ନୂଆଦିଲ୍ଲୀ: ଆଜି ସଂସଦରୁ ଆଉ 49 ସାଂସଦଙ୍କୁ ନିଲମ୍ବିତ କରାଯିବା ପରେ ନିଲମ୍ବିତ ବିରୋଧୀ ସାଂସଦଙ୍କ ଦ୍ବାରା ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଜଗଦ୍ବୀପ ଧନଖଡଙ୍କ ପ୍ରତି କରାଯାଇଥିବା ମିମିକ୍ରିକୁ ନେଇ ରାଜନୈତିକ ଉଷ୍ମତା ବଢିବାରେ ଲାଗିଛି । ଏହି ପ୍ରସଙ୍ଗ ଆଜି ରାଜ୍ୟସଭାରେ ଉଠିଛି । ଉପରାଷ୍ଟ୍ରପତି ଧନକଡ ନିଜେ ଘଟଣାକୁ ଦୁର୍ଭାଗ୍ୟଜନକ ଓ ହୀନ ମାନସିକତା କହିସାରିଥିବା ବେଳେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ଗୃହରେ ଏହାକୁ ନିନ୍ଦା କରିଛନ୍ତି । ଏହାକୁ ଅତି ନିନ୍ଦନୀୟ ଆଚରଣ କହିବା କଂଗ୍ରେସ ଓ ଇଣ୍ଡିଆ ମେଣ୍ଟ ଉପରେ ବର୍ଷିଛନ୍ତି ସଂସଦୀୟ ମନ୍ତ୍ରୀ ।
-
"Vice President and the pride of the Jat community, Jagdeep Dhankhar has been mocked. The Jat community will definitely take account of this mockery in the coming Lok Sabha elections." tweets The Jat Association https://t.co/g3SZZ9gNX2 pic.twitter.com/a9iIkBF7ub
— ANI (@ANI) December 19, 2023 " class="align-text-top noRightClick twitterSection" data="
">"Vice President and the pride of the Jat community, Jagdeep Dhankhar has been mocked. The Jat community will definitely take account of this mockery in the coming Lok Sabha elections." tweets The Jat Association https://t.co/g3SZZ9gNX2 pic.twitter.com/a9iIkBF7ub
— ANI (@ANI) December 19, 2023"Vice President and the pride of the Jat community, Jagdeep Dhankhar has been mocked. The Jat community will definitely take account of this mockery in the coming Lok Sabha elections." tweets The Jat Association https://t.co/g3SZZ9gNX2 pic.twitter.com/a9iIkBF7ub
— ANI (@ANI) December 19, 2023
ବିରୋଧୀଙ୍କ ଏପରି କାମକୁ ଆଜି ସାରା ଦେଶ ନିିନ୍ଦା କରୁଛି । ସଂସଦ ଭବନ ପରିସରରେ ଦେଶର ଦ୍ବିତୀୟ ସର୍ବୋଚ୍ଚ ସାମ୍ବିଧାନିକ ପଦବୀରେ ଥିବା ବ୍ୟକ୍ତିଙ୍କ ପ୍ରତି ଏପରି ଅଶାଳୀନ ବ୍ୟବହାର ଗ୍ରହଣୀୟ ନୁହେଁ । ଏହା କେବଳ ଗୋଟିଏ ଘଟଣା ନୁହେଁ ବରଂ ବିରୋଧୀଙ୍କ ହୀନ ମାନସିକତାର ପରିଚୟ କହିବା ସହ ସେମାନେ ଗୃହରେ ଚେୟାରକୁ କ୍ଷମା ପ୍ରାର୍ଥନା କରିବା ଉଚିତ ବୋଲି ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ।
ଅପରାହ୍ନରେ ଗୃହକାର୍ଯ୍ୟ ଆରମ୍ଭ ହେବା ପରେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଲ ଯୋଶୀ ଏହି ପ୍ରସଙ୍ଗରେ ବିବୃତ୍ତି ରଖିଥିଲେ । ମିମିକ୍ରି କରିଥିବା ନିଲମ୍ବିତ ଟିିଏମସି ସାଂସଦ କଲ୍ୟାଣ ବାନାର୍ଜୀ ଓ ଭିଡିଓ ରେକର୍ଡ କରିଥିବା କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ସେ ଟାର୍ଗେଟ କରିଛନ୍ତି । ନାଁ ନନେଇ ରାହୁଲ ସେମାନଙ୍କୁ ଉତ୍ସାହିତ କରୁଥିବା ସେ କହିଛନ୍ତି । ଯୋଶୀ କହିଛନ୍ତି, ବିରୋଧୀଙ୍କ ଏହି ହୀନ ମାନସିକତା ବେଶ ପୁରୁଣା । ବିଗତ ଦିନରେ ସେମାନେ ଆଦିବାସୀ ସମ୍ପ୍ରଦାୟରୁ ଆସୁଥିବାରୁ ସେମାନେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ କଟାକ୍ଷ କରିଛନ୍ତି । ପ୍ରଧାନମନ୍ତ୍ରୀ ମୋଦି ନିଜେ ଓବିସି ସମ୍ପ୍ରଦାୟର ହୋଇଥିବା କାରଣରୁ ସେ ପ୍ରଧାନମନ୍ତ୍ରୀଙ୍କ ପ୍ରତି ମଧ୍ୟ ଏପରି ଆଚରଣ କରିଛନ୍ତି । ଏବେ ଦେଶର ଦ୍ବିତୀୟ ସର୍ବୋଚ୍ଚ ସାମ୍ବିଧାନିକ ପଦବୀରେ ଥିବା ଉପରାଷ୍ଟ୍ରପତିଙ୍କୁ ମଧ୍ୟ ସେ କଟାକ୍ଷ କରିଛନ୍ତି । ଏହା କଂଗ୍ରେସ ଓ ‘ଇଣ୍ଡିଆ’ ମେଣ୍ଟର ଆଦିବାସୀ, ଓବିସି ଓ ଜାଟ ବିରୋଧୀ ମାନସିକତା । ସେମାନେ ଏହା ପାଇଁ କ୍ଷମା ପ୍ରାର୍ଥନା କରିବା ଉଚିତ । ସେହି ଦଳର ଅବଶିଷ୍ଟ ସାଂସଦ ଗୃହରେ ସେମାନଙ୍କ ପକ୍ଷରୁ ଚେୟାରଙ୍କୁ କ୍ଷମା ମାଗନ୍ତୁ ବୋଲି ପ୍ରହ୍ଲାଦ କହିଥିଲେ ।
ଅନ୍ୟପଟେ ଏହି ଘଟଣାକୁ ନେଇ ସାମ୍ପ୍ରଦାୟିକ ରାଜନୀତି ମଧ୍ୟ ଆରମ୍ଭ ହୋଇଯାଇଛି । ରାଜସ୍ଥାନର ଜାଟ ସମ୍ପ୍ରଦାୟକୁ ପ୍ରତିନିଧିତ୍ବ କରୁଥିବା ଉପରାଷ୍ଟ୍ରପତି ଜଗଦ୍ବୀପ ଧନକଡଙ୍କ ପ୍ରତି ଏପରି କଟାକ୍ଷକୁ ନେଇ ଜାଟ ସମ୍ପ୍ରଦାୟ ମଧ୍ୟ ପ୍ରତିକ୍ରିୟା ଶୀଳ ହୋଇଛି । କଂଗ୍ରେସୀ ମନୋଭାବ ରଖୁଥିବା ଦଳର ସାଂସଦମାନଙ୍କ ଏପରି କଟାକ୍ଷ ସମଗ୍ର ଜାଟ ସମ୍ପ୍ରଦାୟର ଅପମାନ ବୋଲି ଜାଟ ସଂଘ ଏକ ପ୍ରେସରିଲିଜ ଜାରି କରିଛି । ଏହାର ଜବାବ ଆଗାମୀ ଲୋକସଭା ନିର୍ବାଚନରେ ନିଶ୍ଚିୟ ମିଳିବ ବୋଲି ଜାଟ ସଂଘ ଚେତାବନୀ ମଧ୍ୟ ଦେଇଛି ।
ତେବେ ଆଜି ସଂସଦରୁ ଆଉ 49 ସାଂସଦକୁ ନିଲମ୍ବିତ କରାଯିବା ପରେ ସେମାନଙ୍କ ମଧ୍ୟରୁ କିଛି ସାଂସଦ ସଂସଦ ପରିସରରେ ଏକାଠି ହୋଇଥିଲେ । କୃଣମୂଳ କଂଗ୍ରେସର ନିଲମ୍ବିତ ସାଂସଦ କଲ୍ୟାଣ ବାନାର୍ଜୀ ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଜଗଦ୍ବୀପ ଧନକଡଙ୍କ ମିମିକ୍ରି କରି କରିଥିଲେ । ଅନ୍ୟ ସାଂସଦମାନେ ତାଙ୍କୁ ଉତ୍ସାହିତ କରୁଥିବା ମଧ୍ୟ ଦେଖାଯାଇଥିଲା । କଂଗ୍ରେସ ସାଂସଦ ରାହୁଲ ଗାନ୍ଧୀ ହାତରେ ମୋବାଇଲ ଧରି ଏହି ଘଟଣାକୁ ରେକର୍ଡ କରୁଥିବା ଦେଖିବାକୁ ମିଳିଥିଲା ।
ଏହା ମଧ୍ୟ ପଢନ୍ତୁ :- ଟିଏମସି ସାଂସଦଙ୍କ ମିମିକ୍ରି, ଭିଡିଓ ସୁ୍ଟ୍ କଲେ ରାହୁଲ ଗାନ୍ଧି: ଧନକଡ଼ କହିଲେ ଦୁର୍ଭାଗ୍ୟଜନକ
ଚଳିତ ଶୀତ ଅଧିବେଶନ ପ୍ରଥମରୁ ହିଁ ସ୍ବାଭାବିକ ଗୃହକାର୍ଯ୍ୟ ପରିବର୍ତ୍ତେ ଚର୍ଚ୍ଚାରେ ରହିଆସିଛି । ପ୍ରଥମେ କ୍ବାସ ଫର କ୍ବାରୀ ମାମଲାରେ ଟିଏମସି ନେତ୍ରୀ ମହୁଆ ମୋଇତ୍ରାଙ୍କ ସଭ୍ୟପଦ ରଦ୍ଦ ଓ ଏହାକୁ ନେଇ ହଟ୍ଟଗୋଳ, ପରେ କେନ୍ଦ୍ର ଗୃହମନ୍ତ୍ରୀ ଶାହଙ୍କ ନେହେରୁ ମନ୍ତବ୍ୟ, ତା’ ପରେ ଲୋକସଭାରେ ସୁରକ୍ଷା ବିଭ୍ରାଟ, ଏହାର ପରବର୍ତ୍ତୀ ସମୟରେ ଏହି ପ୍ରସଙ୍ଗକୁ ନେଇ ହଟ୍ଟଗୋଳ ଓ ସାଂସଦଙ୍କ ଗଣନିଲମ୍ବନ ଚଳିତ ଶୀତ ଅଧିବେଶନରେ ଚର୍ଚ୍ଚାରେ ରହିଥିଲା । ଏବେ ଏହି କ୍ରମରେ ଉପରାଷ୍ଟ୍ରପତିଙ୍କ ମିମିକ୍ରି ପ୍ରସଙ୍ଗ ମଧ୍ୟ ଯୋଡି ହୋଇଛି । 22 ତାରିଖରେ ଏହି ଅଧିବେଶନ ଶେଷ ହେବାକୁ ଯାଉଥିବା ବେଳେ ଏବେ ସୁଦ୍ଧା ଉଭୟ ଗୃହର 141 ସାଂସଦ ଅଧିବେଶନରୁ ନିଲମ୍ବିତ ହୋଇଛି । ଏବେ ଗୃହରେ ବିରୋଧୀଙ୍କ ଉପସ୍ଥିତି ବିରୋଧୀ ଶୂନ୍ୟ ସ୍ଥିତି ସହ ପ୍ରାୟ ସମାନ କହିଲେ ଚଳେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
