ଭୋପାଲ: ମଧ୍ୟପ୍ରଦେଶରୁ ବିପୁଳ ପରିମାଣର ଏମଡିଏମଏ ଡ୍ରଗ୍ସ ଜବତ । ଏଥିସହ 15 ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତମାନଙ୍କ ମଧ୍ୟରୁ କେତକଙ୍କ ଭାରତର ବଡଧରଣର ଅପରାଧିକ ମାମଲାରେ ଲିଙ୍କ ଥିବା ଜଣାପଡିଛି ।
ସୂଚନା ଅନୁଯାୟୀ ଆଜି(ରବିବାର) ମଧ୍ୟପ୍ରଦେଶରୁ 70 କିଲୋଗ୍ରାମ ଏମଡିଏମଏ ଡ୍ରଗ୍ସ ଜବତ ହୋଇଛି । ଜବତ ଡ୍ରଗ୍ସର ମୂଲ୍ୟ ଏକ କୋଟିରୁ ଅଧିକ ହେବ । ପୋଲିସ ମାମଲାରେ ସମ୍ପୃକ୍ତ ଥିବା 15 ଜଣଙ୍କୁ ଗିରଫ କରିଛି । ଗିରଫଙ୍କ ମଧ୍ୟରୁ ଓ୍ବାସିମ ଖାନ୍ ଅୟୁବ କ୍ୟୁରେସୀଙ୍କ ଗୁଲସନ କୁମାର ହତ୍ୟାକାଣ୍ଡ ଏବଂ ମୁମ୍ବାଇ ସିରିଜ୍ ବ୍ଲାଷ୍ଟରେ ଲିଙ୍କ୍ ରହିଛି । ଏନେଇ ଇନ୍ଦୋର ଏଡିଜିପି ଯୋଗେଶ ଦେଶମୁଖ୍ ସୂଚନା ଦେଇଛନ୍ତି । ଏଥିସହ ଗିରଫ ହୋଇଥିବା ଅଭିଯୁକ୍ତଙ୍କର ଅଣ୍ଡର ଓ୍ବାଲ୍ଡ ସହ ଲିଙ୍କ ଥିବା ଏଡିଜିପି କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
