ରାଞ୍ଚି: ଅବହେଳିତ ଅବସ୍ଥାରେ ଝାଡଖଣ୍ଡର ଡୁମକା ବ୍ଲକର ଲକଡ ଜୋରିଆ ଗ୍ରାମ । ଏଠାରେ ସରକାରୀ ଯୋଜନା ଯେମିତି ସାତ ସପନ । ଗରିବ ଓ ଅସହାୟଙ୍କ ପାଇଁ ଅନେକ ସରକାର ଅନେକ ଯୋଜନା କରିଥିବା ବେଳେ ଏଠାକାର ଅବସ୍ଥା ଦେଖିଲେ ଲାଗୁଛି ଯେମିତି ଏଠାରେ ବିକାଶର ପାଦ ପଡିନାହିଁ । ନା ମିଳୁଛି ବାସଗୃହ ନା ଲୋକେ ପାଉଛନ୍ତି ସ୍ବଚ୍ଛ ପାଣି, ଚାଲିବାକୁ ଭଲ ରାସ୍ତାଟିଏ ମଧ୍ୟ ନାହିଁ । ଏହା ଏକ ଆଦିବାସି ବହୁଳ ଅଞ୍ଚଳ ହୋଇଥିବା ବେଳେ ଏଠାରେ ୨୦୦ ଶହ ପରିବାରର ୧୨ଶହ ଲୋକ ବସବାସ କରନ୍ତି । କିନ୍ତୁ ସରକାରୀ ଯୋଜନାରୁ ବଞ୍ଚିତ ହୋଇ ଦୁର୍ଦ୍ଦିନରେ ଦିନ କାଟୁଛନ୍ତି ସମସ୍ତେ । ଡୁମକା ବ୍ଲକରେ ଅନେକ ଟାଣୁଆ ନେତା ରହିଥିଲେ ମଧ୍ୟ ସମସ୍ୟା ଦୂର ନହେବାରୁ ଗ୍ରାମରେ ବିବାହ କରିବାକୁ ଅମଙ୍ଗ ଅନ୍ୟଗ୍ରାମର ଲୋକେ ।
ଲକଡ ଜୋରିଆ ଏକ ସାଧାରଣ ଗ୍ରାମ ନୁହେଁ
ଏହି ଗ୍ରାମ ଜାମା ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଭୁକ୍ତ । ଯେଉଁଠାରେ ବିଧାୟକ ରହିଛନ୍ତି ସୀତା ସୋରେନ । ଯିଏକି JMM ସୁପ୍ରିମୋ ଶିବୁ ସୋରେନଙ୍କ ବୋହୂ । ଯିଏକି ଲଗାତାର ଏଠାରୁ ୩ତର ବିଧାୟକ ଭାବେ ନିର୍ବାଚିତ ହୋଇଛନ୍ତି । କିନ୍ତୁ ଲାଗୁଛି ଯେମିତି ବିଧାୟିକାଙ୍କ ନଜର ଆଢୁଆଳରେ ରହିଯାଇଛି ଏହି ଗ୍ରାମ । ଯଦି ପୂର୍ବ ଇତିହାସକୁ ଦେଖିବା ତେବେ ଶିବୁ ସୋରେନଙ୍କ ପୁଅ ଦୁର୍ଗା ସୋରେନ ଦୁଇଥର ନିର୍ବାଚନରେ ଜିତିଥିଲେ । ଯଦି ଦଳ ବିଷୟରେ କଥା ହେବା, ତେବେ ବର୍ତ୍ତମାନ ଡୁମକା ଲୋକସଭାର ସାଂସଦ ରହିଥିବା ସୁନୀଲ ଲୋରେନ ମଧ୍ୟ ଜାମା ବ୍ଲକରୁ ଆସିଛନ୍ତି । ଯଦି ଦେଖାଯାଏ ଏହି ଅଞ୍ଚଳରେ ବହୁ ବଡବଡ ଜନପ୍ରତିନିଧି ରହିଛନ୍ତି । କିନ୍ତୁ ଏହା ଗ୍ରାମ ଉପରେ କେହି ନଜର ଦେଉନଥିବାରୁ ଏହି ସରକାରୀ ଅଧିକାରୀଙ୍କ ପାଦ ପଡିନାହିଁ ଗ୍ରାମରେ ।
ଲକଡ ଜୋରିଆ ଗ୍ରାମକୁ ନାହିଁ ରାସ୍ତା
ଏହି ଗ୍ରାମକୁ ଯିବା ପାଇଁ ରାସ୍ତା ଖଣ୍ଡିଏ ମଧ୍ୟ ନାହିଁ । ଖାଲ ଖମାରରେ ଭରି ହୋଇଛି ପୁରା ରାସ୍ତା । ଏଠାରେ ଗାଡି ଯିବାତ ଦୂରରେ କଥା ଚାଲିବାକୁ ମଧ୍ୟ ଅନେକ ସମୟରେ ଭୟ ଲାଗେ । ଯଦି ଗ୍ରାମରେ କେତେବେଳେ କାହାର ଦେହ ଖରାପ ହୁଏ ତେବେ ଆମ୍ବୁଲାନ୍ସ ଗାଁରେ ପହଞ୍ଚି ପାରେ ନାହିଁ । ଫଳରେ ଅନେକ ସମୟରେ ଖଟିଆରେ ବୁହା ହୋଇ ହସ୍ପିଟାଲରେ ଚିକିତ୍ସା ପାଇଁ ଅସୁସ୍ଥ ବ୍ୟକ୍ତିଙ୍କୁ ଭର୍ତ୍ତି କରାଯାଏ ।
ପାଣି ସମସ୍ୟା
ଗ୍ରାମରେ ଉତ୍କଟ ରୂପ ନେଇଛି ପାନୀୟ ଜଳ ସମସ୍ୟା । ଦିର୍ଘ ୨ବର୍ଷ ହେଲା ଏଠାରେ ପାଣି ଟାଙ୍କି ଲଗାଇବାକୁ କାମ ଆରମ୍ଭ ହୋଇଛି କିନ୍ତୁ ଆଜି ପର୍ଯ୍ୟନ୍ତ ପାଣି ବୁନ୍ଦେ ପାଇନାହାନ୍ତି ସ୍ଥାନୀୟ ଲୋକେ । କିନ୍ତୁ ପ୍ରଶାସନର ଏଥି ପ୍ରତି ଦୃଷ୍ଟି ନାହିଁ । ଗ୍ରାମରେ ମାତ୍ର ଚାରିଟି ନଳକୂପ ଥିବାରୁ ସେଥିରୁ ଅନେକ ସମୟରେ କମ ପାଣି ବାହାରୁଛି ଯାହା ସମୁଦ୍ରକୁ ଶଙ୍ଖେ ପରି ମନେ ହେଉଛି । ଏନେଇ ଗ୍ରାମବାସୀ କହିଛନ୍ତି ଯେ, ''ଯେତେବେଳେ ପାଣି ଟାଙ୍କି ନିର୍ମାଣ କାର୍ଯ୍ୟ ଆରମ୍ଭ ହେଲା, ସେତେବେଳେ ଆମେ ବହୁତ ଖୁସି ହୋଇଥିଲୁ ଯେ ବର୍ତ୍ତମାନ ଜଳ ସମସ୍ୟାର ସମାଧାନ ହେବ, କିନ୍ତୁ ତାହା ମଧ୍ୟ ସମ୍ପର୍ଣ୍ଣ ହୋଇପାରିଲା ନାହିଁ ।
ବାସଗୃହ ଯୋଜନାରୁ ବଞ୍ଚିତ ଗ୍ରାମବାସୀ
ଗ୍ରାମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଆଜି ପର୍ଯ୍ୟନ୍ତ କାହାକୁ ବି ଘର ମିଳିନଥିବା କହିଛନ୍ତି ଗ୍ରାମବାସୀ । ଏଥିରେ ବିଦ୍ୟୁତ ସେବା ମଧ୍ୟ ଅପହଞ୍ଚ ରହିଛି ଏହି ଗ୍ରାମରେ । ଫଳରେ ପାଠ ପଢିବା ସମୟରେ ସମସ୍ୟାର ସମ୍ମୁଖୀନ ହୁଅନ୍ତି ଛାତ୍ରଛାତ୍ରୀ ।
ଗ୍ରାମରେ ବିବାହ କରିବାକୁ ଅମଙ୍ଗ ଅନ୍ୟ ଗ୍ରାମର ଲୋକେ
ଗ୍ରାମରେ ରାସ୍ତା, ପାନୀୟ ଜଳ ଓ ବିଦ୍ୟୁତ ସେବା ଭଳି ଅନେକ ସମସ୍ୟା ରହୁଥିବା ବେଳେ ଏହି ଗ୍ରାମରେ ବିବାହ କରିବାକୁ ମଧ୍ୟ ଅନ୍ୟଗ୍ରାମର ଲୋକେ ମଧ୍ୟ ଇଚ୍ଛା କରନ୍ତି ନାହିଁ । କାହିଁକିନା ଏତେ ସମସ୍ୟା ମଧ୍ୟରେ ଏଠାକୁ କେହି ବିବାହ କରିବାକୁ ଇଚ୍ଛା ପ୍ରକାଶ କରନ୍ତି ନାହିଁ ।
ପ୍ରଶାସନିକ ଅଧିକାରୀଙ୍କ ମତ
ଗ୍ରାମରେ ସମସ୍ୟା ବିଷୟରେ ଡୁମୁକା ଡେପୁଟି କମିଶନର ଓ ଏବଂ ଡେପୁଟି ଡେଭଲପମେଣ୍ଟ କମିଶନରଙ୍କୁ ପଚାରିବାରୁ କ୍ୟାମେରା ସମ୍ମୁଖରେ ସେ କିଛି ଉତ୍ତର ଦେଇନଥିଲେ । ପରେ ଡେପୁଟି ଡେଭଲପମେଣ୍ଟ କମିଶନର ଜାମା ବ୍ଲକର ବିଡିଓଙ୍କୁ ଗାଁକୁ ଯାଇ ରାସ୍ତା ସମସ୍ୟା, ଜଳ ସମସ୍ୟା ବିଷୟରେ ଅବଗତ କରାଇବାକୁ କହିଛନ୍ତି ।
