ନୂଆଦିଲ୍ଲୀ: ବିଶ୍ବର ସର୍ବବୃହତ ଗଣତନ୍ତ୍ରର 15ତମ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ । ତୃତୀୟ ରାଉଣ୍ଡରେ ଫଳାଫଳ ସ୍ପଷ୍ଟ ହୋଇଯାଇଥିବା ବେଳେ ଗଣତି ଶେଷରେ ତାଙ୍କୁ ନିର୍ବାଚନ କମିଶନଙ୍କ ପକ୍ଷରୁ ଆନୁଷ୍ଠାନିକ ଭାବେ ବିଜେତା ଘୋଷଣା କରାଯାଇଛି । ସମ୍ପୂର୍ଣ୍ଣ ନିର୍ବାଚନର ପରିଚାଳନା ଦାୟିତ୍ବରେ ଥିବା ରିଟର୍ଣ୍ଣିଂ ଅଧିକାରୀ ତଥା ରାଜ୍ୟସଭା ସଚିବ ପି.ସି ମୋଦି ଦ୍ରୌପଦୀଙ୍କୁ ବାସଭବନରେ ସାକ୍ଷାତ କରି ଶୁଭେଚ୍ଛା ଜଣାଇବା ସହ ପ୍ରମାଣପତ୍ର ମଧ୍ୟ ପ୍ରଦାନ କରିଛନ୍ତି ।
-
Secretary General of Rajya Sabha and the Returning Officer for Presidential Election 2022, PC Mody hands over the certificate to President-elect #DroupadiMurmu at her residence in Delhi. pic.twitter.com/Bvq6sn1gpT
— ANI (@ANI) July 21, 2022 " class="align-text-top noRightClick twitterSection" data="
">Secretary General of Rajya Sabha and the Returning Officer for Presidential Election 2022, PC Mody hands over the certificate to President-elect #DroupadiMurmu at her residence in Delhi. pic.twitter.com/Bvq6sn1gpT
— ANI (@ANI) July 21, 2022Secretary General of Rajya Sabha and the Returning Officer for Presidential Election 2022, PC Mody hands over the certificate to President-elect #DroupadiMurmu at her residence in Delhi. pic.twitter.com/Bvq6sn1gpT
— ANI (@ANI) July 21, 2022
ମୁର୍ମୁଙ୍କୁ ମୋଟ 64.03 ପ୍ରତିଶତ ସହ 6,76,803 ଭୋଟ ମିଳିଛି । ସେହିପରି ପ୍ରତିଦ୍ବନ୍ଦୀ ତଥା ମିଳିତ ବିରୋଧୀଙ୍କ ପ୍ରାର୍ଥୀ ଯଶୋବନ୍ତ ସିହ୍ନା 35.97 ପ୍ରତିଶତ ସହ ମୋଟ 3,80,177 ଭୋଟ ପାଇଛନ୍ତି । ଗଣତି ବେଳେ ପ୍ରଥମେ ସାଂସଦଙ୍କ ଭୋଟ ଗଣତି ହୋଇଥିଲା । ପ୍ରଥମ ରାଉଣ୍ଡରୁ ବଡ ବ୍ୟବଧାନରେ ଆଗରେ ଥିଲେ ମୁର୍ମୁ । ପରେ ପର୍ଯ୍ୟାୟକ୍ରମେ ବିଧାନସଭା ଭୋଟ ଗଣତି ହୋଇଥିଲା । ତୃତୀୟ ରାଉଣ୍ଡରେ ସେ ବିଜୟୀ ହେବା ପାଇଁ ଆବଶ୍ୟକୀୟ ମ୍ୟାଜିକ ନମ୍ବର ଅତିକ୍ରମ କରିଥିଲେ ।
ଦେଶର ପ୍ରଥମ ଆଦିବାସୀ ଓ ଦ୍ବିତୀୟ ମହିଳା ଭାବେ ସର୍ବୋଚ୍ଚ ସମ୍ବାଧାନିକ ପଦବୀରେ ବସିବେ ମୁର୍ମୁ । ରାଷ୍ଟ୍ରପତି ରାମାନାଥ କୋବିନ୍ଦ, ପ୍ରଧାନମନ୍ତ୍ରୀ ମୋଦିଙ୍କ ସମେତ ଦେଶ ଓ ବିଦେଶରୁ ବହୁ ବିଶିଷ୍ଟ ବ୍ୟକ୍ତିବିଶେଷ ମୁର୍ମୁଙ୍କୁ ଶୁଭେଚ୍ଛା ଜଣାଇଛନ୍ତି । ଚଳିତ ମାସ 24 ତାରିଖରେ ରାଷ୍ଟ୍ରପତିଙ୍କ କାର୍ଯ୍ୟକାଳ ଶେଷ ହେଉଥିବା ବେଳେ 25ରେ 15ତମ ରାଷ୍ଟ୍ରପତି ଭାବେ ଶପଥ ଗ୍ରହଣ କରିବେ ମୁର୍ମୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
