ରାଞ୍ଚି: ପୂର୍ବତନ ବିଜେପି ବିଧାୟକଙ୍କୁ ନକ୍ସଲ ଆକ୍ରମଣ । ଝାଡଖଣ୍ଡ ଚାଇବାସର ପୂର୍ବତନ ବିଧାୟକ ଗୁରୁଚରଣ ନାୟକଙ୍କ ଉପରେ ନକ୍ସଲ ଆକ୍ରମଣ କରିଥିବା ବେଳେ ଏଥିରେ ପୂର୍ବତନ ବିଧାୟକ ଅଳ୍ପକେ ବର୍ତ୍ତିଯାଇଛନ୍ତି । କିନ୍ତୁ ତାଙ୍କ ସୁରକ୍ଷା ଦାୟିତ୍ବରେ ଥିବା ଦୁଇ ଅଙ୍ଗରକ୍ଷୀ ଶହୀଦ ହୋଇଥିବା ସୂଚନା ମିଳିଛି ।
ସୂଚନା ଅନୁସାରେ, ପୂର୍ବତନ ବିଧାୟକ ଗୁରୁଚରଣ ଗୋଲକେରାର ଟୁନିୟା ଗ୍ରାମରେ ଆୟୋଜିତ ଏକ ଫୁଟବଲ ପ୍ରତିଯୋଗିତାରେ ଅତିଥି ଭାବରେ ଯୋଗ ଦେବାକୁ ଯାଇଥିବା ବେଳେ ଏହି ଆକ୍ରମଣ କରିଛନ୍ତି ନକ୍ସଲ ।
ଏଥିରେ ବିଧାୟକ ଅଳ୍ପକେ ବର୍ତ୍ତି ଯାଇଥିବା ବେଳେ ଦୁଇ ଅଙ୍ଗରକ୍ଷୀଙ୍କ ଶହୀଦ ହୋଇଥିବା ସୂଚନା ରହିଛି । ଘଟଣାସ୍ଥଳରେ ପୋଲିସ ପହଞ୍ଚିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
