ବେଙ୍ଗାଲୁରୁ: ଗତକାଲି କର୍ଣ୍ଣାଟକ ବାଇକମ୍ପାଡି ଶିଳ୍ପାଞ୍ଚଳର ଏଭରେଷ୍ଟ ସାଗର ଫୁଡ୍ସ ପ୍ରାଇଭେଟ ଲିମିଟେଡ ନାମକ ଏକ ଫିସ ପ୍ରୋସେସିଙ୍ଗ ପ୍ଲାଣ୍ଟରେ ରାସାୟନିକ ଗ୍ୟାସ ଲିକ୍ ହୋଇଥିଲା । ଫଳରେ କର୍ମଚାରୀମାନେ ଅଣନିଶ୍ବାସୀ ହୋଇପଡିଥିଲେ । ସେଥିରୁ 20 ଜଣ ଅସୁସ୍ଥ ହେବା ପରେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣା ସମୟରେ ପ୍ରାୟ ୮୦ଜଣ କର୍ମଚାରୀ ଥିବା ନେଇ ପୋଲିସ କମିଶନର ଏନ ଶଶିକୁମାର ସୂଚନା ଦେଇଛନ୍ତି ।
ରାସାୟନିକ ଗ୍ୟାସ ଲିକ୍ ହେବା ଫଳରେ ୨୦ ଜଣ କର୍ମଚାରୀଙ୍କ ଶ୍ୱାସକ୍ରିୟାରେ ସମସ୍ୟା ହୋଇଥିଲା । ଖବର ପାଇବା ପରେ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଆହତଙ୍କୁ ସହରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରିଥିଲା । କିନ୍ତୁ ବର୍ତ୍ତମାନ ସୁଦ୍ଧା କୌଣସି କ୍ଷୟକ୍ଷତିର ଆକଳନ କରାଯାଇନାହିଁ । କେଉଁ ପରିସ୍ଥିତିରେ ଏହିପରି ଘଟଣା ଘଟିଛି ତାହାର କାରଣ ଏପର୍ଯ୍ୟନ୍ତ ମଧ୍ୟ ସ୍ପଷ୍ଟ ହୋଇନାହିଁ ।
