ଶ୍ରୀନଗର: ଜମ୍ମୁ-କାଶ୍ମୀରର କୁଲଗାମରେ ଆତଙ୍କବାଦୀଙ୍କ ଆକ୍ରମଣ । ଆଇଡି ବିସ୍ଫୋରଣରେ ଜଣେ ଯବାନ ଶହୀଦ ଓ 3 ଯବାନ ଗୁରୁତର ଆହତ । ସମସ୍ତ ଯବାନ ସ୍ଥାନୀୟ ହସ୍ପିଟାଲରେ ଭର୍ତ୍ତି ।
ସୂଚନାଯୋଗ୍ୟ, ବୁଧବାର ଦକ୍ଷିଣ କାଶ୍ମୀରର କୁଲଗାମ ଜିଲ୍ଲାର ଶ୍ୟାମସିପୋରାର ଏକ ସ୍କୁଲ ଭିତରେ ଆତଙ୍କବାଦୀ ଆଇଡି ବୋମାକୁ ଖଞ୍ଜିଥିଲେ । ସେହି ରାସ୍ତା ଦେଇ 24 ଆରଆର ଏକ ରୋଡ ଓପନିଂ ପାର୍ଟି(ଆରଓପି)ର ଚାରି ଜଣ ସେନା ଯାଉଥିବାବେଳେ ଆଇଡି ବ୍ଲାଷ୍ଟ ହୋଇଥିଲା । ଫଳରେ 4 ଜଣ ଯବାନ ଗୁରୁତର ହେବା ସହ ସ୍କୁଲଟି ଧ୍ବଂସ ହୋଇଯାଇଛି ।
ଆତଙ୍କବାଦୀଙ୍କ ଆକ୍ରମଣ ପରେ ସମ୍ପୂର୍ଣ୍ଣ ଅଞ୍ଚଳକୁ ଘେରାବନ୍ଦୀ କରାଯାଇଛି । ଏନେଇ ବରିଷ୍ଠ ପୋଲିସ ଅଧିକାରୀ ସୂଚନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
