ହାଇଦ୍ରାବାଦ: ପ୍ରତିବର୍ଷ ମାର୍ଚ୍ଚ ୪ ତାରିଖରେ ରାଷ୍ଟ୍ରୀୟ ସୁରକ୍ଷା ଦିବସ ପାଳନ କରାଯାଏ । ଦେଶର ସୁରକ୍ଷା ସହ ଜଡିତ ପୋଲିସ, ସେନାବାହିନୀ, ସୁରକ୍ଷାକର୍ମୀ ସମ୍ନାନାର୍ଥେ ଏହି ଦିବସ ପାଳନ କରାଯାଏ । ଏହାସହ ଦେଶବାସୀଙ୍କ ମଧ୍ୟରେ ସୁରକ୍ଷା ପ୍ରତି ସଚେତନତା ବୃଦ୍ଧି କରିବା ରାଷ୍ଟ୍ରୀୟ ସୁରକ୍ଷା ଦିବସର ମୂଳ ଉଦ୍ଧେଶ୍ୟ ।
ଜାତୀୟ ସ୍ତରରେ ନିରାପତ୍ତା ଯୋଗାଇବା ପାଇଁ ୧୯୬୬ ମସିହା ମାର୍ଚ୍ଚ ୪ ତାରିଖରେ ଜାତୀୟ ସୁରକ୍ଷା ପରିଷଦ (NSC) ସ୍ଥାପିତ ହୋଇଥିଲା । ତେବେ ୧୯୭୨ ମସିହା ଠାରୁ ଏହାର ସ୍ଥାପନ ଦିବସକୁ ସୁରକ୍ଷା ଦିବସ ରୂପେ ପାଳନ କରାଯାଇ ଆସୁଛି । ମାର୍ଚ୍ଚ ୪ ତାରିଖରୁ ୧୦ ତାରିଖ ପର୍ଯ୍ୟନ୍ତ ଜାତୀୟ ସୁରକ୍ଷା ସପ୍ତାହ ପାଳନ କରାଯାଏ । ଦୃଢ ସଂସ୍କୃତି, ବୈଜ୍ଞାନିକ ମାନସିକତା, ସୁରକ୍ଷା, ସ୍ବାସ୍ଥ୍ୟ ଉଦ୍ଧେଶ୍ୟରେ ସଙ୍ଗଠିତ ଦୃଷ୍ଟିକୋଣ ଦ୍ବାରା ସମାଜସେବା ଏହି ଦିବସର ଲକ୍ଷ୍ୟ ।
