ମୁମ୍ବାଇ: ମହାରାଷ୍ଟ୍ରର ବାନ୍ଦ୍ରା ଅଞ୍ଚଳରେ ଅଘଟଣ । ଚାରି ମହାଲା ଘର ଭୁଶୁଡି ଜଣଙ୍କର ମୃତ୍ୟୁ ହୋଇଥିବାବେଳେ 4 ଜଣ ଆହତ ହୋଇଛନ୍ତି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ।
ଦୁର୍ଘଟଣାରେ ଆହତ ହୋଇଥିବା ସମସ୍ତଙ୍କୁ ନିକଟସ୍ଥ ଡାକ୍ତଖାନାରେ ଭର୍ତ୍ତି କରାଯାଇଛି । କେହି ଗୁରୁତର ହୋଇନଥିବା ଟ୍ବିଟ କରି ସୂଚନା ଦେଇଛନ୍ତି ବାନ୍ଦ୍ରା ବିଧାୟକ ଜିସାୟନ ସିଦ୍ଦିକ । ଘଟଣାଟି ରାତି ପ୍ରାୟ 1ଟା ଘଟିଥିବା ଜଣାପଡିଛି । ଖବର ପାଇ ପୋଲିସ ଓ ଉଦ୍ଧାରକାରୀ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ଅନ୍ୟପଟେ ବାନ୍ଦ୍ରାର ଖେରୱାଡି ଅଞ୍ଚଳରେ ଅନ୍ୟ ଏକ ଘର କାନ୍ଥ ଭୁଶୁଡି ଥିବା ଘଟଣା ସାମ୍ନାକୁ ଆସିଛି । ଘଟଣାରେ 5ଜଣ ଲୋକ ଆହତ ହୋଇଥିବା ସୂଚନା ମିଳିଛି । ବର୍ତ୍ତମାନ ସୁଦ୍ଧା ପ୍ରାୟ 17ଜଣଙ୍କୁ ଉଦ୍ଧାର କରାଯାଇଥିବା ବ୍ରିହାନ ମୁମ୍ବାଇ ମୁନସିପାଲଟି ପକ୍ଷରୁ ସୂଚନା ମିଳିଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
