ନୂଆଦିଲ୍ଲୀ : ଭାରତୀୟ ସେନାର ତଥ୍ୟ ବିଦେଶୀ ଗୁଇନ୍ଦାକୁ ଯୋଗାଇବା ଅଭିଯୋଗରେ ଜଣଙ୍କୁ ଗିରଫ କଲା ଦିଲ୍ଲୀ ପୋଲିସର ସ୍ପେଶାଲ ସେଲ । ଗିରଫ ଅଭିଯୁକ୍ତର ନାଁ ହରପାଲ ସିଂ ଓ ସେ ପଞ୍ଜାବର ତାରଣ ଅଞ୍ଚଳର ବାସିନ୍ଦା ବୋଲି ଜଣାପଡିଛି । ସେ ଭାରତୀୟ ସେନାର ଗତିବିଧି ସମ୍ପର୍କରେ ବହୁ ଗୁରୁତ୍ବପୂର୍ଣ୍ଣ ସୂଚନା ବିଦେଶୀ ଗୁଇନ୍ଦା ଏଜେନ୍ସିକୁ ପ୍ରେରଣ କରିଥିବା ଖବର ପାଇଥିଲା ପୋଲିସ । ଆଜି ତାକୁ ଗିରଫ କରାଯାଇଛି ।
ଦିଲ୍ଲୀ ପୋଲିସର କ୍ରାଇମବ୍ରାଞ୍ଚ ସ୍ପେଶାଲ ସେଲ ଡିସିପି ସଞ୍ଜୀବ ଯାଦବଙ୍କ ସୂଚନା ଅନୁସାରେ ହରପାଲ ଭାରତୀୟ ସେନା, ସୀମା ସୁରକ୍ଷା ବଳ ଓ ଭାରତ- ପାକ ସୀମାରେ ଥିବା ସେନା ବଙ୍କର ଗୁଡିକର ଅବସ୍ଥିତି ଭଳି ଆଭ୍ୟନ୍ତରୀଣ ସାମରିକ ରଣନୀତି ସମ୍ପର୍କରେ ବହୁ ଗୁରୁତ୍ବପୂର୍ଣ୍ଣ ତଥ୍ୟ ବିଦେଶକୁ ପ୍ରେରଣ କରିଛି । ତେବେ ଦୀର୍ଘ ଦିନ ଧରି ସୂଚନା ରହିଥିଲେ ସୁଦ୍ଧା ତାର ଗତିବିଧି ଉପରେ ଦୃଷ୍ଚି ରଖିଥିଲା ପୋଲିସ । ଶେଷରେ ଆଜି ତାକୁ ଗିରଫ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
