ସୁରତ: ସୁରତ ସହରରେ ବଡଧରଣର ଅଗ୍ନିକାଣ୍ଡ । ସୁରତ ଟେକ୍ସଟାଇଲ ମିଲରେ ନିଆଁ ଲାଗିଥିବା ସୂଚନା । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଥିବାବେଳେ ଚାଲିଛି ନିଆଁଲିଭା କାର୍ଯ୍ୟ ।
ସୁରତ ସହରରେ ଥିବା ଏକ ଟେକ୍ସଟାଇଲର ପ୍ରିଣ୍ଟିଂ ମିଲରେ ଆଜି(ଶୁକ୍ରବାର) ମଧ୍ୟାହ୍ନ ସମୟରେ ଭୟଙ୍କର ନିଆଁ ଲାଗିଛି । ଏହି ମିଲ ସୁରତ ସହରର ନିକଟସ୍ଥ ଅଶ୍ବିନୀ କୁମାର ରୋଡରେ ଥିବା ଭରଚ୍ଛାରେ ଅବସ୍ଥିତ । ଏହି ଅଗ୍ନିକାଣ୍ଡ ନେଇ ସୁରତ ମ୍ୟୁନିସିପାଲିଟି କର୍ପୋରେସନ୍(ସିଏମସି) କହିଛନ୍ତି ଯେ, ଲାବଧି ଟେକ୍ସଟାଇଲ ମିଲରେ ଏହି ଅଗ୍ନିକାଣ୍ଡ ଲାଗିଥିବାବେଳେ ନିଆଁ ଲାଗିବାର ପ୍ରକୃତ କାରଣ ଏଯାଁଏ ଜଣାପଡିନାହିଁ ।
ତେବେ ଅଗ୍ନିକାଣ୍ଡରେ କେହି ମୃତାହତ ହୋଇ ନଥିବାବେଳେ ଟେକ୍ସଟାଇଲ ମିଲରେ ରଖାଯାଇଥିବା ଲକ୍ଷ ଲକ୍ଷ ଟଙ୍କାର ବିପୁଳ ପରିମାଣର ପଲିଷ୍ଟର ,ଫ୍ୟାବ୍ରିକ ଉପାଦାନ ଓ କପଡା ତିଆରିରେ ବ୍ୟବହୃତ ଅନେକ କେମିକାଲ ଡ୍ରମରେ ନିଆଁ ଲାଗି ଜଳିପଡି ପାଉଁଶ ହୋଇଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
