କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ମତଗଣନାରେ ବଡ ଅଦଳବଦଳ । ପଲଟିଲା ବାଜି । ହାଇଭୋଲଟେଜ ନନ୍ଦିଗ୍ରାମ ଆସନରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ମାତ ଦେଇ ବାଜି ମାରିଛନ୍ତି ବିଜେପିର ହେଭିୱେଟ ଶୁଭେନ୍ଦୁ ଅଧିକାରୀ ।
ବଙ୍ଗରେ ତୃଣମୂଳ କଂଗ୍ରେସ ଡବଲ ସେଞ୍ଚୁରୀ ମାରିଥିଲେ ମଧ୍ୟ ନନ୍ଦିଗ୍ରାମରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଖେଳା ଶେଷ ହୋଇଛି । 9862 ଭୋଟରେ ମମତାଙ୍କୁ ହରାଇଛନ୍ତି ଶୁଭେନ୍ଦୁ । ପରାଜୟ ପରେ ଜନାଦେଶକୁ ସ୍ବୀକାର କରିଛନ୍ତି ମମତା । ଦିଦି କହିଛନ୍ତି, ନନ୍ଦିଗ୍ରାମ କଥା ଭୁଲି ଯାଆନ୍ତୁ...ପଶ୍ଚିମବଙ୍ଗରେ ଡବଲ ସେଞ୍ଚୁରୀ ମାରିଛି ବିଜେପି ।
ପଶ୍ଚିମବଙ୍ଗ ବିଧାନସଭା ନିର୍ବାଚନରେ ହଟ୍ ସିଟ ନନ୍ଦିଗ୍ରାମ ଉପରେ ରହିଥିଲା ସମସ୍ତଙ୍କ ନଜର । କାରଣ ଏହି ହାଇପ୍ରୋଫାଇଲ ଆସନରେ ହେଉଥିଲା ହେଭିୱେଟଙ୍କ ଜୋରଦାର ଲଢେଇ । ମୈଦାନରେ ଥିଲେ ତୃଣମୂଳ କଂଗ୍ରେସର ମୁଖିଆ ମମତା ବାନାର୍ଜୀ ଏବଂ ବିଜେପିର ଶୁଭେନ୍ଦୁ ଅଧିକାର ।
ଭୋଟ ଗଣତି ମଧ୍ୟରେ ପ୍ରତି ସେକେଣ୍ଡ୍ରେ ବଦଳୁଥିଲା ଚିତ୍ର । କାହା ହାତକୁ ଯିବ ନନ୍ଦିଗ୍ରାମ, ଏନେଇ ଲାଗି ରହିଥିଲା ସସପେନ୍ସ । ଆଉ ଶେଷରେ ବାଜି ପଲଟାଇ ନନ୍ଦିଗ୍ରାମକୁ ନିଜ ଦଖଲକୁ ନେଇଛନ୍ତି ଶୁଭେନ୍ଦୁ ଅଧିକାରୀ ।
