ନୂଆଦିଲ୍ଲୀ: ସାଧାରଣତନ୍ତ୍ର ଦିବସ ଅବସରରେ ଅଶାନ୍ତ ହୋଇଛି ଦିଲ୍ଲୀ । ଟ୍ରାକ୍ଟର ରାଲି ଆଳରେ ଚାଷୀ କରିଛନ୍ତି ହିଂସା ପ୍ରଦର୍ଶନ । କିଛି ଚାଷୀ ପୋଲିସ ଉପରକୁ ଟ୍ରାକ୍ଟର ଚଢାଇବାକୁ ଚେଷ୍ଟା କରିଥିଲେ । ତେବେ ଆନ୍ଦୋଳନ ସମୟରେ 2 ଚାଷୀଙ୍କ ମୃତ୍ୟୁ ହୋଇଥିବା ଜଣାପଡଜିଛି ।
ITO ଛକରେ ଜଣେ ଚାଷୀଙ୍କ ମୃତ୍ୟୁ ହୋଇଥିବା ବେଳେ ସେପଟେ ସିଂଘୁ ସୀମାରେ ମଧ୍ୟ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ପ୍ରଦର୍ଶନ ସମୟରେ ଆନ୍ଦୋଳନରତ ଚାଷୀ ଓ ପୋଲିସ ପରସ୍ପର ମଧ୍ୟରେ ମୁହାଁମୁହିଁ ହୋଇଥିଲେ ।
ଚାଷୀ ସମୁହ ଦାବି କରିଛନ୍ତି ଯେ ଦିଲ୍ଲୀର ଆଇଟିଓରେ ଚାଷୀ ଓ ସୁରକ୍ଷାକର୍ମୀଙ୍କ ମଧ୍ୟରେ ହୋଇଥିବା ମୁହାଁମୁହିଁ ସମୟରେ ପୋଲିସର ଗୁଳିରେ ଉତ୍ତରାଖଣ୍ଡ ଅଧିବାସୀ ଜଣେ ବ୍ୟକ୍ତିର ମୃତ୍ୟୁ ହୋଇଛି । ଦେବେ ଦିଲ୍ଲୀ ପୋଲିସ ପକ୍ଷରୁ ଏନେଇ କୌଣସି ବୟାନ ଜାରି କରାଯାଇନାହିଁ ।
ସେପଟେ ଆଇଟିଓରେ କିଛି ଚାଷୀ ପୋଲିସ ଉପରେ ଟ୍ରାକ୍ଟର ଚଢାଇ ଦେବାକୁ ପ୍ରୟାସ କରିଥିଲେ । ପ୍ରଦର୍ଶନକାରୀ ଚାଷୀଙ୍କୁ ଘଉଡାଇବା ପାଇଁ ପୋଲିସ ଲାଠି ଚାର୍ଜ କରିବା ସହ ଲୁହବୁହା ଗ୍ୟାସ ପ୍ରୟୋଗ କରିଛି । କିଚି ପୋଲିସ ଗାଡିକୁ ମଧ୍ୟ କ୍ଷତି ପହଞ୍ଚିଥିବା ଜଣାପଡିଛି ।
