ନୂଆଦିଲ୍ଲୀ: ସାଧାରଣତନ୍ତ୍ର ଦିବସ ଉତ୍ସବ ପରେ ଉଦଯାପନୀ ସ୍ବରୂପ ଜାନୁଆରୀ ୨୯ରେ ଅନୁଷ୍ଠିତ ହେଉଥିବା ଧ୍ବଜାବତରଣ ଉତ୍ସବରେ ବଡ ପରିବର୍ତ୍ତନ ଆଣିଛନ୍ତି କେନ୍ଦ୍ର ସରକାର । ଚଳିତ ବର୍ଷ ଠାରୁ ଧ୍ବଜାବତରଣ ବେଳେ ଆଉ ଶୁଭିବନି ମହାତ୍ମା ଗାନ୍ଧୀଙ୍କ ପସନ୍ଦର ଧାର୍ମିକ ଗୀତ 'ଆବାଇଡ ୱିଥ୍ ମି '। କାରଣ କେନ୍ଦ୍ର ସରକାର ଏହି ଖ୍ରୀଷ୍ଟିୟାନ ଧାର୍ମିକ ଗୀତକୁ ଧ୍ବଜାବତରଣ କାର୍ଯ୍ୟକ୍ରମରୁ ବାଦ ଦେଇଛନ୍ତି ।
୧୯୫୦ ମସିହାକୁ ପାରମ୍ପରିକ ଭାବେ ଗାନ୍ଧିଜୀଙ୍କ ପ୍ରିୟ ଗୀତ ଧ୍ବଜାବତରଣ ଉତ୍ସବରେ ଗାନ ହେଉଥିଲା । ଏହା ବଦଳରେ ଚଳିତ ବର୍ଷ ହିନ୍ଦୀ ଦେଶାତ୍ମକ ଗୀତ ସାରେ ଜାହାଁ ସେ ଆଚ୍ଛା ବାଜିବ । ଯୁଦ୍ଧ ବେଳେ ଦିବସର ଶେଷ ସମୟରେ ଏହି ଗୀତର ଧ୍ବନୀକୁ ବଜା ଯାଇଥାଏ । ଏହା ବାଜିବା କ୍ଷଣି ଯବାନମାନେ ଯୁଦ୍ଧକ୍ଷେତ୍ରରୁ ପଛକୁ ହଟି ଯାଉଥିଲେ । ଭାରତରେ ପ୍ରତିବର୍ଷ ଜାନୁଆରୀ ୨୯ ସନ୍ଧ୍ୟାରେ ଦିଲ୍ଲୀର ବିଜୟ ଚୌକଠାରେ ଆୟୋଜିତ ହେଉଥିବା ଧ୍ବଜାବତରଣ କାର୍ଯ୍ୟକ୍ରମ ସହ ଗଣତନ୍ତ୍ର ଦିବସ ସମାରୋହ ଶେଷ ହୋଇଥାଏ । ଶେଷରେ ଏହି ଗୀତର ଧ୍ବନୀକୁ ପରିବେଷଣ କରାଯାଇଥାଏ।
ମହାତ୍ମା ଗାନ୍ଧୀଙ୍କ ପ୍ରିୟ ଗୀତ 'ଆବାଇଡ ୱିଥ୍ ମି' ହେଉଛି ଏକ ପ୍ରାର୍ଥନା । ଯେଉଁ ଥିରେ ଗୀତ ଗାଉଥିବା ଲୋକଙ୍କ ଜୀବନ ଓ ମୃତ୍ୟୁ ସମୟରେ ଭଗବାନ ତାଙ୍କ ସହ ରୁହନ୍ତୁ ବୋଲି ପ୍ରାର୍ଥନା କରାଯାଏ ଏହି ଗୀତଟିକୁ ୧୮୪୭ ମସିହାରେ ସ୍କଟିସ୍ ଲେଖକ ହେନେରୀ ଫ୍ରାନ୍ସିସ୍ ଲାଇଟ୍ ଲେଖିଥିଲେ।
ବ୍ୟାଣ୍ଡରେ ସ୍ଥଳ ସେନା, ନୌସେନା, ବାୟୁସେନା, କେନ୍ଦ୍ରୀୟ ସଶସ୍ତ୍ର ପୋଲିସର ସଦସ୍ୟ ରହିବେ । ଇଣ୍ଡିଆ ଗେଟରେ ଥିବା ଅମର ଯବାନ ଜ୍ୟୋତିକୁ ଜାତୀୟ ଯୁଦ୍ଧ ସ୍ମାରକୀକୁ ସ୍ଥାନାନ୍ତର କରାଯିବାର ଦିନକ ପରେ ଧ୍ବଜାବତରଣ ଉତ୍ସବରୁ ବାପୁଙ୍କ ପ୍ରିୟ ଗୀତକୁ ବାଦ ଦେବାକୁ ନିଷ୍ପତ୍ତି ହୋଇଛି ।
