ବେଙ୍ଗାଲୁରୁ: ସ୍ତ୍ରୀକୁ ହତ୍ୟା କଲା ସ୍ବାମୀ । ଦୁଇବର୍ଷ ଧରି ପକ୍ଷାଘାତ ରୋଗରେ ପୀଡିତ ଥିବା ସ୍ତ୍ରୀକୁ ହତ୍ୟା କଲା ସ୍ବାମୀ(Man kills paralysed wife in Bengaluru)। ଏଭଳି ଅଭାବନୀୟ ଘଟଣା ଦେଖିବାକୁ ମିଳୁଛି ବେଙ୍ଗାଲୁରୁରେ । ଏନେଇ ଅଭିଯୋଗ ପରେ ସ୍ବାମୀକୁ ଗିରଫ କରାଯାଇଥିବା ନେଇ ପୋଲିସ ପକ୍ଷରୁ ସୂଚନା ମିଳିଛି । ତେବେ ଗିରଫ ବ୍ୟକ୍ତି ଜଣକ ବେଙ୍ଗାଲୁରୁ ଉପକଣ୍ଠରେ ଥିବା ତୁରହଲୀର ନିବାସୀ ଶଙ୍କରାପ୍ପା (60) ବୋଲି ଜଣାପଡିଛି ।
ସୂଚନା ଅନୁଯାୟୀ, ମୃତ ମହିଳା ଜଣକ 2 ବର୍ଷ ଧରି ପକ୍ଷାଘାତ ରୋଗରେ ପୀଡିତ ଥିଲେ । ଏନେଇ ତାଙ୍କ ପ୍ରତି ଯତ୍ନ ନେବାର ଆବଶ୍ୟକତା ଥିଲା । ତେଣୁ ସ୍ତ୍ରୀର ଯତ୍ନ ନେଇ ଅତିଷ୍ଠ ହୋଇଯାଇଥିଲା ଅଭିଯୁକ୍ତ । ଏହାପରେ ସବୁଦିନ ରାସ୍ତାରୁ ସଫା କରିବାକୁ ଯୋଜନା କରିଥିଲା । ଘରେ କେହି ନଥିବା ବେଳେ ପାଣି ଭର୍ତ୍ତି ଡ୍ରମରେ ସ୍ତ୍ରୀକୁ ଫିଙ୍ଗି ଦେଇଥିଲା । ପରେ 11 ବର୍ଷର ପୁଅ ଘରକୁ ଫେରିବା ପରେ ମା’ର ମୃତଦେହ ଭାସୁଥିବା ଦେଖିବାକୁ ପାଇଥିଲା । ଏନେଇ ସଙ୍ଗେ ସଙ୍ଗେ ନିକଟସ୍ଥ ଗ୍ୟାରେଜରେ ଏ ସମ୍ପର୍କରେ ଜଣାଇଥିଲା । ଖବର ପାଇ ପୋଲିସ ପହଞ୍ଚି ଅଭିଯୁକ୍ତ ସ୍ବାମୀକୁ ଗିରଫ କରିଛି ।
