିବା ସୀମା ବିବାଦକୁ ଦୃଷ୍ଟିରେ ରଖି ଏହି ଗସ୍ତରେ ଆସିଛନ୍ତି ।
ଏହାପୂର୍ବରୁ ଭାରତର ବୈଦେଶିକ ସଚିବ ହର୍ଷବର୍ଦ୍ଧନ ଶ୍ରୀଙ୍ଗଲା ଦ୍ବିପାକ୍ଷିକ ସମ୍ପର୍କକୁ ପୁନଃସ୍ଥାପନ କରିବା ପାଇଁ ନଭେମ୍ବରରେ ନେପାଳ ଗସ୍ତ କରିଥିଲେ।
