ବେଙ୍ଗାଲୁର: ଦକ୍ଷିଣ ଭାରତ ରାଜନୀତିରେ ପୁଣି ଥରେ ହଲଚଲ । କର୍ଣ୍ଣାଟକ ରାଜନୀତିରେ ପୁଣି ହୋଇଛି କ୍ଷମତା ପରିବର୍ତ୍ତନ । ୩ ବର୍ଷ ମଧ୍ୟରେ ରାଜ୍ୟବାସୀ ଦେଖିବେ ୩ ଜଣ ମୁଖ୍ୟମନ୍ତ୍ରୀ । ୨୦୧୮ ବିଧାନସଭା ନିର୍ବାଚନରେ ରାଜ୍ୟରେ ସରକାର ଗଠନ କରିଥିବା ଜେଡିଏସ-କଂଗ୍ରେସକୁ କ୍ଷମତାଚ୍ୟୁତ କରି ଗାଦିରେ ବସିଥିଲେ ବିଏସ ୟେଦିରୁପ୍ପା । ଆଉ ୨ ବର୍ଷ ମୁଖ୍ୟମନ୍ତ୍ରୀ ରହିବା ପରେ ଆଜି ନିଜ ପଦରୁ ଇସ୍ତଫା ଦେଇଛନ୍ତି ଏହି ଅନୁଭବୀ ରାଜନେତା । ତେବେ କଣ ପାଇଁ ଦେଲେ ଇସ୍ତଫା ? କଣ ରହିଛି ବିଜେପିର ଯୋଜନା? କିଏ ହେବେ ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ? ତାକୁ ନେଇ ଏବେ ଦିଲ୍ଲୀରୁ ବେଙ୍ଗାଲୁର ପର୍ଯ୍ୟନ୍ତ ଚାଲିଛି ଚର୍ଚ୍ଚା ।
ଆଜି ସରକାରକୁ ପୂରଣ ହେଲା ୨ ବର୍ଷ...
ଆଜି ହିଁ କର୍ଣ୍ଣାଟକ ବିଜେପି ସରକାରକୁ ୨ବର୍ଷ ପୂରଣ ହୋଇଛି । ଆଉ ସରକାରର ୨ବର୍ଷ ପୂର୍ତ୍ତୀ ଅବସରରେ ରାଜ୍ୟ ସରକାର ଆୟୋଜନ କରିଥିବା ବିଭିନ୍ନ କାର୍ଯ୍ୟକ୍ରମରେ ସାମିଲ ହୋଇଥିଲେ । ହେଲେ ଅଚାନକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଉଥିବା ଘୋଷଣା କରିଥିଲେ ୟେଦିରୁପ୍ପା । ଏହାପରେ ଟ୍ବିଟ କରି ମୁଖ୍ୟମନ୍ତ୍ରୀ ବିଏସ ୟେଦିରୁପ୍ପା କହିଥିଲେ କର୍ଣ୍ଣାଟକ ଲୋକଙ୍କ ସେବା କରିବା ପାଇଁ ରାଜ୍ୟବାସୀ ସୁଯୋଗ ଦେଇଥିବାରୁ ମୁଁ ରାଜ୍ୟବାସୀଙ୍କ ନିକଟରେ କୃତଜ୍ଞ । ୨ ବର୍ଷ ଧରି ମୁଖ୍ୟମନ୍ତ୍ରୀ ରହିବା ମୋ ପାଇଁ ସମ୍ମାନର ବିଷୟ । ସେହିପରି ମୁଖ୍ୟମନ୍ତ୍ରୀ ଭାବେ କର୍ଣ୍ଣାଟକ ଜନତାଙ୍କ ସେବା କରିବାର ସୁଯୋଗ ଦେଇଥିବାରୁ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ ଦେଇଛନ୍ତି । ଏହାବାଦ ଗୃହମନ୍ତ୍ରୀ ଅମିତ ଶାହା, ଦଳର ଅଧ୍ୟକ୍ଷ ଜେପି ନଡ୍ଡାଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି ।
-
It has been an honour to have served the state for the past two years. I have decided to resign as the Chief Minister of Karnataka. I am humbled and sincerely thank the people of the state for giving me the opportunity to serve them. (1/2)
— B.S. Yediyurappa (@BSYBJP) July 26, 2021 " class="align-text-top noRightClick twitterSection" data="
">It has been an honour to have served the state for the past two years. I have decided to resign as the Chief Minister of Karnataka. I am humbled and sincerely thank the people of the state for giving me the opportunity to serve them. (1/2)
— B.S. Yediyurappa (@BSYBJP) July 26, 2021It has been an honour to have served the state for the past two years. I have decided to resign as the Chief Minister of Karnataka. I am humbled and sincerely thank the people of the state for giving me the opportunity to serve them. (1/2)
— B.S. Yediyurappa (@BSYBJP) July 26, 2021
ରବିବାର କହିଥିଲେ ଗୁରୁତୂପୂର୍ଣ୍ଣ କଥା...
ଗତକାଲି (ରବିବାର) ମୁଖ୍ୟମନ୍ତ୍ରୀ ବିଏସ ୟେଦିରୁପ୍ପା କହିଥିଲେ ମୁଖ୍ୟମନ୍ତ୍ରୀ ରହିବେ କି ନାହିଁ ଆସନ୍ତାକାଲି ପର୍ଯ୍ୟନ୍ତ ସ୍ପଷ୍ଟ ହୋଇଯିବ । ତେବେ ମୁଖ୍ୟମନ୍ତ୍ରୀ ରୁହନ୍ତୁ ବା ନରୁହନ୍ତୁ ଆଗାମୀ ୧୦ ରୁ ୧୫ ବର୍ଷ ପର୍ଯ୍ୟନ୍ତ ସେ ଦଳ ପାଇଁ କାମ କରିବେ ବୋଲି କହିଥିଲେ । ୭୮ ବର୍ଷିୟ ୟେଦିରୁପ୍ପା କର୍ଣ୍ଣାଟକ ରାଜନୀତିରେ ଜଣେ ପୁରୁଖା ଖେଳାଳି । ମୋଟ ୮ ଥର ବିଧାନସଭାକୁ ନିର୍ବାଚିତ ହୋଇଥିବା ୟେଦିରୁପ୍ପା ୨ ଥର ମୁଖ୍ୟମନ୍ତ୍ରୀ ହୋଇଥିଲେ ।
-
I am grateful to PM @narendramodi Ji, @JPNadda Ji & @AmitShah Ji for their support. (2/2)
— B.S. Yediyurappa (@BSYBJP) July 26, 2021 " class="align-text-top noRightClick twitterSection" data="
">I am grateful to PM @narendramodi Ji, @JPNadda Ji & @AmitShah Ji for their support. (2/2)
— B.S. Yediyurappa (@BSYBJP) July 26, 2021I am grateful to PM @narendramodi Ji, @JPNadda Ji & @AmitShah Ji for their support. (2/2)
— B.S. Yediyurappa (@BSYBJP) July 26, 2021
ବିଜେପିରେ ରହିବି ...
ଇସ୍ତଫା ଦେବା ପୂର୍ବରୁ ୟେଦିରୁପ୍ପା କହିଥିଲେ ଦଳରେ ସମସ୍ତେ ଜଣେ ଜଣେ କର୍ମୀ । ଦଳ ଯାହା ନିର୍ଦ୍ଦେଶ ଦେବ ତାହା ସେ ପାଳନ କରିବେ । ମୁଖ୍ୟମନ୍ତ୍ରୀ ରୁହନ୍ତୁ କି ନରୁହନ୍ତୁ ବିଜେପିରେ ରହି ଦଳ ପାଇଁ କାମ କରିବେ । ଆଗାମୀ ୨ ବର୍ଷ ପରେ ହେବାକୁ ଥିବା ରାଜ୍ୟ ବିଧାନସଭା ନିର୍ବାଚନରେ ଦଳକୁ ପୁନର୍ବାର କ୍ଷମତାସୀନ କରାଇବାକୁ ସବୁ ଶକ୍ତି ଲଗାଇ ଦେବେ ବୋଲି କହିଛନ୍ତି ୟେଦରୁପ୍ପା ।
ଦିଲ୍ଲୀରେ ବଢିଲା ହଲଚଲ...
ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବ ତାକୁ ନେଇ ଆରମ୍ଭ ହୋଇଯାଇଛି ଅଙ୍କକଷା । ରାଜ୍ୟ ପ୍ରଭାରୀ ଅରୁଣ ସିଂ ଦଳୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ସାକ୍ଷାତ କରି ଆଲୋଚନା କରିଛନ୍ତି । ସେପଟେ କର୍ଣ୍ଣାଟକର କିଛି ନେତାଙ୍କୁ ଦିଲ୍ଲୀ ଡକାଯାଇଛି । ବିଜେପି ଅଧ୍ୟକ୍ଷ ଗୃହମନ୍ତ୍ରୀ ଅମିତ ଶାହା ମଧ୍ୟ ସ୍ଥିତି ଉପରେ ଅବଗତ ହୋଇ ଆବଶ୍ୟକୀୟ ପରାମର୍ଶ ଦେଇଛନ୍ତି । କୁହାଯାଉଛି ଆସନ୍ତାକାଲି କେନ୍ଦ୍ରୀୟ ପର୍ଯ୍ୟବେକ୍ଷକ କର୍ଣ୍ଣାଟକ ଯିବେ । ବିଧାୟକ ଦଳର ବୈଠକରେ ନିଷ୍ପତି ହେବ କିଏ ହେବେ ପରବର୍ତ୍ତୀ ମୁଖ୍ୟମନ୍ତ୍ରୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
