ଜୟପୁର: ରାଜସ୍ଥାନର ମେବାତ ରାମଗଡ଼ ଅଞ୍ଚଳରରେ ଏକ ସାଙ୍ଘାତିକ ଘଟଣା ସାମ୍ନାକୁ ଆସିଛି । ଏଠାରେ ଉଦୟପୁର ଭଳି ହତ୍ୟାକାଣ୍ଡ ଭିଆଇବାକୁ ଏକ ନିର୍ଦ୍ଦିଷ୍ଟ ସମୁଦାୟର ବ୍ୟକ୍ତି ପହଞ୍ଚିଥିଲେ । ତେବେ ଶିଖ୍ ସମୂଦାୟର ହୋଇଥିବାରୁ ସେମାନେ ଜନୈକ ବ୍ୟକ୍ତିଙ୍କ ଚୁଟି କାଟି ଫେରି ଯାଇଥିଲେ ।
ଖାଲି ସେତିକି ନୁହେଁ ଚୁଟି କାଟିବା ପୂର୍ବରୁ ଜନୈକ ବ୍ୟକ୍ତିଙ୍କୁ ନିସ୍ତୁକ ମାଡ଼ ମାରିଥିଲେ ଦୁର୍ବୃତ୍ତ । ଗୁରୁବକ୍ଷ ନାମକ ଏହି ବ୍ୟକ୍ତି ଜଣକ ରାମଗଡ଼ ଥାନା ଅଞ୍ଚଳ ଅଲାବଡ଼ା ଗ୍ରାମବାସିନ୍ଦା । ସେ ଗ୍ରାମକୁ ଫେରିବା ବେଳେ କିଛି ଲୋକ ତାଙ୍କୁ ଅଧ ରାସ୍ତାରେ ଅଟକାଇ ଥିଲେ । ଏହାପରେ ରାସ୍ତାରେ ଆହତ ହୋଇ ପଡ଼ି ରହିଥିବା ଜଣେ ବ୍ୟକ୍ତିଙ୍କୁ ସାହାଯ୍ୟ କରିବାକୁ ସେମାନେ ନିବେଦନ କରିଥିଲେ । ସେ ଯୁବକଙ୍କ ସହ ଯିବାକୁ ବାହାରିବା ମାତ୍ରେ, ଆଉ କିଛି ବ୍ୟକ୍ତି ସେଠାରେ ପହଞ୍ଚି ତାଙ୍କୁ ମାଡ଼ ମାରିବା ଆରମ୍ଭ କରିଥିଲେ ।
ଗୁରୁବକ୍ଷଙ୍କ ମୁତାବକ ଦୁର୍ବୃତ୍ତମାନେ ତାଙ୍କ ବେକ କାଟିବାକୁ ଆସିଥିଲେ । କିନ୍ତୁ ସେ ଶିଖ୍ ବୋଲି ଜାଣିବା ପରେ ଜୁମ୍ମା ନାମକ ବ୍ୟକ୍ତିକୁ ଫୋନ୍ କରି ଜଣାଇଥିଲେ । ଏହାପରେ ତାଙ୍କୁ ମାରପିଟ୍ କରି ତାଙ୍କ ଚୁଟି କାଟି ଚାଲି ଯାଇଥିଲେ । ଗୁରୁବକ୍ଷଙ୍କ ଚିତ୍କାର କରିବାକୁ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ହସ୍ପିଟାଲ୍ରେ ଭର୍ତ୍ତି କରିଛନ୍ତି । ତେବେ କେଉଁ କାରଣରୁ ଗୁରୁବକ୍ଷଙ୍କ ଉପରେ ଦୁର୍ବୃତ୍ତ ଆକ୍ରମଣ କରିଥିଲେ ତାହା ଜଣା ପଡ଼ିନାହିଁ । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ସୁରକ୍ଷା ବ୍ୟବସ୍ଥା ବ୍ୟାପକ କରାଯାଇଛି ।
