ମୁମ୍ବାଇ: ହନୁମାନ ଚାଳିଶା ବିବାଦରେ ସାଂସଦ ନବନୀତ ରାଣା ଓ ସ୍ବାମୀ ତଥା ବିଧାୟକ ରବି ରାଣାଙ୍କୁ ଗିରଫ କଲା ପୋଲିସ । ଉଭୟଙ୍କୁ ଖାର ଥାନାକୁ ନିଆଯାଇଥିବା ସୂଚନା ମିଳିଛି । କିଛି ସମୟ ପୂର୍ବରୁ ରାଣା ଦମ୍ପତିଙ୍କ ବାସଭବନରେ ପହଞ୍ଚିଥିଲା ମୁମ୍ବାଇ ପୋଲିସର ଏକ ଟିମ । ତେବେ କିଛି ସମୟର ପଚରାଉଚରା ପରେ ଉଭୟଙ୍କୁ ପୋଲିସ ଥାନାକୁ ନେଇଛି । ଉଭୟଙ୍କୁ ଗିରଫ କରାଯିବା ସହ ଉଭୟଙ୍କ ବିରୋଧରେ ଧାରା 153A ଲଗାଯାଇଥିବା ସୂଚନା ମିଳିଛି ।
-
Maharashtra | Mumbai Police take Amravati MP Navneet Rana and Ravi Rana to Khar Police Station. pic.twitter.com/ojdxhTXiGV
— ANI (@ANI) April 23, 2022 " class="align-text-top noRightClick twitterSection" data="
">Maharashtra | Mumbai Police take Amravati MP Navneet Rana and Ravi Rana to Khar Police Station. pic.twitter.com/ojdxhTXiGV
— ANI (@ANI) April 23, 2022Maharashtra | Mumbai Police take Amravati MP Navneet Rana and Ravi Rana to Khar Police Station. pic.twitter.com/ojdxhTXiGV
— ANI (@ANI) April 23, 2022
ମହାରାଷ୍ଟ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ମାତୋଶ୍ରୀ ସ୍ଥିତ ବାସଭବନ ସମ୍ମୁଖରେ ହନୁମାନ ଚାଳିଶା ପାଠ କରିବା ପାଇଁ ଅମରାବତୀ ସାଂସଦ ନବନୀତ ରାଣା ଓ ସ୍ବାମୀ ରବି ରାଣା ଘୋଷଣା କରିଥିଲେ । ପରେ ଏହାକୁ ନେଇ ଶିବସେନା କର୍ମୀ ମଧ୍ୟ ରାସ୍ତାକୁ ଓହ୍ଲାଇଥିଲେ । ବିରୋଧ ପ୍ରଦର୍ଶନ କରିବା ସହ ସାଂସଦଙ୍କ ବାସଭବନ ଭିତରେ ପ୍ରବେଶ କରିବାକୁ ଉଦ୍ୟମ କରିଥିଲେ ଶିବସେନା ନେତା ଓ କର୍ମୀ ।
ଘଟଣାସ୍ଥଳରେ ଉତ୍ତେଜନାମୂଳକ ପରିସ୍ଥିତି ଉପୁଜିବାରୁ ପୋଲିସ କିଛି କର୍ମୀଙ୍କ ଉଠାଇ ନେଇଛି । ପରେ ରାଣା ଦମ୍ପତିଙ୍କ ବାସଭବନରେ ମଧ୍ୟ ପହଞ୍ଚିଥିଲା ପୋଲିସ ଟିମ । କିଛି ମସୟ ମଧ୍ୟରେ ଉଭୟଙ୍କୁ ପୋଲିସ ଥାନାକୁ ନେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
