ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କେସିଆରଙ୍କ ନୂଆ ଜାତୀୟ ଦଳ ଭାରତ ରାଷ୍ଟ୍ର ସମିତିର କାର୍ଯ୍ୟାଳୟର ଉଦଘାଟନ ହୋଇଛି । ଦଳର ସଭାପତି ତଥା ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର ଏହି ଦଳୀୟ କାର୍ଯ୍ୟାଳୟର ଉଦଘାଟନ କରିଛନ୍ତି । ଦିଲ୍ଲୀର ସର୍ଦ୍ଦାର ପଟେଲ ରୋଡ୍ରେ ଏହି ଜାତୀୟ କାର୍ଯ୍ୟାଳୟର ଉଦଘାଟନ ହୋଇଛି ।
ରାଜଶ୍ୟାମଳା ଓ ନାଭଚଣ୍ଡୀ ୟାଗାସ୍ ଏହି ଅବସରରେ ନୃତ୍ୟ ପ୍ରଦର୍ଶନ କରିଥିଲେ । ଏହି ଉଦଘାଟନୀ ଉତ୍ସବରେ କେସିଆରଙ୍କ ପତ୍ନୀ ଶୋଭା, ଝିଅ କବିତାଙ୍କ ସହ ବହୁ ବିଧାୟକ ଓ ଅନ୍ୟ ଦଳୀୟ ନେତା ଉପସ୍ଥିତ ରହିଥିଲେ । ଏହାଛଡ଼ା ସମାଜାବାଦୀ ପାର୍ଟି ଅଧ୍ୟକ୍ଷ ଅଖିଲେଶ ଯାଦବ ଓ ଜେଡିଏସ୍ ମୁଖ୍ୟ କୁମାରସ୍ବାମୀ ଏହି ଉଦଘାଟନୀ ଉତ୍ସବରେ ସାମିଲ ହୋଇଥିଲେ । ଏହି ଅବସରରେ ଦଳୀୟ ପତାକା ଉନ୍ମୋଚନ କରିଥିଲେ କେସିଆର୍ ।
ସେପଟେ କେସିଆରଙ୍କ ପୁଅ କେଟିଆର ମଧ୍ୟ ଏହି ଉଦଘାଟନୀ ସମାରୋହରେ ଯୋଗଦେବା କାର୍ଯ୍ୟକ୍ରମ ରହିଥିଲା । କିନ୍ତୁ ଗୁରୁତ୍ବପୂର୍ଣ୍ଣ ବୈଠକ ଯୋଗୁଁ ସେ ନୂଆଦିଲ୍ଲୀରେ ଉଦଘାଟନ ଉତ୍ସବରେ ଯୋଗ ଦେଇ ପାରିନାହାନ୍ତି ।
