ଥିରୁଅନନ୍ତପୁରମ: କେରଳରେ 140ଟି ବିଧାନସଭା ଆସନ ପାଇଁ ଚାଲିଛି ଭୋଟ ଗଣତି । ତେବେ ରାଜ୍ୟର 2 ପ୍ରମୁଖ ଦଳ ସିପିଆଇ ଓ କଂଗ୍ରେସ ଭୋଟ ଗଣତିର ପ୍ରାରମ୍ଭିକ ପର୍ଯ୍ୟାୟରେ ଉଭୟ 5 ସିଟରେ ଆଗୁଆ ଅଛନ୍ତି ।
ରବିବାର ସକାଳ 8ଟାରୁ ରାଜ୍ୟର 140ଟି ବିଧାନସଭା ଆସନ ପାଇଁ ଭୋଟ ଗଣତି ପ୍ରକ୍ରିୟା ଆରମ୍ଭ ହୋଇଛି । କୋରୋନା ମହାମାରୀକୁ ଦୃଷ୍ଟିରେ ରଖି ନିର୍ବାଚନ ଆୟୋଗ ସମସ୍ତ ଆବଶ୍ୟକୀୟ ବ୍ୟବସ୍ଥା ଗ୍ରହଣ କରିଛନ୍ତି । ଦେଶରେ କୋରୋନା ମହାମାରୀର ସୁନାମୀ ରୂପ ଦେଖିବାକୁ ମିଳିଥିବା ବେଳେ କଟକଣା ମଧ୍ୟରେ ଭୋଟ ଗଣତି ପ୍ରକ୍ରିୟା ଜାରି ରହିଛି । ଗତ ଏପ୍ରିଲ 26 ତାରିଖରେ ଗୋଟିଏ ପର୍ଯ୍ୟାୟରେ ମତଦାନ ହୋଇଥିଲା ।
କେରଳ ସମେତ ରବିବାର ରାଜ୍ୟରେ ଆଉ 3ଟି ରାଜ୍ୟ ଆସାମ, କେରଳ ଓ ତାମିଲନାଡୁ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳ ପୁଡୁଚେରୀରେ ଭୋଟ ଗଣତି ପ୍ରକ୍ରିୟା ଜାରି ରହିଛି । 4ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର 822ଟି ବିଧାନସଭା ନିର୍ବାଚନୀ ମଣ୍ଡଳୀରେ ସୁରୁଖୁରୁରେ ଭୋଟ ଗଣତି ପ୍ରକ୍ରିୟା ପାଇଁ ସମସ୍ତ ଆବଶ୍ୟକୀୟ ବ୍ୟବସ୍ଥା କରିଛି ନିର୍ବାଚନ ଆୟୋଗ ।
@ANI
