ମୁମ୍ବାଇ: ବିଜେପିକୁ କଟାକ୍ଷ କଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ଏଥିସହ ପ୍ରଧାନମନ୍ତ୍ରୀ ମୋଦି ପାକିସ୍ତାନରେ କେକ୍ ଖାଉଛନ୍ତି । ତେବେ ଆମେ କ'ଣ ବିଜେପିକୁ ହିଜବୁଲ ଜନତା ପାର୍ଟି କହି ପାରିବୁ ବୋଲି କି ସେ କହିଛନ୍ତି । ଏହା ସହିତ ବାଜପେୟୀଙ୍କ ଦ୍ବାରା ଆରମ୍ଭ ହୋଇଥିବା ମୁମ୍ବାଇ-ଭାରତ-ପାକିସ୍ତାନ ବସ ସେବାକୁ ନେଇ ଉଦ୍ଧବ ଠାକରେ ବିଜେପିକୁ ଟାର୍ଗେଟ୍ କରି କହିବା ସହ ମୋଦି ପାକିସ୍ତାନରେ କେକ୍ ଖାଉଛନ୍ତି ।
ତେବେ ଆଜି ଶିବସେନା ସରକାର ଗଢିବାର ଦୁଇ ବର୍ଷ ପୂର୍ତ୍ତୀ ଅବସରରେ ଏହା କହିଛନ୍ତି ଠାକରେ । ଏଥିସହ ସରକାର ଗଢିବାର ଦୁଇ ବର୍ଷ ପୂର୍ତ୍ତୀ ଅବସରରେ ଶିବସେନା ପକ୍ଷରୁ 'ଶିବ ସମ୍ପର୍କ' ଅଭିଯାନ କରାଯିବ ବୋଲି ସେ କହିଛନ୍ତି । ଏହା ଆସନ୍ତା ୨୨ ତାରିଖରୁ ୨୫ ତାରିଖ ପର୍ଯ୍ୟନ୍ତ ରାଜ୍ୟରେ ବିଭିନ୍ନ ଜିଲ୍ଲାରେ ପ୍ରଥମ ପର୍ଯ୍ୟାୟରେ କରାଯିବ ।
ଏହା ଦ୍ବାରା ଆମେ ଲୋକଙ୍କୁ ପାଖକୁ ଯିବା ସହ ସାଧାରଣ ଲୋକଙ୍କୁ ସୁବିଧା ଅସୁବିଧା ସମ୍ପର୍କରେ ବୁଝିବା ସହ ପାର୍ଟିର ଉନ୍ନତି ପାଇଁ କାମ କରିବୁ । ତେବେ ପ୍ରଥମ ପର୍ଯ୍ୟାୟରେ ହେବାକୁ ଥିବା ଏହି ଅଭିଯାନ ମହାରଷ୍ଟ୍ରର ୧୯ଟି ଜିଲ୍ଲାରେ କରାଯିବ । ଏଥିସହ ଶିବସେନା ସାଂସଦ ଓ ଜିଲ୍ଲା ମୁଖ୍ୟଙ୍କୁ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମାର୍ଗଦର୍ଶନ କରାଇବେ । ଏପଟେ ଭାରତୀୟ ଜନତା ପାର୍ଟିକୁ ହିନ୍ଦୁତ୍ୱ ପ୍ରସଙ୍ଗରେ ସମାଲୋଚନା କରାଯାଇଥିଲା ।
ଏତଦ୍ବ୍ୟତୀତ୍ ଏହି ସମ୍ପର୍କ ଯାତ୍ରା କିଛି ନୂଆ ନୁହେଁ ବୋଲି ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଛନ୍ତି । ଏଥିସହ ଶିବସେନା ଚିନ୍ତାଧାରା ଘର ଘର ପର୍ଯ୍ୟନ୍ତ ବିସ୍ତାର ହେବ ସହ ବିଜେପି ମିଳିତ ମଞ୍ଚ ଭାଙ୍ଗିଛି ବୋଲି ସେ କହିଛନ୍ତି । ତେବେ ଆଜି ଏହି ଭଳି ଢଙ୍ଗରେ ବିଜେପି କଡା ସମାଲୋଚନା କରିଛନ୍ତି ଉଦ୍ଧବ ଠାକରେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
