ନୂଆଦିଲ୍ଲୀ: ଏକ ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତିଗଲେ ବିଜେପି ନେତା ମନୋଜ ତିୱାରୀ । ଦୁର୍ଘଟଣାରୁ ରକ୍ଷା ପାଇଗଲା ନେତାଙ୍କ ହେଲିକପ୍ଟର । ଆସାମର ରତାବାରୀ ନିର୍ବାଚନୀ ମଣ୍ଡଳୀରେ ପ୍ରଚାରକୁ ଯିବା ସମୟରେ ହେଲିକପ୍ଟରଟି ମେଘାଳୟର ଏକ ପାହାଡକୁ ଧକ୍କା ଦେଉ ଦେଉ ବର୍ତ୍ତିଯାଇଛି ।
ଦଳୀୟ ନିର୍ବାଚନୀ ପ୍ରଚାର ପାଇଁ ମନୋଜ ତିୱାରୀ ଆସାମ ଗସ୍ତରେ ଯାଇଥିଲେ । ସେଠାରେ ସେ ଖାନପାରାସ୍ଥିତି ଅସ୍ଥାୟୀ ହେଲିପ୍ୟାଡରୁ ରାବବାରୀ ଅଭିମୁଖେ ବାହାରିଥିଲେ । ଏହି ସମୟରେ ମେଘାଳୟ ପାହାଡ ଅତିକ୍ରମ କରୁଥିବାବେଳେ ଶ୍ରୀଲଙ୍କା ପାଇଲଟଙ୍କ ଅଭିଜ୍ଞତା ଯୋଗୁଁ ଜୀବନ ବର୍ତ୍ତି ଯାଇଥିବା କହିଛନ୍ତି ମନୋଜ ।
ଆଜି ଠାରୁ ଆସାମରେ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ଆରମ୍ଭ ହୋଇଛି । ତୃତୀୟ ପର୍ଯ୍ୟାୟ ଦେଇ ଭୋଟିଂ କରାଯିବ । ଆସନ୍ତା ମେ 2 ତାରିଖରେ ଆସିବ ନିର୍ବାଚନ ଫଳାଫଳ ।
ବ୍ୟୁରୋ ରିପୋର୍ଟ, ଇଟିଭି ଭାରତ
