ଶ୍ରୀନଗର: ଘାଟିର ପାମ୍ପୋର ଠାରେ ସୁରକ୍ଷା ବାହିନୀଙ୍କ ହାତରେ ଆତଙ୍କବାଦୀଙ୍କ ଠିକଣା ଧ୍ବସ୍ତ ହୋଇଛି । ଆତଙ୍କବାଦୀ ଲୁଚି ରହିଥିବା ସ୍ଥାନରୁ 26ଟି AK-47 ଏବଂ ଅନ୍ୟାନ୍ୟ ଆପତ୍ତିଜନକ ସାମଗ୍ରୀ ଉଦ୍ଧାର କରାଯାଇଛି । ଆତଙ୍କବାଦୀଙ୍କ ଜଣେ ସହଯୋଗୀକୁ ମଧ୍ୟ ଗିରଫ କରାଯାଇଛି । ଏହି ଘଟଣାରେ ପୋଲିସ ଏକ ମାମଲା ରୁଜୁ କରିଛି ।
ଅବନ୍ତୀପୋରା ପୋଲିସକୁ ଚନ୍ଦହରା ପାମ୍ପୋର ଗ୍ରାମରେ ଆତଙ୍କବାଦୀ ଲୁଚି ରହିଥିବା ବିଷୟରେ ସୂଚନା ମିଳିଥିଲା । ଏହି ସୂଚନାକୁ ଭିତ୍ତି କରି ପୋଲିସ, ସେନାର 50-ଆରଆର (ରାଷ୍ଟ୍ରିୟ ରାଇଫଲ୍ସ) ଏବଂ CRPF ର 110 ତମ ବାଟାଲିୟନ ଏହି ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଛି ।
ସୁରକ୍ଷା ବାହିନୀ ଆତଙ୍କବାଦୀ ଆଦିଲ ଅହମ୍ମଦ ଶାହାର ପୁଅ ମହମ୍ମଦ ଆଜାଦ ଶାହାକୁ ଗିରଫ କରିଛି । ତାଙ୍କୁ ପଚରାଉଚରା ଚାଲିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
