ନୂଆଦିଲ୍ଲୀ: ସମସ୍ତ ଘରୋଇ ଉଡାଣ ଟିକେଟ ପ୍ରାଇସ ଉପରେ airfare cap ହଟାଇ ଦେଲେ କେନ୍ଦ୍ର ସରକାର । ଚଳିତ ମାସ (ଅଗଷ୍ଟ) 31 ତାରିଖ (31 August 2022)ରୁ ଏହି ନିୟମ କାର୍ଯ୍ୟକାରୀ ହେବାକୁ ଯାଉଛି । ବର୍ତ୍ତମାନ ସ୍ଥିତିକୁ ଦୃଷ୍ଟିରେ ରଖି ଏପ୍ରକାର ନିଷ୍ପତ୍ତି ଗ୍ରହଣ କରାଯାଇଥିବା ବିଜ୍ଞପ୍ତି ଜାରି କରି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ସୂଚନା ଦେଇଛି ।
-
Ministry of Civil Aviation withdraws the airfare cap with effect from 31st August. pic.twitter.com/WBmnmSllni
— ANI (@ANI) August 10, 2022 " class="align-text-top noRightClick twitterSection" data="
">Ministry of Civil Aviation withdraws the airfare cap with effect from 31st August. pic.twitter.com/WBmnmSllni
— ANI (@ANI) August 10, 2022Ministry of Civil Aviation withdraws the airfare cap with effect from 31st August. pic.twitter.com/WBmnmSllni
— ANI (@ANI) August 10, 2022
ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି,‘‘ବର୍ତ୍ତମାନର ସ୍ଥିତିକୁ ଦୃଷ୍ଟିରେ ରଖି ସମୀକ୍ଷା କରାଯିବା ପରେ ମନ୍ତ୍ରଣାଳୟ ପକ୍ଷରୁ ଏହି ନିଷ୍ପତ୍ତି ଗ୍ରହଣ କରାଯାଇଛି । ଏହି ନିୟମ ଅଗଷ୍ଟ 31 ତାରିଖରୁ କାର୍ଯ୍ୟକାରୀ ହେବ । ବର୍ତ୍ତମାନ ସମୟରେ ବିମାନ ଇନ୍ଧନର ମୂଲ୍ୟବୃଦ୍ଧିକୁ ବିଚାରକୁ ନେବା ପରେ ପୂର୍ବ ବ୍ୟବସ୍ଥାକୁ ହଟାଯାଇଛି ।’’
କୋଭିଡ ସଂକ୍ରମଣକୁ ଦୃଷ୍ଟିରେ ରଖି 2020 ମହିହାରେ ଏହି ନିୟମ ଲାଗୁ କରିଥିଲେ କେନ୍ଦ୍ର ସରକାର । ଡୋମେଷ୍ଟିକ ବିମାନ ଯାତ୍ରାକୁ ଉଡାଣ ସମୟ ଅବଧି ଅନୁସାରେ ଏକାଧିକ ପର୍ଯ୍ୟାୟରେ ବିଭକ୍ତ ମଧ୍ୟ କରାଯାଇଥିଲା । ଉଡାଣ ସମୟ ଅନୁସାରେ, ଯାତ୍ରା ପାଇଁ ସର୍ବନିମ୍ନ ଓ ସର୍ବାଧିକ ଭଡା ଦର ସରକାରଙ୍କ ପକ୍ଷରୁ ନିର୍ଦ୍ଧାରଣ କରାଯାଇଥିଲା । ପରବର୍ତ୍ତୀ ସମୟରେ ବିମାନ ଇନ୍ଧନ ଦାମରେ ବୃଦ୍ଧି ହେବା ପରେ କମ୍ପାନୀମାନେ ମଧ୍ୟ କ୍ଷତି ସହୁଥିବା ଅଭିଯୋଗ ଆସିଥିଲା । ଏବେ ଏହି ନିୟମ ହଟିଯିବା ପରେ ଏବେ ବିମାନ କମ୍ପାନୀମାନେ ସ୍ବାଧୀନ ଭାବେ ଯାତ୍ରାର ଟିକେଟ ଦର ନିର୍ଦ୍ଧାରଣ କରିପାରିବେ ।
ତେବେ ଏପରି ସ୍ଥିତିରେ ଘରୋଇ ବିମାନ ଯାତ୍ରା ଅଧିକ ମହଙ୍ଗା ହୋଇପାରେ ବୋଲି ଆଶଙ୍କା କରାଯାଉଛି । କୋଭିଡ ସଂକ୍ରମଣ କାଳରେ ଏହି କଟକଣା କେବଳ ଘରୋଇ ବିମାନ କମ୍ପାନୀ ଉପରେ ଲଗାଇଥିଲେ କେନ୍ଦ୍ର ସରକାର । ଏହା ଅନ୍ତର୍ଜାତୀୟ ଉଡାଣ ପାଇଁ କାର୍ଯ୍ୟକାରୀ ହୋଇନଥିଲା । ତେଣୁ ଏପରି ନିୟମ ଆସିବା ପରେ ଘରୋଇ ବିମାନ ଯାତ୍ରା ପୂର୍ବାପେକ୍ଷା ଅଧିକ ଖର୍ଚ୍ଚ ସାପେକ୍ଷ ହୋଇପାରେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
