ଶ୍ରୀନଗର: ଉତ୍ତର କାଶ୍ମୀରର ବାରମୁଲ୍ଲା ଜିଲ୍ଲାର କେରି ଡୋଲିପୁରା ଅଞ୍ଚଳରେ ସେନାବାହିନୀକୁ ସଫଳତା । ଜମ୍ମୁ କଶ୍ମୀର ପୋଲିସ ଏବଂ ସୁରକ୍ଷାବାହିନୀର ମିଳିତ ଅପରେସନ୍ ସମୟରେ ଲସ୍କର-ଇ-ତୋଇବାର ଜଣେ ସହଯୋଗୀଙ୍କୁ ଗିରଫ କରାଯାଇଛି ।
ଖବର ଅନୁଯାୟୀ, କେରି ଡୋଲିପୁରାରେ ସର୍ଚ୍ଚ ଅପରେସନ ବେଳେ ସେନା ଓ ଜମ୍ମୁକଶ୍ମୀର ପୋଲିସ ଏବଂ ଏସସିବିର ମିଳିତ ଉଦ୍ୟମରେ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଜଣେ ଲସ୍କର-ଇ-ତୋଇବା ସହଯୋଗୀଙ୍କୁ ଗିରଫ କରାଯାଇଛି । ତାଙ୍କ ନିକଟରୁ କିଛି ଗୁଳିଗୋଳା ଓ ଅସ୍ତ୍ରଶସ୍ତ୍ର ଜବତ ହୋଇଛି । ଗିରଫ ଆତଙ୍କବାଦୀ ଜଣକ ହେଲେ ଗୁଲାମ ନାବି ମିର ସାକିନା ମ୍ୟାନ୍ ଗାମ ୱାଗୁରାଙ୍କ ପୁଅ ଇକବାଲ ମିର ବୋଲି ଚିହ୍ନଟ ହୋଇଛି । ଏ ବାବଦରେ ଏକ ମାମଲା ରୁଜୁ ହୋଇଛି ଏବଂ ଅଧିକ ତଦନ୍ତ ଜାରି ହୋଇଛି ।
ଅନ୍ୟ ଏକ ଘଟଣାରେ ଆତଙ୍କବାଦୀମାନେ ଅନନ୍ତନାଗର ଆଶାଜିପୁରା ଅଞ୍ଚଳରେ ସିଆରିପିଏଫ ବଙ୍କର ଉପରେ ଗ୍ରେନେଡ ଆକ୍ରମଣ କରିଛନ୍ତି । ସନ୍ଦିଗ୍ଧ ଆତଙ୍କୀ ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାର ଆଶଜିପୁରା ଅଞ୍ଚଳର ସିଆରପିଏଫ 40 ବାଟାଲିୟନ ମୁଖ୍ୟାଳୟରେ ଗ୍ରେନେଡ ମାଡ କରିଥିଲେ । ତେଣୁ ସୁରକ୍ଷାବାହିନୀ ଏହି ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ ଆରମ୍ଭ କରିଥିଲା ।
ଏହା ବି ପଢନ୍ତୁ...ଜମ୍ମୁ-କଶ୍ମୀର 11ଟି ସ୍ଥାନରେ NIAର ରେଡ୍, ଖୋଜା ଚାଲିଛି ଆତଙ୍କୀ ଲିଙ୍କ୍
ପ୍ରକାଶ ଥାଉ କି, ଜମ୍ମୁ ଏବଂ କାଶ୍ମୀରରେ ଜାତୀୟ ତଦନ୍ତ ଅଧିକାରୀଙ୍କ ତନାଘନା(NIA) ୧୧ଟି ସ୍ଥାନରେ ରେଡ ମାରିଛି । ଆତଙ୍କବାଦୀ ସଂଗଠନ ଲସ୍କର ଇ ତୋଇବା(LeT) ତଥା ଦ ରେଜିଷ୍ଟାଣ୍ଟ ଫ୍ରଣ୍ଟ ସମ୍ପୃକ୍ତି ଘଟଣାରେ ଏହି ସର୍ଚ୍ଚ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
